ଭୁବନେଶ୍ୱର: ବାତ୍ୟା ୟାସ ପରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶା ଆସି ଭୁବନେଶ୍ୱରରେ ପହଂଚି ସମୀକ୍ଷା କରିଛନ୍ତି । ଏହି ସମୀକ୍ଷାରେ ଦୀର୍ଘସୂତ୍ରୀ ସମାଧାନ ଚାହିଁଛି ଓଡିଶା । ବୈଠକରେ ଆଲୋଚନା ନେଇ ଏସଆରସି ସୂଚନା ପ୍ରଦାନ କରିଛନ୍ତି । ବାତ୍ୟା ମୁକାବିଲା ପାଇଁ ୨ଟି ଦୀର୍ଘସୂତ୍ରୀ ବ୍ୟବସ୍ଥା ଦାବି କରିଛନ୍ତି ମୁଖ୍ୟମନ୍ତ୍ରୀ । ବିଶେଷକରି ବାତ୍ୟାକୁ ସମ୍ଭାଳି ପାରୁଥିବା ବିଦ୍ୟୁତ ବ୍ୟବସ୍ଥା ଦାବି ରଖିଥିଲେ ନବୀନ । ଉନ୍ନତ ଟେକ୍ନୋଲେଜି, ଅଣ୍ଡରଗ୍ରାଉଣ୍ଡ କେବୁଲିଂ ବ୍ୟବସ୍ଥା ଦାବି ରଖାଯାଇଛି । ଉପକୂଳ ସୁରକ୍ଷା ପାଇଁ ଦୀର୍ଘକାଳୀନ ବ୍ୟବସ୍ଥା କରିବାକୁ ଦାବି କରାଯାଇଛି । ୭/୮ ମିଟର ପର୍ଯ୍ୟନ୍ତ ଜୁଆର ଉଠୁଥିବାରୁ ତାର ବ୍ୟବସ୍ଥା କରାଯିବା ଦରକାର । ଏହି ଦୁଇ କାର୍ଯ୍ୟ ପାଇଁ ଭାରତ ସରକାରଙ୍କ ସହାୟତା ଦାବି କରିଛନ୍ତି ମୁଖ୍ୟମନ୍ତ୍ରୀ । ତେବେ ବର୍ତ୍ତମାନର ବାତ୍ୟା ନେଇ କିଛି ଦାବି କରାଯାଇନାହିଁ ।
Sought assistance for long term measures to make #Odisha disaster resilient as we are frequented by such climate hazards every year. Highlighted #Odisha’s demand for disaster resilient power infrastructure and resilient coastal protection with storm surge resilient embankments. pic.twitter.com/2pwt4YesHQ
— Naveen Patnaik (@Naveen_Odisha) May 28, 2021
ଯାହା ଏବେ ଦରକାର ଆମେ ତାକୁ ମ୍ୟାନେଜ କରିନେବୁ । ଆଗାମୀ ୭ ଦିନ ମଧ୍ୟରେ କ୍ଷୟକ୍ଷତି ରିପୋର୍ଟ ଦିଆଯିବ । ଅନ୍ୟପଟେ ବାତ୍ୟା ନେଇ ରାଜ୍ୟ ସରକାର କେନ୍ଦ୍ର ତୁରନ୍ତ କିଛି ନମାଗିବା ପ୍ରସଙ୍ଗରେ କରୋନା ମହାମାରୀ ଦୃଷ୍ଟିରୁ ତୁରନ୍ତ ସହାୟତା ମଗାଯାଇନାହିଁ ବୋଲି ମୁଖ୍ୟମନ୍ତ୍ରୀ କହିଛନ୍ତି । କେନ୍ଦ୍ର ଉପରେ ତୁରନ୍ତ ଆର୍ଥିକ ବୋଝ ଲଦିବାକୁ ଚାହିଁନୁ । ଯାହା ଏବେ ଦରକାର ତାହା ଆମେ ନିଜେ ମ୍ୟାନେଜ କରିନେବୁ । ଏନେଇ ଟ୍ୱିଟ ଯୋଗେଁ ମୁଖ୍ୟମନ୍ତ୍ରୀ ଏହାର କାରଣ ଦର୍ଶାଇଛନ୍ତି ।
As the country is at the peak of #COVID19 pandemic, we have not sought any immediate financial assistance to burden the Central Govt and would like to manage it through our own resources to tide over the crisis. #OdishaFightsYaas pic.twitter.com/1ScXEBp6LF
— Naveen Patnaik (@Naveen_Odisha) May 28, 2021
