ଭୁବନେଶ୍ୱର, ଓଲିଉଡର ଜଣାଶୁଣା ନାୟକ ଶୌଳେନ୍ଦ୍ରଙ୍କ ହାତରେ ଏବେ ଫିଲ୍ମ ଉପରେ ଫିଲ୍ମ । ଏଇ ରଜରେ ତାଙ୍କ ଅଭିନିତ ‘ଗୁଡୁ ଗ୍ୟାଙ୍ଗଷ୍ଟାର୍’ ରିଲିଜ ହେଉଛି । ଏଥିରେ ଶିବାନୀଙ୍କ ବିପକ୍ଷରେ ନଜର ଆସିବେ ସେ । ଏଣେ ମିଳିଛି ଆଉ ଏକ ନୂଆ ସିନେମା ‘ଦଶମ’ । ଏକ ଭିନ୍ନ ଧରଣର ଟିନ୍ ଏଜ୍ ଲଭଷ୍ଟୋରି ହେଉଛି ‘ଦଶମ’ । ଏହି ସିନେମାର ନିର୍ଦ୍ଦେଶକ ହେଲେ ରାଜା ଡି । ସେ ଏହାର କାହାଣୀ ଓ ଚିତ୍ରନାଟ୍ୟ ରଚନା କରିଛନ୍ତି । ଏଥିରେ ନିଲାକ୍ଷୀ, ଅରମାନ, ମୀରା, ଜ୍ୟୋତି, ଆକାଶ ଓ ସିରମନଙ୍କ ଭଳି ନବାଗତମାନଙ୍କୁ ଦେଖିବାକୁ ମିଳିବ । କୁମାର ଶ୍ରୀ ସାହୁ ଏହାର ସଂଳାପ ଲେଖିଛନ୍ତି ।ବୌରବ ଆନନ୍ଦ ଏହାର ସଙ୍ଗୀତକାର । ଆହୁରି ମଧ୍ୟ ‘ହରଣ’ ଟାଇଟଲରେ ଏକ ନୂଆ ସିନେମାରେ ବି କାମ କରୁଛନ୍ତି ଶୈଳେନ୍ଦ୍ର ।
ସୂଚନାଯୋଗ୍ୟ ନିକଟରେ ମୁକ୍ତିଲାଭ କରିଥିବା ‘ଡେଲିଭରି ବୟ’ ରେ ଟାଇଟଲ ରୋଲରେ ଦେଖିବାକୁ ମିଳିଥିଲା । ଏଥିରେ ପ୍ରିୟମ୍ବଦା, ବୁଦ୍ଧାଦିତ୍ୟ ଓ ସୂର୍ଯ୍ୟମୟୀଙ୍କୁ ବି ଦେଖିବାକୁ ମିଳିଛି । ଏହାର ନିର୍ଦ୍ଦେଶକ ହେଲେ ଅଶ୍ୱିନୀ ତ୍ରିପାଠୀ । ବୈଦ୍ୟନାଥ ଦାଶ ଏଥିରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ‘ଡେଲିଭରି ବୟ’ ପରେ ଶୈଳେନ୍ଦ୍ରଙ୍କ ଭାଗ୍ୟ ଫିଟିଛି । ଶୈଳେନ୍ଦ୍ରଙ୍କ ଅନ୍ୟ ଏକ ଟେଲି ଫିଲ୍ମ ‘ହାଏ କ୍ରିଷ୍ଣା’ ବେଶ ଚର୍ଚ୍ଚାରେ ଥିଲା । ଏଣେ ଡ୍ୟାନ୍ସିଂ ଷ୍ଟାର୍ ଶୈଳେନ୍ଦ୍ରଙ୍କ ବର୍ଷ ଆରମ୍ଭରେ ମୁକ୍ତିଲାଭ କରିଥିଲା ନୂଆ ଓଡ଼ିଆ ଛବି । ଏଠାରେ ଯେଉଁ ସିନେମାରେ କଥା କୁହାଯାଇଛି ତାର ଟାଇଟଲ ହେଲା ‘ତୋର ମୋର କଟି’ ତୋର ମୋର କଟିର ନିର୍ଦ୍ଦେଶକ ହେଲେ ରମେଶ ରାଉତ । ଝିଲିକ ମୋସ୍ନ ପିକଚର୍ସ ବ୍ୟାନରରେ ନିର୍ମିତ ଏହି ଫିଲ୍ମର ପ୍ରଯୋଜନା କରିଥିଲେ ଝିଲିକ୍ ଭଟ୍ଟଚାର୍ଯ୍ୟ । ପ୍ରେମ ଆନନ୍ଦ ଏହାର ସଙ୍ଗୀତକାର । ଡ.ଦୀପକ ଜେନା ଏହି ସିନେମାର ସଂଳାପକାର । ଏଣେ ‘ପ୍ରେମରେ ରିସ୍କ ହେଲା ମୋତେ ଇସ୍କ’ ରେ ଦିବ୍ୟାଙ୍ଗ ସହ ପ୍ରଥମ ଥର ପାଇଁ ଡ୍ୟାନ୍ସ ଷ୍ଟାର ଶୈଳେନ୍ଦ୍ର ନଜର ଆସିଛନ୍ତି ।
