ନୂଆଦିଲ୍ଲୀ: ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ମୂଲ୍ୟ ହ୍ରାସ ପାଇବାରେ ଲାଗିଛି। ଗତ ୩ ମାସ ମଧ୍ୟରେ, ଆନ୍ତର୍ଜାତୀୟ ବଜାରରେ ଏହା ୩୦-୩୫ ଡଲାରରେ ଶସ୍ତା ହୋଇଛି ଜ୍ଝ ବର୍ତ୍ତମାନ, ବ୍ରେଣ୍ଟ ଅଶୋଧିତ ତୈଳ ବ୍ୟାରେଲ ପିଛା ପ୍ରାୟ ୮୬ ଡଲାରରେ ଟ୍ରେଣ୍ଡ କରୁଛି। କିନ୍ତୁ ତଥାପି ଦେଶରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ କୌଣସି ଆରାମ ମିଳୁନାହିଁ। ତେବେ ଦିଲ୍ଲୀରେ ପେଟ୍ରୋଲ ଲିଟର ପିଛା ୯୬.୭୬ ଟଙ୍କା ଥିବା ବେଳେ ଡିଜେଲ ଲିଟର ପିଛା ୮୯. ୬୨ ଟଙ୍କା ରେ ସ୍ଥିର ରହିଛି । ତେବେ ପୋର୍ଟ ବ୍ଲେୟରରେ ପେଟ୍ରଲ ଦର ସବୁଠାରୁ ଶସ୍ତା ରହିଛି । ଏହିଠାରେ ପେଟ୍ରୋଲ ଲିଟର ପିଛା ୮୪.୧୦ ଟଙ୍କା ଥିବା ବେଳେ ଡିଜେଲ ଲିଟର ପିଛା ୭୯.୭୪ ଟଙ୍କା ରହିଛି । ଯାହାକି ଦେଶର ସମସ୍ତ ରାଜ୍ୟର ତେଲ ଦର ଠାରୁ ଶସ୍ତା ରହିଛି ।
ତେବେ ଦେଶର କୌଣସି ସ୍ଥାନରେ ପେଟ୍ରୋଲ ଡିଜେଲ ଦରରେ ପରିବର୍ତ୍ତନ ହୋଇନାହିଁ । ବର୍ତ୍ତମାନ ମୁମ୍ବାଇରେ ପେଟ୍ରଲ ଦର ଲିଟର ପିଛା ୧୦୬.୩୧ ଟଙ୍କା ରହିଛି ସେହିପରି ଡିଜେଲ ଲିଟର ପ୍ରତି ୯୪.୨୭ ଟଙ୍କାରେ ସ୍ତିର ରହିଛି । ଏତତ୍ ବ୍ୟତୀତ ଚେନ୍ନାଇରେ ପେଟ୍ରୋଲ ୯୨.୭୬ ଟଙ୍କା ଥିବା ବେଳେ ଓଡିଶାର ରାଜଧାନୀ ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୧୦୩.୧୯ ଟଙ୍କା ଏବଂ ଡିଜେଲ ଲିଟର ପିଠା ୯୪.୭୬ ଟଙ୍କା ରହିଛି ।
ଅଶୋଧିତ ତୈଳ ମୂଲ୍ୟରେ ବିପୁଳ ହ୍ରାସ : ବ୍ରେଣ୍ଟ ଅଶୋଧିତ ତୈଳ ବର୍ତ୍ତମାନ ବ୍ୟାରେଲ ପିଛା ପ୍ରାୟ ୮୬ ଡଲାରରେ ଟ୍ରେଣ୍ଡ କରୁଛି। ଏଥି ସହିତ ଡବ୍ଲୁଟିଏଇ ଅଶୋଧିତ ମୂଲ୍ୟ ବ୍ୟାରେଲ ପିଛା ୭୮ ଡଲାରରେ ପହଞ୍ଚିଛି। ଏଭଳି ପରିସ୍ଥିତିରେ ଅଶୋଧିତ ତୈଳ ମୂଲ୍ୟ ବ୍ୟାରେଲ ପିଛା ୮୦.୮୫ ଡଲାରକୁ ଯାଇପାରେ ବୋଲି ବିଶେଷଜ୍ଞମାନେ କହିଛନ୍ତି। ଏହି ଅନୁପାତ ଆଧାରରେ ଯଦି ତୈଳ କମ୍ପାନୀଗୁଡିକ ମୂଲ୍ୟ ହ୍ରାସ କରନ୍ତି, ତେବେ ପେଟ୍ରୋଲ ଏବଂ ଡିଜେଲର ମୂଲ୍ୟ ୧୧ ରୁ ୧୨ ଟଙ୍କା ହୋଇପାରେ। ବାସ୍ତବରେ, ଯେତେବେଳେ ଅଶୋଧିତ ତୈଳ ମୂଲ୍ୟରେ ବ୍ୟାରେଲ ପିଛା ୧ ଡଲାରର ପାର୍ଥକ୍ୟ ଥାଏ, ସେତେବେଳେ ଏହା ଦେଶର ତୈଳ କମ୍ପାନୀଗୁଡ଼ିକୁ ୧ ଲିଟରରେ ୪୫ ପଇସା ପ୍ରଭାବିତ କରିଥାଏ । ସେହି ଅନୁଯାୟୀ ପେଟ୍ରୋଲ ଏବଂ ଡିଜେଲ ୧୧ ରୁ ୧୨ ଟଙ୍କା ଶସ୍ତା ହୋଇପାରେ ବୋଲି ବିଶ୍ୱାସ କରାଯାଏ।
