ଗଞ୍ଜାମ : ସ୍ୱାମୀ-ସ୍ତ୍ରୀର ପବିତ୍ର ସମ୍ପର୍କରେ ଲାଗିଲା ନିଆଁ | ଗଞ୍ଜାମ ଜିଲ୍ଲା ବୁଗୁଡାରେ ଏକ ଅତି ଅମାନବୀୟ ଘଟଣା ଏବେ ସାମ୍ନାକୁ ଆସିଛି | ଗତକାଲି ବୁଗୁଡା଼ ସ୍ଥିତ ଏକ ଭଡ଼ା ଘରୁ ପୁଲିସ ଜଣେ ମହିଳାଙ୍କୁ ଉଦ୍ଧାର କରିଛି । ପରେ ମହିଳାଙ୍କୁ ତାଙ୍କ ବାପଘରେ ନେଇ ଛାଡି ଦେଇଥିବାର ଜଣା ପଡିଛି । ତେବେ ମହିଳା ଜଣଙ୍କ ହେଲେ ହୀରା ନାଇକ ବୋଲି ଜଣା ପଡିଛି ।
ପୂରା ଘଟଣାଟି ଏମିତି | ହୀରା ପଦ୍ମନାଭ ସାହୁଙ୍କୁ ଦୀର୍ଘ ୮ବର୍ଷ ପୂର୍ବେ ପ୍ରେମ କରି ବିବାହ କରିଥିଲେ । ହେଲେ ସେ ପଦ୍ମନାଭଙ୍କ ତୃତୀୟ ସ୍ତ୍ରୀ । ତେବେ ଏଠାରେ ସୂଚନାଯୋଗ୍ୟ ଯେ, ପଦ୍ମନାଭ ସଦା ସର୍ବଦା ହୀରାଙ୍କୁ ନିର୍ଯାତନା ଦେଉଥିଲେ । ଅଧିକାଂଶ ସମୟ ପଦ୍ମନାଭ ହୀରାଙ୍କୁ ଲୁହା ରଡରେ ବାଡାଇ କ୍ଷତବିକ୍ଷତ କରିଦେଇଥିବା ମଧ୍ୟ ଅଭିଯୋଗ ହୋଇଥିଲା । କିନ୍ତୁ ଏଥର ପଦ୍ମନାଭ ହୀରାଙ୍କୁ ଲୁହା ରଡରେ ପିଟି ତାଙ୍କର ଦୁଇ ଗୋଡ଼ ସମ୍ପୂର୍ଣ୍ଣ ଭାଙ୍ଗି ଦେଇଥିବା ହୀରା ଅଭିଯୋଗ କରିଛନ୍ତି । ଏ ସମସ୍ତ ଘଟଣା ଘଟାଇବା ପରେ ସେ ଭଡ଼ାଘରେ ଚାବି ପକାଇ କେଉଁ ଆଡେ ଫେରାର ହୋଇ ଯାଇଥିବାର ଜଣା ପଡିଛି । ବୁଗୁଡା଼ ପୋଲିସ ଖବର ପାଇ ଘରୁ ହୀରାଙ୍କୁ ଉଦ୍ଧାର କରିଛି । ଚିକିତ୍ସା କରାଇ ହୀରାଙ୍କୁ ବାପଘରେ ପଞ୍ଚଭୁତି ଗ୍ରାମରେ ଆଣି ଛାଡ଼ି ଦେଇ ଛନ୍ତି । ହୀରାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହୋଇଛି।ଗୋଟିଏ ପଟେ ହୀରାଙ୍କ ସ୍ବାସ୍ଥ୍ୟାବସ୍ଥା ଭଲ ନଥିବା ବେଳେ ଅନ୍ୟପଟେ ସ୍ବାମୀ ପଦ୍ମନାଭ ଏହି ଘଟଣା କାହାରିକୁ ଜଣାଇଲେ ଜୀବରୁ ମାରିଦେବା ପାଇଁ ଧମକ ଦେଇଛନ୍ତି । ବର୍ତ୍ତମାନ ହୀରାଙ୍କର ସାତ ବର୍ଷର ଗୋଟିଏ ପୁତ୍ର ସନ୍ତାନ ଅଛି । ହୀରାଙ୍କୁ ଏବଂ ତାର ବାପା ମା ଏବଂ ଭଉଣୀଙ୍କୁ ମଧ୍ୟ ମାରି ଦେବା ପାଇଁ ପଦ୍ମନାଭ ଧମକ ଦେଇଛି । ବର୍ତ୍ତମାନ ହୀରାଙ୍କ ସମସ୍ତ ପରିବାର ଲୋକଙ୍କୁ ସୁରକ୍ଷା ଯୋଗାଇଦେବା ପାଇଁ ଦାବି ହେଉଛି । ତେବେ ଆଗରୁ ଦୁଇଟି ପତ୍ନୀ ରହିଥିବାରୁ ସ୍ୱାମୀ ହୀରାଙ୍କ ଉପରେ ଏପରି ଅତ୍ୟାଚାର କରୁଥିବାର କୁହାଯାଉଛି |
ଦୁଇଟି ସ୍ତ୍ରୀ ଥାଇ କରିଥିଲା ତୃତୀୟ ବିବାହ କରିଥିଲା କୁଳାଙ୍ଗାର ସ୍ୱାମୀ,ଆଉ ସ୍ତ୍ରୀକୁ ମାରିକି ଭାଙ୍ଗିଦେଲା ଗୋଡ ହାତ
