ପାଟନା: ବିହାର ରେ କରୋନା ଭାଇରସର ଦ୍ୱିତୀୟ ଲହର ବଢୁଥିବା ପ୍ରକୋପକୁ ଦୃଷ୍ଟିରେ ରଖି ରାଜ୍ୟରେ ଜାରି ହୋଇଥିବା ଲକଡାଉନ ଅବଧିକୁ ବୃଦ୍ଧି କରାଯାଇଛି । ବିହାର ମୁଖ୍ୟମନ୍ତ୍ରୀ ନିତୀଶ କୁମାର ଲକଡାଉନ ବୃଦ୍ଧି ନେଇ ଘୋଷଣା କରିଛନ୍ତି । ତାଜା ସୂଚନା ଅନୁସାରେ, ବିହାରରେ ଲକଡାଉନକୁ ଆଉ କିଛି ସମୟ ପାଇଁ ବୃଦ୍ଧି କରାଯାଇଛି । ଏହାର ଅବଧି ୧ ଜୁନ ୨୦୨୧ ପର୍ଯ୍ୟନ୍ତ ରହିବ । ଏହାପୂର୍ବରୁ ବିହାରର କ୍ରାଇସିସ ମ୍ୟାନେଜମେଣ୍ଟ ଗ୍ରୁପ ବୈଠକରେ ଏନେଇ ନିଷ୍ପତ୍ତି ହୋଇଥିଲା । ସୋମବାର ସିଏମ ନିତିଶ କୁମାର ଟ୍ୱିଟ କରି ଲକଡାଉନ ନେଇ ବିସ୍ତାର ରୂପରେ ସୂଚନା ଦେଇଛନ୍ତି ।