ଲକ୍ଷ୍ନୌ : ଅଧିକାଂଶ ପରିବାରରେ ଯାଆଁଳା ସନ୍ତାନ ଜନ୍ମ ହୋଇଥା’ନ୍ତି । ବେଳେବେଳେ କେତେକ ସ୍ଥାନରେ ୩ଟି ସନ୍ତାନ ଜନ୍ମ ହୋଇଥିବାର ମଧ୍ୟ ଆପଣମାନେ ଶୁଣିଥିବେ । ହେଲେ ଏକା ସହିତ ୪ଟି ସନ୍ତାନ ଜନ୍ମ ହେବା କେବେ ଶୁଣିଛନ୍ତି କି ? ଉତ୍ତରପ୍ରଦେଶର ଆଗ୍ରାରେ ଏଭଳି ଏକ ଖବର ସାମ୍ନାକୁ ଆସିଛି । ଯାହାଙ୍କର ଏକାସହିତ ୪ଟି ସନ୍ତାନ ଜନ୍ମ ହୋଇଛି । ଯାହା ପରେ ସେ ଏବେ ୭ଟି ସନ୍ତାନର ବାପା ହୋଇପାରିଛନ୍ତି । ହେଲେ ଏଠାରେ ପ୍ରଶ୍ନ ଉଠୁଛି କି ୪ଟି ସନ୍ତାନ ଜନ୍ମ ହୋଇଥିବାବେଳେ ସେ ୭ଟି ସନ୍ତାନର ବାପା କେମିତି ହେଲେ? ଉତ୍ତରପ୍ରଦେଶର ଆଗ୍ରାରେ ଜଣେ ଅଟୋ ଡ୍ରାଇଭର ମନୋଜ କୁମାରଙ୍କ ସ୍ତ୍ରୀ ଏକକାଳୀନ ୪ଟି ସନ୍ତାନକୁ ଜନ୍ମ ଦେଇଛନ୍ତି ।
ଯାହା ଏବେ ଆଖପାଖ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ବର୍ତ୍ତମାନ ଉଭୟ ମା’ ଓ ଛୁଆ ସମ୍ପୂର୍ଣ୍ଣ ସୁସ୍ଥ ଥିବାବେଳେ ଚିକିତ୍ସିତ ଅବସ୍ଥାରେ ଅଛନ୍ତି । ହେଲେ ଅଟୋଡ୍ରାଇଭର ମନୋଜ କୁମାରଙ୍କ ଆର୍ôଥକ ପରିସ୍ଥିତି ଭଲ ନଥିବା ସହ ସେ ଅଟୋଚଳାକ । ଦୁର୍ବଳ ଥିବାରୁ ସେ ଏକାସହିତ ୪ଟି ସନ୍ତାନର ଲାଳନପାଳନ କରିବା ପାଇଁ ସେ ସକ୍ଷମ ନୁହଁନ୍ତି । ତେଣୁ ସେ ଡାକ୍ତର ଓ ସରକାରଙ୍କ ସହାୟତା ଲୋଡିଛନ୍ତି । ଆଗ୍ରାର ଇତ୍ମାତଉଦ୍ଦୈଲାର ପ୍ରକାଶ ନଗରରେ ରହୁଥିବା ମନୋଜ କୁମାରଙ୍କ ସ୍ତ୍ରୀଙ୍କ ଅଲଟ୍ରାସାଉଣ୍ଡ ରିପୋର୍ଟରେ ତାଙ୍କର ଯାଆଁଳା ଛୁଆ ଥିବା ଜଣାପଡିଥିଲା । ହେଲେ ଅପରେସନ୍ ପରେ ଜଣାପଡିଥିଲା କି ତାଙ୍କ ଗର୍ଭରେ ୨ଟି ନୁହେଁ ବରଂ ୪ଟି ଶିଶୁ ଥିଲା ।