ବେଙ୍ଗାଲୁରୁ: ଶାଢ଼ି କିଣାକୁ ନେଇ ହାତାହାତି ହେବା ସହ ଚୁଟି ଟଣାଟଣି ହେଲେ ଦୁଇ ଯୁବତୀ । ବେଙ୍ଗାଲୁରୁରେ ମହୀଶୂର ସିଲ୍କ ଶାଢ଼ି ସେଲ୍ ଚାଲିଥିବା ବେଳେ ଗୋଟିଏ ଶାଢ଼ିକୁ ନେଇ ଦୁଇ ଯୁବତୀଙ୍କ ମଧ୍ୟରେ ପ୍ରଥମେ ଝଗଡ଼ା ହୋଇଥିବା ବେଳେ ପରେ ଦୁହେଁ ପରସ୍ପରକୁ ମାଡ଼ ମାରିବାକୁ ବି ପଛାଇ ନଥିଲେ । ଏପରି ଏକ ଘଟଣା ଭାଇରାଲ ଭିଡିଓରେ ଦେଖିବାକୁ ମିଳିଛି । ଟ୍ୱିଟରରେ ଏବେ ଘଟଣା ସମୟର ଭିଡିଓ ଭାଇରାଲ ହୋଇଥିବା ବେଳେ ଦୁଇ ଯୁବତୀ ପରସ୍ପରକୁ ମାଡ଼ ମାରୁଥିବା ଦେଖି ଉପସ୍ଥିତ ଲୋକେ ମଜା ନେଉଥିବା ଦେଖାଯାଇଛି ।
Mysore silk saree yearly sale @Malleshwaram .. two customers fighting over for a saree.👆🤦♀️RT pic.twitter.com/4io5fiYay0
— RVAIDYA2000 🕉️ (@rvaidya2000) April 23, 2023
ସାଧାରଣତଃ ଭାରତରେ ମହିଳାମାନେ ରିହାତି ଦରରେ ଜିନିଷ କିଣିବାକୁ ଭଲ ପାଆନ୍ତି । ସେ ଶାଢ଼ି ହେଉ କି ପରିବା, ସମସ୍ତଙ୍କୁ ସବୁ ଜିନିଷରେ ରିହାତି ଦରକାର ଥାଏ । ଯେତେବେଳେ କୌଣସି ସ୍ଥାନରେ କମ ଦାମରେ ଅଧିକ ଜିନିଷ ମିଳିବା ଆରମ୍ଭ ହୁଏ, ସେଠାରେ ଲୋକଙ୍କ ଭିଡ଼ ଜମେ । ମହୀଶୂର ସିଲ୍କ ଶାଢ଼ିର ଲୋକପ୍ରିୟତା ଅଧିକ ଥିବା ବେଳେ ବେଙ୍ଗାଲୁରୁରେ ଏହାର ସେଲ ଲାଗିଥିବା ଜାଣି ଏକାଧିକ ଗ୍ରାହକ ସେଠାରେ ପହଞ୍ଚିଥିଲେ । ଶାଢ଼ି ବାଛୁଥିବା ବେଳେ ଗୋଟିଏ ଶାଢ଼ି ଦୁଇ ଜଣ ଯୁବତୀଙ୍କୁ ପସନ୍ଦ ଆସିଥିଲା । ଏହାକୁ କିଏ ନେବ ସେ ନେଇ ଦୁଇଜଣକ ମଧ୍ୟରେ ବଚସା ହେବା ସହ ପରେ ମାରପିଟକୁ କଥା ଯାଇଥିଲା । ହିତାହିତ ଭୁଲି ଦୁହେଁ ପରସ୍ପରକୁ ମାଡ଼ ମାରିବା ସହ ପରସ୍ପରର ଚୁଟି ଟାଣି ଦେଇଥିଲେ । ସେଠାରେ ଉପସ୍ଥିତ ଲୋକ ଏହାର ଭିଡିଓ ରେକର୍ଡ କରିଥିବା ବେଳେ ଏବେ ଏହା ଭାଇରାଲ ହୋଇଛି ।