ନୂଆଦିଲ୍ଲୀ: କେନ୍ଦ୍ର ସହ ବିଜ୍ଞାନ ଭବନରେ ଆୟୋଜିତ ପଂଚମ ପର୍ଯ୍ୟାୟ ବୈଠକରେ କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର କହିଛନ୍ତି ଯେ, ସର୍ବନିମ୍ନ ସହାୟତା ମୂଲ୍ୟରେ କୌଣସି ପ୍ରକାର ପରିବର୍ତ୍ତନ ହେବ ନାହିଁ । ଏନେଇ କୌଣସି ପ୍ରକାର ଆଶଙ୍କା ମଧ୍ୟ ନାହିଁ । ଯଦି କୌଣସି ଚାଷୀ ଏହାକୁ ନେଇ ଦ୍ୱନ୍ଦରେ ଅଛନ୍ତି, ତେବେ ସେ ଏ ସଂକ୍ରାନ୍ତରେ ସରକାରଙ୍କୁ ଜଣାନ୍ତୁ । ସରକାର ଏହାର ସମାଧାନ କରିବାକୁ ପ୍ରସ୍ତୁତ ରହିଛନ୍ତି । ଏମଏସପି (ମିନିମମ ସପୋର୍ଟ ପ୍ରାଇସ)ରେ କିଛି ପରିବର୍ତନ ହେବାର ହିଁ ନାହିଁ । ପ୍ରାୟ ୪୦ କୃଷି ସଂଗଠନକୁ ସରକାର ଆଶ୍ୱାସନା ଦେଇଛନ୍ତି ଯେ, ସେମାନଙ୍କ ଦାବି ଉପରେ ଖୋଲାଖୋଲି ଭାବରେ ଆଲୋଚନା କରାଯିବ ଏବଂ ବିଚାର ମଧ୍ୟ କରାଯିବ । ଏମଏସପି ସିଷ୍ଟମ ଜାରି ରହିବ ବୋଲି ସେ କହିଛନ୍ତି । ଶନିବାର କୃଷକ ନେତାମାନଙ୍କ ସହ ପଂଚମ ପର୍ଯ୍ୟାୟ ଆଲୋଚନା ପରେ ଡିସେମ୍ବର ୯ ତାରିଖରେ ମଧ୍ୟ ଏନେଇ ପୁଣି ଏକ ବୈଠକ ଅନୁଷ୍ଠିତ ହେବ ବୋଲି ସୂଚନା ମିଳିଛି ।
We have said that the MSP will continue, there is no threat to it. It is baseless to doubt this. Still, if someone is suspicious then the government is ready to resolve it: Agriculture Minister Narendra Singh Tomar #FarmLaws pic.twitter.com/MLIQ7bLwUQ
— ANI (@ANI) December 5, 2020