ଭୁବନେଶ୍ୱର : ଏବେ ସାରା ଦେଶରେ କୋରନା ମହାମାରୀ ପାଇଁ ଟୀକାକରଣ ଆରମ୍ଭ ହୋଇଛି । ତେବେ କୋରାନା ଟୀକା ନେଇଥିବା ଲୋକ ମାନେ ଟୀକାକରଣରେ ସନ୍ତୁଷ୍ଟ ଥିବା ଜଣାପଡିଛି । ଜାନୂଆରୀ ୧୬ରୁ ଦେଶରେ ହୋଇଥିବା ଟୀକାକରଣ ଅଭିଯାନରେ ଟୀକା ନେଇଥିବା ସ୍ୱାସ୍ଥ୍ୟକର୍ମୀ ଓ କୋରନା ଯୋଦ୍ଧାଙ୍କ ମଧ୍ୟରୁ ୭. ୭୫ ଲକ୍ଷ ଲୋକଙ୍କୁ ନେଇ ସର୍ବେକ୍ଷଣ କରାଯାଇଥିଲା । ଏଥିରୁ ଜଣାପଡିଛି ଯେ ସେମାନେ ଟୀକାନେଇ ସନ୍ତୁଷ୍ଟ ଅଛନ୍ତି । ଗତକାଲି ସ୍ୱାସ୍ଥ୍ୟ ମନ୍ତ୍ରଳାୟ ପକ୍ଷରୁ ଏନେଇ ସୂଚନା ଦିଆଯାଇଛି ।
ମୋବାଇଲ ଆପ୍ଲିକେସନ କୋଭ ୱିନ ଜରିଆରେ ଟୀକା ନେଇଥିବା ଲୋକଙ୍କ ମଧ୍ୟରୁୁ ଟୀକାକରଣ ସମ୍ପର୍କରେ ମତାମତ ନିଆଯାଇଥିଲା । ଟୀକାକରଣକୁ ନେଇ ସେମାନେ ସନ୍ତୁଷ୍ଟ ବୋଲି ତାଙ୍କ ମତାମତରୁ ଜଣାପଡିଛି ବୋଲି କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେସ ଭୁଷଣ କହିଛନ୍ତି ।
