କରୋନା ଆକ୍ରାନ୍ତରେ ଜଣେ ଗୁଗୁଲ କର୍ମଚାରୀ

ବାଙ୍ଗାଲୋର: କରୋନା ଏବେ ସାରା ବିଶ୍ୱରେ ଭୟଙ୍କର ରୂପ ନେଉଛି । ଦିନକୁ ଦିନ କାୟା ବିସ୍ତାର କରିବାରେ ଲାଗିଲାଣି କରୋନା ଭାଇରସ । ଭାରତରେ ଏବେ ପର୍ଯ୍ୟନ୍ତ ୭୪ ଜଣ ଲୋକ କରୋନା ଦ୍ୱାରା ଆକ୍ରାନ୍ତ ବୋଲି ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସ୍ପଷ୍ଟ କରାଯାଇଛି । ଏହି ତାଲିକାରେ ଜଣେ ଗୁଗୁଲ କର୍ମଚାରୀ ମଧ୍ୟ ଅଛନ୍ତି । ସେ ବାଙ୍ଗାଲୋରରେ କାର୍ଯ୍ୟ କରୁଥିବାବେଳେ କରୋନା ଭୁତାଣୁ ଦ୍ୱାରା ଆକ୍ରାନ୍ତ ହୋଇଥିବାର ଜଣାପଡିଛି । କରୋନା ହୋଇଥିବାର ସନ୍ଦେହରେ ତାଙ୍କର ରକ୍ତ ପରୀକ୍ଷା କରାଯାଇଥିଲା ଯାହାକି ପଜିଟିଭ ଆସିଛି ।
ଗୁଗୁଲ ପକ୍ଷରୁ କୁହାଯାଇଛି ଯେ ‘ଆମର ବାଙ୍ଗାଲୋର କାର୍ଯ୍ୟାଳୟର ଜଣେ କର୍ମଚାରୀ କୋଭିଡ -୧୯ ରୋଗରେ ଆକ୍ରାନ୍ତ ହୋଇଛନ୍ତି। କରୋନା ଲକ୍ଷଣର ବିକାଶ ପୂର୍ବରୁ ସେ କିଛି ଘଣ୍ଟା ପାଇଁ ଆମର ବେଙ୍ଗାଲୁରୁ କାର୍ଯ୍ୟାଳୟରେ ଥିଲେ । ଏବେ ବେଙ୍ଗାଲୁରୁ କାର୍ଯ୍ୟାଳୟର କର୍ମଚାରୀମାନଙ୍କୁ ଘରେ କାମ କରିବାକୁ କୁହାଯାଇଛି । ଏହାପୂର୍ବରୁ, ସଫ୍ଟୱେୟାର କମ୍ପାନୀ ମାଇଣ୍ଡଟ୍ରି ଏବଂ ଡେଲ ଇଣ୍ଡିଆର ଜଣେ କର୍ମଚାରୀ ଯୁକ୍ତରାଷ୍ଟ୍ର ଆମେରିକାରୁ ଫେରିବା ପରେ ବେଙ୍ଗାଲୁରୁରେ ପଜିଟିଭ୍ ପରୀକ୍ଷା କରିଥିଲେ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ଏପର୍ଯ୍ୟନ୍ତ ୭୪ କରୋନାଭାଇରସ୍ ମାମଲା ନିଶ୍ଚିତ କରିଛି ।
https://onakhabar.com/2020/03/13/statement-of-honble-chief-minister-in-the-assembly/