ଉତ୍ତରପ୍ରଦେଶ : ଝିଅଟିଏ ତା’ର ଯୌବନ ସମୟ ଆସିଲେ ଧୀରେ ଧୀରେ ପ୍ରେମ କ’ଣ ବୁଝିପାରେ । ତା’ପରେ ସମୟ ଗଡ଼ିବା ସହ ସେ ତା’ର ପ୍ରେମ ସମ୍ପର୍କ ବିଷୟରେ ନିଜ ପରିବାର ଲୋକଙ୍କୁ କହିଥାଏ । କିନ୍ତୁ ଘରେ ଜାଣିବା ପରେ ତା’ ସହ କ’ଣ ଘଟିବ , ସେ ଜାଣିନଥାଏ । କେତେବେଳେ ଝିଅଟିର ପରିବାର ସଦସ୍ୟ ରାଜି ହୋଇଥାନ୍ତି ତ ଅନ୍ୟ କେତେବେଳେ ରାଜି ହୋଇ ନଥାନ୍ତି । ଝିଅକୁ ବୁଝାସୁଝା କରିଥାନ୍ତି । ଆମେ ଆଜି ଆପଣଙ୍କୁ ଏମିତି ଏକ ଘଟଣା ବିଷୟରେ କହିବୁ ଯାହା ଜାଣିଲେ ଆପଣଙ୍କ ରୁମ ଟାଙ୍କୁରି ଉଠିବ ।
ଉତ୍ତରପ୍ରଦେଶ ପ୍ରତାପଗଡ଼ ଅଞ୍ଚଳର କଣ୍ଢାଇ ଥାନା ଅନ୍ତର୍ଗତ ଚୌପାଇ ଗାଁ ର ଘଟଣା । ଗାଁର ସୂର୍ଯ୍ୟମଣିଙ୍କ ଝିଅ ତାଙ୍କରି ଗାଁର ଜଣେ ଯୁବକଙ୍କୁ ମନ ଦେଇ ବସିଥିଲେ । ଏହି ବିଷୟରେ ପରିବାର ସଦସ୍ୟ ଜାଣିବା ପରେ ଝିଅର ପ୍ରେମ ସମ୍ପର୍କକୁ ସ୍ୱୀକୃତି ଦେଇନଥିଲେ । ଗତ ମଙ୍ଗଳବାର ଦିନ ରାତିରେ ସୂର୍ଯ୍ୟମଣୀଙ୍କ ଝିଅ ତାର ପ୍ରେମିକ କୁ ଙେଟିବାକୁ ଯାଇ ତା ପରଦିନକୁ ଘରକୁ ଫେରିଥିଲା ।ଏହି ଘଟଣା ବିଷୟରେ ଯେତେବେଳେ ଝିଅଟିର ବାପା ଓ ଭାଇ ଜାଣିଲେ , ସେ ସମୟରେ ସେମାନେ ଭୀଷଣ ରାଗି ଯାଇଥିଲେ । ତା’ପରେ ବାପା ଝିଅକୁ ବେଲ୍ଟରେ ଓ ଭାଇ ଭଉଣୀକୁ ବାଡ଼ିରେ ବାଡ଼େଇ ଲାଗିଲେ । ଏପରି ଅତ୍ୟାଚାର ଦେଖି ଗାଁ ଲୋକେ ସେମାନଙ୍କୁ ବାରଣ ମଧ୍ୟ କରିଥିଲେ । ସେମାନେ ଝିଅକୁ ବାଡ଼େଇବା ସହ ବାରମ୍ବାର ତା’ର ପ୍ରେମିକର ନାମ ପଚାରୁଥିଲେ । ଯାହାଫଳରେ ଝିଅର ବାପା ଓ ଭାଇ ଉକ୍ତ ପ୍ରେମିକ ବିଷୟରେ ଥାନାରେ ଅଭିଯୋଗ କରିବେ । କିନ୍ତୁ ଝିଅଟି ମାଡ଼ ଖାଇବା ସତ୍ତ୍ୱେ ମୁହଁରୁ କିଛି ବାହାର କରି ନଥିଲା । କିଛି ସମୟ ପରେ ସେ ଚେତାଶୂନ୍ୟ ହୋଇପଡ଼ିବାରୁ ବାପା ଓ ଭାଇର ଅକଲ ଗୁଡ଼ୁମ ହୋଇଗଲା । ସେମାନେ ଝିଅଟିକୁ ନିକଟସ୍ଥ ଡ଼ାକ୍ତରଖାନାକୁ ନେଇଥିଲେ । କିନ୍ତୁ ସେଠାରେ ଡ଼ାକ୍ତର ଝିଅଟିକୁ ମୃତ ଘୋଷଣା କରିଥିଲେ ।
ଘଟଣାସ୍ଥଳରେ କଣ୍ଢାଇ ପୋଲିସ୍ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇଥି ଲେ । ବ୍ୟବଚ୍ଛେଦ ରିପୋର୍ଟ ପାଇବା ପରେ ଘଟଣା ସମ୍ପର୍କରେ ଅଧିକ ପଚରାଉଚୁରା କରି ବାପା ଓ ଭାଇକୁ ଗିରଫ କରିଥିଲା ।
ଘରର ଝିଅ କାହାକୁ ଭଲ ପାଉଛି ଜାଣିବା ପରେ ବାପା ଯାହା କଲେ ଜାଣିଲେ ଆଶ୍ଚର୍ଯ୍ୟ ହେବେ
