ଭୁବନେଶ୍ଵର :ମହାଳୟା ଠାରୁ ପ୍ରକୃତ ଦୁର୍ଗାପୂଜା ଆରମ୍ଭ ହୁଏ । କାରଣ ଏହି ଦିନ ଠାରୁ ଦୁର୍ଗାପୂଜା ମଧ୍ୟରେ ୧୦ ଦିନ ସମୟ ରହିଥାଏ, ଯାହା ପୁରାଣ ଶାସ୍ତ୍ରରେ ଦଶହରା ବୋଲି କୁହାଯାଇଛି । ପ୍ରକୃତ ପୂଜାବିଧି ଷଷ୍ଠୀ ଠାରୁ ଦଶମୀ ପର୍ଯ୍ୟନ୍ତ ଦେଖିବାକୁ ମିଳେ । ଦୁର୍ଗାପୂଜା ବା ଦଶହରା ସମୟରେ ମା’ଙ୍କ ଆଗମନରେ ସବୁଆଡେ ଚଳଚଞ୍ଚଳ ହୋଇଥାଏ।
ଆମର ପୂର୍ବପୁରୁଷଙ୍କ ଘରେ ଦେବୀ ଦୁର୍ଗାଙ୍କୁ ଅଧିକାଂଶ ଦିନ ଘରେ ତିଆରି ଲୁଚି ଓ ଭଜା ପ୍ରସ୍ତୁତ କରି ଖାଇବାକୁ ଦିଆ ଯାଇଥାଏ। ବାଇଗଣ, ଫୁଲକୋବିର, କଖାରୁ ,ପୋଟାଳରୁ ଭଜା ତିଆରି କରାଯାଏ। ଏହା ଏକ ଶୁଦ୍ଧ ଭୋଜନ ଅଟେ। ଏହି ସବୁ ପ୍ରାସାଦରେ ଲୁଣ ପଡ଼ି ନଥାଏ। ଏଥି ସହ ଏହି ପୂଜାରେ ପଲଉ, ଖିରି,ଖେଚୁଡ଼ି ଇତ୍ୟାଦି ପ୍ରସ୍ତୁତ କରି ମା’ଙ୍କ ପାଖରେ ଅର୍ପଣ କରାଯାଇଥାଏ।
ନୈବେଦ୍ୟ ମଧ୍ୟ ଅର୍ପଣ କରାଯାଏ, ଯେଉଁଥିରେ ଗୋବିନ୍ଦ ଭୋଗକୁ ଚାଉଳ ଘିଅ, କ୍ଷୀର, କଞ୍ଚା ମୁଗ, ବନ୍ଧାକୋବି ଏବଂ ଅନ୍ୟାନ୍ୟ ଫଳ ଏବଂ ମିଠାରୁ ପ୍ରସ୍ତୁତ କରାଯାଏ। ନୈବେଦ୍ୟ ଏପରି ଏକ ପ୍ରସାଦ ଯାହାକି ଦୂର୍ଗା ପୂଜାର ପ୍ରତିଦିନ ମାଙ୍କ ପାଖରେ ଅର୍ପଣ କରାଯାଏ। ଏଥିସହ ଦଶମୀ ଦିନ ଚାଉଳ ଓ ଦହିରୁ ଦଧିକର୍ମ ନାମକ ପ୍ରସାଦ ତିଆରି କରି ଅର୍ପଣ କରାଯାଏ। ଦୁର୍ଗା ମାଙ୍କୁ ଫଳ ଏବଂ ମିଠା ମଧ୍ୟ ପ୍ରଦାନ କରାଯାଏ |