ନୂଆଦିଲ୍ଲୀ: ଆଉ ମାତ୍ର ଦୁଇଦିନ । ଅର୍ଥାତ୍ ମେ ୬ କିମ୍ବା ୭ରୁ ଡହ ଡହ ତାତିରୁ ମିଳିବ ନିସ୍ତାର । ଏହାର ପ୍ରମୁଖ କାରଣ ଦେଶର ପଶ୍ଚିମ ପ୍ରାନ୍ତରେ ତାତି ଥମିଛି । ଏହାସହ ଆସନ୍ତା ଏକ ସପ୍ତାହ ପର୍ଯ୍ୟନ୍ତ ଏହି ପାଗ ଲାଗି ରହିବ ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି । ମଙ୍ଗଳବାର ଛତିଶଗଡ଼, ୟୁପି, ଏମ୍ପି, ରାଜସ୍ଥାନ, ଦିଲ୍ଲୀ, ବିହାର ଆଦି ରାଜ୍ୟରେ ବର୍ଷା ସହ ଘଡ଼ଘଡ଼ି ପାଇଁ ସତର୍କ ସୂଚନା ଜାରି କରିଛି ପାଣିପାଗ ବିଭାଗ । ଏହି ସମୟରେ ପବନର ବେଗ ୪୦ କିଲୋମିଟର୍ ଘଣ୍ଟା ପ୍ରତି ବେଗ ରହିବ ବୋଲି କୁହାଯାଇଛି ।
ତେବେ ରାଜସ୍ଥାନରେ ସାମାନ୍ୟ ଧରଣର ବର୍ଷା ଏବଂ ବଜ୍ରପାତ ପରେ ମଧ୍ୟ ତାତି କମିନଥିଲା । ଜୟପୁରରେ ସୋମବାର ସର୍ବାଧିକ ତାପମାତ୍ରା ୪୪.୪ ଡିଗ୍ରୀ ସେଲସିୟସ ରେକର୍ଡ କକରାଯାଇଛି । ଯାହାକି ଏହି ସିଜିନ୍ରେ ସର୍ବାଧିକ । ଜୟପୁର ବ୍ୟତୀତ ପାଇଲାନି, କୋଟା, ବିକାନେର୍ ସମେତ ରାଜ୍ୟର ମୋଟ ୯ ସହରରେ ସର୍ବାଧିକ ତାପମାତ୍ରା ୪୪ ଡିଗ୍ରୀ ସେଲସିୟସରୁ ଅଧିକ ରହିଥିଲା । ସେହିପରି ଯୋଧପୁର, ଜୈସଲମେର, ନାଗୌର୍, ବିକାନେର ଏବଂ ଚୁରୁବେଲ୍ଟରେ ପ୍ରବଳବେଗରେ ପବନ ବହିବା କାରଣରୁ ଧୂଳିଝଡ଼ ସୃଷ୍ଟି ହୋଇଥିଲା । ବିଳମ୍ବିତ ରାତିରେ ଭରତପୁର, ଅଲୱାର, ଢ଼ୋଲପୁର ଅଞ୍ଚଳରେ ପାଗରେ ସାମାନ୍ୟ ପରିବର୍ତ୍ତନ ଆସିଥିଲା ଏବଂ ଆକାଶରେ ହାଲୁକା ମେଘ ସହିତ ବଜ୍ରପାତ ହୋଇଥିଲା । ଜୟପୁର ମେ ୩ରେ ଜୟପୁର ପାଣିପାଗ କେନ୍ଦ୍ର, ଭରତପୁର ଡିଭିଜନର ଅଲୱାର, ସିକର, ଝୁଞ୍ଝୁନ୍, କରୌଲି ଏବଂ ଢ଼ୋଲପୁର ବିକାନେର, ଯୋଧପୁର ଡିଭିଜନର ଚୁରୁ, ଗଙ୍ଗାନଗର, ହନୁମାନଗଡ, ବାରମର୍, ଜୈସଲ୍ମିର ଅଞ୍ଚଳରେ ଧୂଳି ଝଡ଼ ଏବଂ ମେଘାଚ୍ଛନ୍ନ ହେବାର ସମ୍ଭାବନା ରହିଛି। କେତେକ ସ୍ଥାନରେ ହାଲୁକା ବର୍ଷା ଏବଂ ସମାନ ପରିସ୍ଥିତି ୪ ମଇରେ ମଧ୍ୟ ଜାରି ରହିପାରେ ।
ସେହିପରି ମଧ୍ୟପ୍ରଦେଶରେ ବଜ୍ରପାତ ହେବାର ଆଶଙ୍କା ରହିଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି । ରାଜ୍ୟର ୨୩ ଟି ଜିଲ୍ଲାରେ ପ୍ରବଳ ବଜ୍ରପାତ, ବର୍ଷା ଏବଂ ବଜ୍ରପାତ ପାଇଁ ଭୋପାଳ ପାଣିପାଗ କେନ୍ଦ୍ର ପକ୍ଷରୁ ସତର୍କ ସୂଚନା ଜାରି କରାଯାଇଛି । ଗ୍ୱାଲିଅର୍, ଶିବପୁରୀ, ଗୁନା, ଅଶୋକନଗର, ଡାଟିଆ, ରେୱା, ସତ୍ୟନା, ସିଦ୍ଧୀ, ସିଙ୍ଗ୍ରାଉଲି, ସାଗର, ଦାମୋହ, ଛତ୍ରପୁର, ଟିକାମଗଡ, ପାନ୍ନା, ରାଇସେନ୍ ନରମାଦପୁରମ୍, ସେଓନି, ଅନୁପୁର ଆଦି ଅଞ୍ଚଳରେ ଘଣ୍ଟା ପ୍ରତି ୪୦ କିଲୋମିଟର ବେଗରେ ପବନ ସହ ବର୍ଷା ଏବଂ ବଜ୍ରପାତ ହେବାର ସମ୍ଭାବନା ରହିଛି । ସେହିପରି ପାଟନା ସମେତ ଦକ୍ଷିଣ ଏବଂ ଉତ୍ତର ବିହାରରେ ବଜ୍ରପାତ ସହିତ ବର୍ଷା ହେବା ନେଇ ସତର୍କ ସୂଚନା ଜାରି କରାଯାଇଛି । ଗୋଟିଏ ପଟେ ତାତି ୪୦ ଡିଗ୍ରୀ ତଳକୁ ଖସି ନଥିବା ବେଳେ ଅନ୍ୟ ପଟେ ୪୦ କିଲୋମିଟର ବେଗରେ ପବନ ବହିବା ଆକଳନ ଶୁଣି ବିପଦ ଆଶଙ୍କା ଘନେଇଛି । ବିହାରର ଉତ୍ତର ଏବଂ ଦକ୍ଷିଣ-ପୂର୍ବର କିଛି ଅଞ୍ଚଳରେ ୪୮ ଘଣ୍ଟା ଧରି ପ୍ରବଳ ପବନ ବହିବ ବୋଲି ପାଣିପାଗ ବିଭାଗ କହିଛି। ଏହି ଅବଧିରେ ଦିନର ତାପମାତ୍ରାରେ କୌଣସି ପରିବର୍ତ୍ତନ ହୋଇନପାରେ । ଆଗାମୀ ଦୁଇରୁ ତିନି ଦିନ ମଧ୍ୟରେ ସର୍ବାଧିକ ତାପମାତ୍ରା ୨ରୁ ୩ ଡିଗ୍ରୀ ପର୍ଯ୍ୟନ୍ତ କମିବ ବୋଲି ଆଶା କରାଯାଉଛି ।
ତାତିରୁ ମିଳିବ ନିସ୍ତାର: ୮ ରାଜ୍ୟରେ ବର୍ଷା, ବଜ୍ରପାତ ନେଇ ସତର୍କ ସୂଚନା
