ଉତ୍ତରପ୍ରଦେଶ : ବଳତ୍କାର ଭଳି ଘଟଣା ଦେଶରେ ବଢି ଚାଲିଥିବା ବେଳେ ସମ୍ପର୍କୀୟଙ୍କୁ ବି ବିଶ୍ୱାସ କରିବା କଷ୍ଟକର ହୋଇପଡିଛି । ଏପରି ଅଭାବନୀୟ ଘଟଣା ଉତ୍ତରପ୍ରଦେଶର ମାଓ ଜିଲ୍ଲାରେ। ୯ ,୧୦ ବର୍ଷର ଦୁଇ ନାବାଳିକା ଭଉଣୀକୁ ବାରମ୍ବାର ବଳତ୍କାର କରି ୨ଜଣ ଲୋକ ଗିରଫ ହୋଇଛନ୍ତି । ଅଭିଯୁକ୍ତ ମଣ୍ଟୁ ମୂଳ ୨୨ ବର୍ଷର ହୋଇଥିବା ବେଳେ ଅମିତ ସିଂ ୨୫ ବର୍ଷୀୟ ଅଟେ। ପୀଡିତ ପରିବାର ପକ୍ଷରୁ ମଙ୍ଗଳବାର ଦିନ ଅଭିଯୋଗ ହେବାରୁ ପୋଲିସ ୨ଜଣଙ୍କୁ ଗିରଫ କରିଛି । ଏମଙ୍କ ମଧ୍ୟରୁ ଜଣେ ଝିଅଙ୍କର ସମ୍ପର୍କୀୟ ବୋଲି ଜଣାପଡିଛି । ପୋଲିସ ଏସ୍ପି ଅନୁରାଗ ଆରାୟ ୨ ଭଉଣୀଙ୍କୁ ମେଡିକାଲ ଯାଞ୍ଚ ପାଇଁ ପଠାଇଥିବା ସୂଚନା ଦେଇଛନ୍ତି ।
ମଧୁବନ ଗ୍ରାମରୁ ପରିବାର ପକ୍ଷରୁ ଦିଆଯାଇଥିବା ଅଭିଯୋଗ ଅନୁଯାୟୀ ଅଭିଯୁକ୍ତମାନେ ଗତ କିଛି ଦିନ ଧରି ଝିଅ ମାନଙ୍କୁ ବଳାତ୍କାର କରୁଥିଲେ । ଏବଂ ଯଦି ସେମାନେ ଏହା ବିଷୟରେ କାହାକୁ ଜଣାଇବେ ତେବେ ହତ୍ୟା କରାଯିବ ବୋଲି ଧମକ ମଧ୍ୟ ଦେଇଥିଲେ। ଝିଅ ମାନଙ୍କର ବଡ଼ ଭଉଣୀ ବାହାର ସହର ରେ କାମ କରନ୍ତି । ରବିବାର ଦିନ ବଡ ଭଉଣୀ ଘରେ ପହଂଚିବା ପରେ ଦୁହେଁ ତାଙ୍କୁ ଏହି ବିଷୟରେ ଜଣାଇଥିଲେ ଓ ପରେ ସେ ବାକି ପରିବାର ଲୋକଙ୍କୁ ଏ ବିଷୟରେ ଜଣାଇଥିଲେ। ଷ୍ଟେସନ ଅଧିକାରୀ ମଧୁବାନ୍, କହିଛନ୍ତି ଯେ ଉଭୟ ଅଭିଯୁକ୍ତଙ୍କୁ ଗଣ ବଳତ୍କାର ଓ ପୋସ୍କା ଆକ୍ଟର ଉପଯୁକ୍ତ ବିଭାଗ ଅଧୀନରେ ମାମଲା ରୁଜୁ କରି ଜେଲକୁ ପଠାଯାଇଛି ।
ଘରେ କେହି ନଥିବା ସମୟରେ ଦୁଇ ନାବାଳିକା ଭଉଣୀଙ୍କ ସହ ଏମିତି କଲେ ସମ୍ପର୍କୀୟ ବନ୍ଧୁ ..
