ଉତ୍ତରପ୍ରଦେଶ: ଉତ୍ତରପ୍ରଦେଶର ବାଗପାଟ ଜିଲ୍ଲାରେ ଜଣେ 8 ମ ଶ୍ରେଣୀ ବାଳିକାଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି। କେବଳ ଏତିକି ନୁହେଁ, ଅପରାଧକୁ ପ୍ରତିରୋଧ କରିବାରୁ ଅଭିଯୁକ୍ତ ପୀଡିତାଙ୍କ ବାପାଙ୍କୁ ପିସ୍ତଲ ବଟରେ ଅତି ନିର୍ମମ ଭାବେ ଆକ୍ରମଣ କରି ଆଘାତ କରିଛି |
ପୀଡିତାଙ୍କ ପରିବାର ଏସପି କାର୍ଯ୍ୟାଳୟରେ ଏକ ମାମଲା ରୁଜୁ କରିବା ପରେ ଅଭିଯୋଗ ପଦାକୁ ଆସିଛି । ଚନ୍ଦିନଗର ପୋଲିସ ଷ୍ଟେସନ ଅନ୍ତର୍ଗତ ଏକ ଗ୍ରାମରେ ଏହି ଅପରାଧ ଘଟିଛି।
ଅଭିଯୋଗରେ ଝିଅର ବାପା କହିଛନ୍ତି ଯେ, ସେ ତାଙ୍କର ଦୁଇ ଝିଅଙ୍କ ସହିତ ଏକ କୋଠରୀରେ ଶୋଇଥିଲେ | ତାଙ୍କର ବଡ଼ ଝିଅ 14 ବର୍ଷ ଏବଂ କ୍ଲାସ୍ 8 ରେ ଅଧ୍ୟୟନ କରେ |
ଅଭିଯୋଗ ହୋଇଛି ଯେ ଅଭିଯୁକ୍ତ ତାଙ୍କ ଝିଅକୁ ଘରୁ ଟାଣି ନେଇ ବଳାତ୍କାର କରିଛି । ଝିଅର ଚିତ୍କାର ଶୁଣି ବାପା ଘଟଣାସ୍ଥଳରେ ପହଂଚି ବିରୋଧ କରିବାରୁ 45 ବର୍ଷୀୟ ଅଭିଯୁକ୍ତଙ୍କ ସହ ସଂଘର୍ଷ ହୋଇଥିଲା ।
ଅଭିଯୋଗ ହୋଇଛି ଯେ ଅଭିଯୁକ୍ତ ଜଣକ ଦେଶ ତିଆରି ପିସ୍ତଲ୍ର ବଟରେ ପିଟିପିଟି ଆହତ କରି ହତ୍ୟା କରିବାକୁ ଉଦ୍ୟମ କରିଥିଲା। ବିଫଳ ହେବାରୁ ଧମକ ଦେବା ପରେ ଅଭିଯୁକ୍ତ ଘଟଣାସ୍ଥଳରୁ ପଳାଇ ଯାଇଥିଲା।
ପୋଲିସ କହିଛି ଯେ ଏ ବାବଦରେ ଏକ ମାମଲା ଦାୟର କରାଯାଇଛି ଏବଂ ଅଭିଯୁକ୍ତଙ୍କୁ ଧରିବା ପାଇଁ ଉଦ୍ୟମ ଚାଲିଛି।
ପୀଡିତାଙ୍କ ମାଙ୍କର କିଛି ବର୍ଷ ପୂର୍ବେ ମୃତ୍ୟୁ ଘଟିଥିଲା। ଅଭିଯୁକ୍ତ ଜଣକ ଦୀର୍ଘ ଦିନ ଧରି ଝିଅଟିର ପିଛା ପଡିଥିଲା । ସାମାଜିକ ଲଜ୍ୟାକୁ ନେଇ ସେମାନେ ପୋଲିସରେ ଅଭିଯୋଗ ଦାଖଲ କରିନଥିଲେ ବୋଲି ପରିବାର ଲୋକେ କହିଛନ୍ତି।
