ବ୍ରିଟେନର ଫେମସ ମହିଳାଙ୍କୁ ହେଲା ୨୦ ବର୍ଷର ସଜା, ଯୈାନ ଶୋଷଣ ମାମଲାରେ ହେଲେ ଦୋଷୀ

ନୂଆଦିଲ୍ଲୀ : ଯୌନ ଶୋଷଣ ମାମଲାରେ ଜେଫରୀ ଏପଷ୍ଟିନ ଙ୍କୁ ସାହାଯ୍ୟ କରିବା ଅଭିଯୋଗ ରେ ଗିସଲିନ ମ୍ୟାକ୍ସୱେଲ ଦୋଷୀ ସାବ୍ୟସ୍ତ । ନ୍ୟୁୟର୍କ ଅଦାଲତ ତାଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ମନହଟନ ସଂଘୀୟ ଅଦାଲତ ଏହି ଘୋଷଣା କରିଛନ୍ତି । ୬୦ ବର୍ଷିୟ ମ୍ୟକ୍ସୱେଲ ନିଜ ଶେଷ ସମୟ ଜେଲ ରେ ବିତାଇବେ । ଗିସଲିନ ମ୍ୟାକ୍ସୱେଲ ବ୍ରିଟେନ ର ଜଣେ ପ୍ରଭାବ ଶାଳୀ ମହିଳା । ସେ ରବର୍ଟ ମ୍ୟାକ୍ସୱେଲ ଙ୍କ କନ୍ୟା । ଯୈାନ ତସ୍କରୀ ଅଭିଯୋଗ ସହ ଅନ୍ୟ ୫ ଅଭିଯୋଗରେ ସେ ଦୋଷୀ ସାବ୍ୟସ୍ତ ହୋଇଛନ୍ତି । ନ୍ୟୁୟର୍କର ଦକ୍ଷିଣ ଜିଲ୍ଲା ରେ ରହୁଥିବା ଡାମିଆନ ୱିଲିୟମସ୍ କହିଛନ୍ତି ଯେ ଶିଶୁ ଙ୍କ ପ୍ରତି ଜଘନ୍ୟ ଅପରାଧ ପାଇଁ ଗିସଲିନ୍ ମ୍ୟାକ୍ସ ୱେଲ ଙ୍କୁ ଦଣ୍ଡିତ କରାଯାଇଛି । ସେ କହିଛନ୍ତି ଯେ ଆଇନ ଠାରୁ ଉର୍ଦ୍ଧରେ କେହି ନାହାନ୍ତି । ସୂଚନା ଅନୁଯାୟୀ ମ୍ୟାକ୍ସୱେଲ ଙ୍କୁ ୨୦୨୦ ରେ ଗିରଫ କରାଯାଇଥିଲା । ଏବଂ ସେବେଠାରୁ ସେ ଜେଲରେ ଥିଲେ ।