ନୂଆଦିଲ୍ଲୀ : ବୋଝ ଉପରେ ନଳିତା ବିଡା । ଖାଉଟିଙ୍କ ଉପରେ ମହଙ୍ଗା ମାଡ । ଖାଲି ଗ୍ୟାସ ଓ ତେଲ ଦର ବଢିଛି ତାହା ନୁହେଁ । ଏହାରି ଭିତରେ ଚୁଲି ଜାଳି ରୋଷେଇ କରିବା ବି ମହଙ୍ଗା ହୋଇଯାଇଛି । ଏବେ ଗରିବଙ୍କ ଉପରେ ବିଶେଷ ପ୍ରଭାବ ପକାଉଛି ମୂଲ୍ୟ ବୃଦ୍ଧି । ବୃଦ୍ଧିପାଇଛି ମାଚିସ୍ ବକ୍ସର ମୂଲ୍ୟ । ପ୍ରାୟ ୧୪ ବର୍ଷ ପରେ ବୃଦ୍ଧି ପାଇଛି ଦିଆସିଲର ଦର ।
ଆସନ୍ତା ମାସରୁ ଅର୍ଥାତ ଡିସେମ୍ବରରୁ ଦିଆସିଲ ବକ୍ସ ପିଛା ମୂଲ୍ୟ ୧ ଟଙ୍କା ବୃଦ୍ଧି ପାଇବ । ଏହି ବୃଦ୍ଧି ପରେ ମ୍ୟାଚ୍ ବକ୍ସର ନୂଆ ମୂଲ୍ୟ ୨.୦୦ ଟଙ୍କା ହେବ। ଏହି ନିଷ୍ପତ୍ତି ଅଲ୍ ଇଣ୍ଡିଆ ଚାମ୍ବର ଅଫ୍ ମ୍ୟାଚ୍ ବୈଠକରେ ନିଷ୍ପତ୍ତି ନିଆଯାଇଛି । ବୈଠକରେ ୫ଟି ପ୍ରମୁଖ ମ୍ୟାଚ୍ ବକ୍ସ ଇଣ୍ଡଷ୍ଟ୍ରି ସଂସ୍ଥାର ପ୍ରତିନିଧୀମାନେ ଜଡିତ ଥିଲେ । ମାଚିସ୍ ମୂଲ୍ୟ ବୃଦ୍ଧି କରିବାକୁ ସେମାନେ ସର୍ବସମ୍ମତି କ୍ରମେ ନିଷ୍ପତ୍ତି ନେଇଛନ୍ତି । ପ୍ରାୟ ୧୪ ବର୍ଷ ପରେ, ମାଚିସ୍ ମୂଲ୍ୟ ବୃଦ୍ଧି ହେବାକୁ ଯାଉଛି । ରିପୋର୍ଟ ଅନୁଯାୟୀ, ଶେଷ ଥର ପାଇଁ ୨୦୦୭ ମସିହାରେ ମ୍ୟାଚ୍ ମୂଲ୍ୟ ବୃଦ୍ଧି କରାଯାଇଥିଲା । ତା’ପରେ ମ୍ୟାଚ୍ ମୂଲ୍ୟ ୫୦ ପଇସା ବୃଦ୍ଧି କରାଯାଇଥିଲା । ଏହା ପରେ ମ୍ୟାଚ୍ ବକ୍ସର ମୂଲ୍ୟ ୧.୦୦ ଟଙ୍କା ଥିଲା ।
ମ୍ୟାଚ୍ କରିବା ପାଇଁ ମୁଖ୍ୟତଃ ଲାଲ୍ ଫସଫରସ୍, ମହମ, ବକ୍ସ ବୋର୍ଡ ଇତ୍ୟାଦି ଆବଶ୍ୟକ । ଏହି ସମସ୍ତ କଞ୍ଚାମାଲର ମୂଲ୍ୟ ବୃଦ୍ଧି ପାଇଛି । ବାସ୍ତବରେ ଡିଜେଲର ମୂଲ୍ୟ ବୃଦ୍ଧି ହେତୁ ପରିବହନ ମଧ୍ୟ ମହଙ୍ଗା ହୋଇଛି । କଞ୍ଚାମାଲର ମୂଲ୍ୟ ବୃଦ୍ଧି ହେବାର ଏହା ହେଉଛି କାରଣ ।
