ନୂଆଦିଲ୍ଲୀ: ଅନେକ ବାଦ ବିବାଦ ପରେ ଶେଷରେ ଶ୍ରୀମନ୍ଦିର ପ୍ରସ୍ତାବିତ ବାଇ-ଲ ପ୍ରତ୍ୟାହାର ହୋଇଛି । ଏହା ପ୍ରତ୍ୟାହାର ହୋଇଥିବା ନେଇ ଟ୍ୱିଟ ଯୋଗେଁ କେନ୍ଦ୍ର ସଂସ୍କୃତି ମନ୍ତ୍ରୀ ସୂଚନା ପ୍ରଦାନ କରିଛନ୍ତି । ନିଜ ଟ୍ୱିଟର ହ୍ୟାଣ୍ଡେଲ ଜରିଆରେ ମନ୍ତ୍ରୀ ପ୍ରହ୍ଲାଦ ପଟେଲ ଏହି ସୂଚନା ପ୍ରଦାନ କରିଛନ୍ତି । ଏନଏମଏ ଅଧ୍ୟକ୍ଷଙ୍କ ଅଜାଣତରେ ନୋଟିସ ହୋଇଥିବା ବେଳେ ବିଜେପି ଓ ବିଜେଡି ସାଂସଦଙ୍କ ଦାବି ପରେ ପ୍ରତ୍ୟାହାର ହୋଇଥିବା କହିଛନ୍ତି । କିଛି ସମୟ ତଳେ ପ୍ରଥମେ ବିଜେପି ଓ ବିଜେଡି ସାସଂଦ ଭେଟିଥିଲେ । ପ୍ରହ୍ଲାଦ ସିଂ ପଟେଲଙ୍କୁ ଭେଟି ବାଇ-ଲ ପ୍ରତ୍ୟାହାର ଦାବି କରିଥିଲେ । ପୁରୀ ସଂପର୍କୀୟ ଯେ କୌଣସି ନିଷ୍ପତ୍ତି ଓଡିଆ ଭାଷାରେ ହେବ । ଆପୋଷ ବୁଝାମଣା ମଧ୍ୟରେ ସବୁ ନିଷ୍ପତ୍ତି ନିଆଯିବ । ଆଜି ସଂସଦ ଭବନରେ ମନ୍ତ୍ରୀଙ୍କୁ ଭେଟିଥିଲେ ବିଜେଡି ସାସଂଦ । ଆଉ ବିବାଦୀୟ ବାଇ ଲ ପ୍ରତ୍ୟାହାର ପାଇଁ ଦେଇଥିଲେ ସ୍ମାକରପତ୍ର । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ପ୍ରତ୍ୟାହାର ଦାବି କରିଥିଲେ । ପିନାକୀ ଓ ଭର୍ତ୍ତୃହରିଙ୍କ ନେତୃତ୍ୱରେ ଭେଟିଥିଲେ ସାଂସଦ । ସୂଚନାଯୋଗ୍ୟ , ଓଡ଼ିଶାବାସୀ ତଥା ହିନ୍ଦୁଙ୍କର ଧାର୍ମିକ ବିଶ୍ବାସ ଓ ଭାବାବେଗକୁ ଦୃଷ୍ଟିରେ ରଖି ଜୀତୀୟ ଐତିହ୍ୟ ପ୍ରାଧିକରଣ (ଏନଏମଏ)ର ଉପନିୟମ (ବାଏ-ଲ)କୁ ସ୍ଥଗିତ ରଖିବା ନେଇ ବିଜେପି ଓ ବିଜେଡିର ସାଂସଦମାନେ କିଛି ସମୟ ପୂର୍ବରୁ କେନ୍ଦ୍ରମନ୍ତ୍ରୀ ପ୍ରହ୍ଲାଦ ସିଂହ ପଟେଲଙ୍କ ବ୍ୟକ୍ତିଗତ ହସ୍ତକ୍ଷେପ ଲୋଡ଼ିଥିଲେ । ଏ ସମ୍ବନ୍ଧରେ ଏକ ଦାବୀ ପତ୍ର ପ୍ରଦାନ କରିବା ସହ ଆଗକୁ ଏହାର ସମାଧାନ ପାଇଁ କଣ ରାସ୍ତା ବାହାରିପାରିବ ସେ ନେଇ ସାଂସଦମାନେ ବିଭାଗୀୟ ମନ୍ତ୍ରୀଙ୍କ ସହ ବିଚାର ବିମର୍ଷ କରିଥିଲେ । ଏହାପରେ ବାଇ’ ଲ ପ୍ରତ୍ୟାହାର ନେଇ କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଟ୍ବିଟ କରି ସୂଚନା ଦେଇଛନ୍ତି ।
ओड़िसा के सांसदों ने मा सांसद @OfPinaki एवं भर्तहरि मेहताब जी के नेतृत्व में भेंट की।मैने प्रतिनिधि मंडल को बतलाया कि नोटिफिकेशन को वापिस लेने का निर्देश दे दिया है।पुरी के संबंध में जब भी कोई कार्यवाही करेंगे वह ओड़िया भाषा में आपसी सहमति से होगी @PMOIndia pic.twitter.com/oCTG3FX9YM
— Prahlad Singh Patel (@prahladspatel) February 8, 2021
