ନୂଆଦିଲ୍ଲୀ : ମେଡ଼ିସିନ୍ ପାଇଁ ନୋବେଲ ପୁରସ୍କାର ଘୋଷଣା କରାଯାଇଛି। ତାପମାତ୍ରା ଏବଂ ସ୍ପର୍ଶ ପାଇଁ ରିସେପ୍ଟର ଆବିଷ୍କାର କରିଥିବା ଆମେରିକୀୟ ବୈଜ୍ଞାନିକ ଡେଭିଡ୍ ଜୁଲିୟସ୍ ଏବଂ ଆର୍ଡେମ୍ ପାଟାପୁଟିଆନ ଏଥର ମେଡ଼ିସିନ୍ ପାଇଁ ମିଳିତ ଭାବେ ନୋବେଲ ପୁରସ୍କାର ଜିତିଛନ୍ତି | ଷ୍ଟକହୋମର କାରୋଲିନସ୍କା ପ୍ରତିଷ୍ଠାନର ଏକ ପ୍ୟାନେଲ ଦ୍ୱାରା ଏହି ପୁରସ୍କାର ଘୋଷଣା କରାଯାଇଛି ।
ଗତ ବର୍ଷ ମେଡ଼ିସିନରେ ତିନି ବୈଜ୍ଞାନିକଙ୍କୁ ସେମାନଙ୍କ ଆବିଷ୍କାର ପାଇଁ ନୋବେଲ ପୁରସ୍କାର ପ୍ରଦାନ କରାଯାଇଥିଲା। ଏହି ବୈଜ୍ଞାନିକମାନେ ହେପାଟାଇଟିସ୍ ସି ଜୀବାଣୁ ଆବିଷ୍କାର କଲେ ଯାହା ଯକୃତକୁ କ୍ଷତି ପହଞ୍ଚାଏ । ଏହା ଏପରି ଏକ ସଫଳତା ଥିଲା, ଯେଉଁ କାରଣରୁ ଏହି ଘାତକ ରୋଗର ଚିକିତ୍ସା କରିବା ସହଜ ହୋଇଥିଲା ଏବଂ ବ୍ଲଡ୍ ବ୍ୟାଙ୍କ ମାଧ୍ୟମରେ ଏହି ରୋଗର ବିସ୍ତାରକୁ ରୋକିବା ପାଇଁ ପରୀକ୍ଷା କରାଯାଇଥିଲା। ନୋବେଲ ପୁରସ୍କାର ଅନେକ ବର୍ଗରେ ଦିଆଯାଇଛି ।
