ପଶ୍ଚିମବଙ୍ଗ : ସୋମବାର ପଶ୍ଚିମବଙ୍ଗର ହୁଗଲିରେ ଏକ ବଡ଼ ଦୁର୍ଘଟଣା ଘଟିଛି। ହୁଗୁଲିର ପାଣ୍ଡୁଆରେ ହୋଇଥିବା ବିସ୍ଫୋରଣରେ ଜଣେ ଶିଶୁଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାରେ ତିନି ଜଣ ଶିଶୁ ଆହତ ହୋଇଛନ୍ତି। କୁହାଯାଉଛି ଯେ ପିଲାମାନେ ଖେଳିବା ସମୟରେ ବୋମାକୁ ବଲ ଭାବି ଉଠେଇ ନେଇଥିଲେ । ତା’ପରେ ବୋମା ବିସ୍ଫୋରଣ ହୋଇଥିଲା।
ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଯେତେବେଳେ ପିଲା ଏକ ବୋମାକୁ ବଲ ଭାବି ଉଠେଇ ନେଇଥିଲେ, ଏହା ଫାଟିଗଲା । ସେଠାରେ ଖେଳୁଥିବା ଅନେକ ପିଲା ଏହି ବିସ୍ଫୋରଣରେ ଆହତ ହୋଇଥିଲେ। ପିଲାମାନଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। ଏଠାରେ ୧୧ ବର୍ଷୀୟ ରାଜ ବିଶ୍ୱଙ୍କୁ ଡାକ୍ତରଖାନା ନିଆଯାଇଥିଲା। ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ଏଠାରୁ ବିଜେପି ପ୍ରାର୍ଥୀ ଲକେଟ୍ ଚାଟାର୍ଜୀ ଘଟଣାସ୍ଥଳରେ ପହଞ୍ଚିଥିଲେ। ସେ ଏ ସମ୍ପର୍କରେ ଏନଆଇଏ ତଦନ୍ତ ଦାବି କରିଛନ୍ତି। ବହୁ ସଂଖ୍ୟକ ପୋଲିସ ଫୋର୍ସ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି। ସେଠାରେ କିଏ ବୋମା ରଖିଛି ସେନେଇ ପୋଲିସ ତଦନ୍ତ ଆରମ୍ଭ କରିଛି ।