ନୂଆଦିଲ୍ଲୀ : ଭାରତର ପୂର୍ବତନ କୋଚ୍ ରବି ଶାସ୍ତ୍ରୀ କହିଛନ୍ତି ଯେ ବିରାଟ କୋହଲି ଆଉ 2-3 ବର୍ଷ ଭାରତର ଟେଷ୍ଟ ଦଳକୁ ଅଧିନାୟକ କରିପାରିଥାନ୍ତେ। ସେ କହିଛନ୍ତି ଯେ ଅଧିନାୟକ ଭାବରେ କୋହଲି 50-60 ଟେଷ୍ଟ ମ୍ୟାଚ ଜିତି ପାରିଥାନ୍ତେ । ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜରେ 1-2 ରେ ହାରିଯିବା ପରେ କୋହଲି ଅଧିନାୟକତ୍ୱରୁ ଇସ୍ତଫା ଦେଇଛନ୍ତି। ସେ ଭାରତୀୟ କ୍ରିକେଟ୍ ଇତିହାସରେ ସବୁଠାରୁ ସଫଳ ଅଧିନାୟକ । ତାଙ୍କ ନେତୃତ୍ୱରେ ଟିମ୍ ଇଣ୍ଡିଆ 40 ଟି ମ୍ୟାଚ୍ ଜିତିଥିଲା ।
କୋହଲିଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଆଇସିସି ର଼୍ୟାଙ୍କିଙ୍ଗରେ ପ୍ରଥମ ସ୍ଥାନରେ ପହଞ୍ଚିଛି। ଏହା ବ୍ୟତୀତ ସେ ବିଶ୍ୱ ଟେଷ୍ଟ ଚାମ୍ପିଅନସିପ୍ ରନର୍ ଅପ୍ ହୋଇଥିଲେ । ରବି ଶାସ୍ତ୍ରୀ ଏକ ସାକ୍ଷାତକାରରେ କୋହଲିଙ୍କ ସଫଳତା ବିଷୟରେ କହିଥିଲେ ଏବଂ ସେ ଆହୁରି 2-3 ବର୍ଷ ଧରି ଅଧିନାୟକତ୍ୱ କରିଥାନ୍ତେ ବୋଲି କହିଥିଲେ। ଶାସ୍ତ୍ରୀ ଆହୁରି କହିଛନ୍ତି ଯେ କୋହଲି 50-60 ବିଜୟ ସହ ତାଙ୍କ ଅଧିନାୟକତ୍ୱ ଯାତ୍ରା ଶେଷ କରିଥାନ୍ତେ ।
ଟିମ୍ ଇଣ୍ଡିଆର ପୂର୍ବତନ କୋଚ୍ କହିଛନ୍ତି ଯେ ଆମେ କୋହଲିଙ୍କ ନିଷ୍ପତ୍ତିକୁ ସମ୍ମାନ ଦେବା ଉଚିତ୍ । ଅନ୍ୟ କୌଣସି ଦେଶରେ ଏଭଳି ରେକର୍ଡ ଅବିଶ୍ୱସନୀୟ । ଅଷ୍ଟ୍ରେଲିଆ, ଇଂଲଣ୍ଡ ବିପକ୍ଷରେ ଜିତିଛନ୍ତି ଏବଂ ଦକ୍ଷିଣ ଆଫ୍ରିକାକୁ 1-2 ରେ ହରାଇଛନ୍ତି କିନ୍ତୁ ତଥାପି ସେ ଅଧିନାୟକ ହେବା ଉଚିତ କି ନୁହେଁ ତାହା ଉପରେ ବିତର୍କ ଚାଲିଛି।
