ନୂଆଦିଲ୍ଲୀ: ପୀୟୁଷ ଗୋୟଲ ହେଲେ ବିଜେପିର ରାଜ୍ୟସଭା ସଂସଦୀୟ ଦଳ ନେତା । ଥାୱରଚନ୍ଦ ଗେହଲଟଙ୍କ ସ୍ଥାନ ନେଇଛନ୍ତି କେନ୍ଦ୍ରମନ୍ତ୍ରୀ ପିୟୁଷ ଗୋୟଲ । ଗେହଲଟଙ୍କୁ କର୍ଣ୍ଣାଟକ ରାଜ୍ୟପାଳ ଭାବେ ନିଯୁକ୍ତି ପରେ ପଦ ଖାଲି ଥିଲା ।
ଅନ୍ୟପଟେ , କେନ୍ଦ୍ର ସରକାର ଦେଢ ବର୍ଷ ଧରି ମହଙ୍ଗା ଭତ୍ତା ଉପରେ ରୋକ ଲଗାଇଥିଲେ । ଏବେ ମହଙ୍ଗା ଭତ୍ତା ୧୭ରୁ ବୃଦ୍ଧି ପାଇ ୨୮ ପ୍ରତିଶତ କରାଯାଇଛି । କେନ୍ଦ୍ର କ୍ୟାବିନେଟର ବୁଧବାର ହୋଇଥିବା ବୈଠକରେ ଏହି ନିଷ୍ପତ୍ତି ନିଆଯାଇଛି । କରୋନା ସମୟରେ ବର୍ଦ୍ଧିତ ମହଙ୍ଗା ଭତ୍ତା ଦ୍ୱାରା ପ୍ରାୟ ୫୦ ଲକ୍ଷ କେନ୍ଦ୍ର କର୍ମଚାରୀ ଓ ପେନସନଧାରୀ ଉପକୃତ ହେବେ । ୨୦୨୦ର ଡିଏ ୧୩ ଏପ୍ରିଲ ୨୦୧୩କୁ ଆସନ୍ତା ଏକ ବର୍ଷ ଯାଏଁ ବନ୍ଦ କରାଯାଇଥିଲା । ସରକାର ଏହି ଅର୍ଥକୁ ମେଡିକାଲ ଏମରଜେନ୍ସି ପାଇଁ ରଖିଥିଲେ । ୧ ଜୁଲାଇ ୨୦୨୦, ୧ ଜାନୁୟାରୀ ୨୦୨୧ରୁ ଆରମ୍ଭ କରି ୧ ଜୁଲାଇ ୨୦୨୧ ଯାଏ ଏହାକୁ ବନ୍ଦ କରାଯାଇଥିଲା ।
