ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନର ଟେକ୍ନିକାଲ ଆଡଭାଇଜରି ଗ୍ରୁପ ଭାରତ ବାୟୋଟେକର କୋଭିଡ ୧୯ ଟିକା କୋଭାକ୍ସିନ କୁ ଜରୁରୀକାଳିନୀ ବ୍ୟବହାର ପାଇଁ ଅନୁମତି ପ୍ରଦାନ କରିଛି । କୋଭାକ୍ସିନକୁ ‘ହୁ’ ର ମଂଜୁରୀ ମିଳିବା ପରେ ଭ୍ୟାକ୍ସିନ ନେଇଥିବା ବ୍ୟକ୍ତି ବିନା ବାଧାରେ ବିଦେଶ ଯାତ୍ରା କରିପାରିବେ ।
ସୂତ୍ର ଅନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜି ୨୦ ବୈଠକ ମଧ୍ୟରେ କୋଭାକ୍ସିନକୁ ମଂଜୁରୀ ଦେବା ନେଇ ଦାବି କରିଥିଲେ । କୋଭାକ୍ସିନ କୋଭିଡ ୧୯ ବିରୋଧରେ ୭୭.୮ ପ୍ରତିଶତ ପ୍ରଭାବଶାଳୀ ଓ ଭାଇରସର ନୂଆ ଡେଲଟା ସ୍ୱରୂପ ବିରୋଧରେ ୬୫.୨ ପ୍ରତିଶତ ପ୍ରଭାବଶାଳୀ ।