କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି

ଯାଜପୁର:ବଡ଼ଚଣା ବ୍ଲକ କଡ଼ାଇ,ଇନାୟତ ନଗର ଓ ଗଣାସ ଗାଁର ଚାଷ ଜମିରୁ ପାଣି ନିଷ୍କାସନ ନ ହେବା ଫଳରେ ବ୍ୟାପକ ନଷ୍ଟ ହୋଇଛି। ଏହି ଅଞ୍ଚଳରେ UMSL କମ୍ପାନୀ ପକ୍ଷରୁ ସ୍ଥାନୀୟ ଅଞ୍ଚଳ ବାସୀ ପ୍ରଲୋଭିତ ଓ ଧମକ ଚମକ ଦେଇ ଜମି ହାତେଇ ନେଇଛନ୍ତି। ବିଭିନ୍ନ ସ୍ଥାନରେ ବନ୍ଧ ନିର୍ମାଣ କରିବା ଫଳରେ ଜମି ଗୁଡିକରୁ ଜଳ ନିଷ୍କାସନ ହୋଇପାରୁନାହିଁ । ତେଣୁ ଏହି କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରି ଆଜି ଗ୍ରାମବାସୀଙ୍କ ପକ୍ଷରୁ ଯାଜପୁର ଜିଲ୍ଲାପାଳଙ୍କୁ ଏକ ଦାବି ପତ୍ର ପ୍ରଦାନ କରାଯାଇଛି । ଏ ସମ୍ପର୍କରେ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲାପାଳ ପ୍ରତିଶ୍ରୁତି ଦେଇଛନ୍ତି।