ଭୁବନେଶ୍ୱର : ପୁରୀ ସଂସଦୀୟ କ୍ଷେତ୍ର ପାଇଁ କଂଗ୍ରେସ ନିଜର ପ୍ରାର୍ଥୀ ବଦଳାଇଛି । ଜୟନାରାୟଣ ପଟ୍ଟନାୟକ କଂଗ୍ରେସର ନୂଆ ପ୍ରାର୍ଥୀ ହୋଇଛନ୍ତି । ସୁଚରିତା ମହାନ୍ତିଙ୍କ ସ୍ଥାନରେ ଦଳ ଜୟନାରାୟଣଙ୍କୁ ଟିକେଟ ଦେଇଛି । ପ୍ରାର୍ଥୀ ବଦଳିବା ନେଇ ଏଆଇସିସି ପକ୍ଷରୁ ବିଧିବଦ୍ଧ ସୂଚନା ଜାରି କରାଯାଇଛି।
ପ୍ରକାଶ ଯେ ପ୍ରଚାର ପାଇଁ ପାଣ୍ଠିର ଅଭାବ ପଡ଼ିବାରୁ କଂଗ୍ରେସର ପୁରୀ ଲୋକସଭା ପ୍ରାର୍ଥୀ ସୁଚରିତା ମହାନ୍ତି ଆଜି ଟିକେଟ ଫେରାଇ ଦେଇଥିଲେ । ନିର୍ବାଚନ ଲଢ଼ିବା ପାଇଁ ଦଳ ପାଣ୍ଠି ନ ଦେବାରୁ ସୁଚରିତା ମହାନ୍ତି ଟିକେଟ୍ ଫେରାଇଥିବା କଥା ଇ-ମେଲ୍ ଜରିଆରେ ଏଆଇସିସିକୁ ଜଣାଇଥିଲେ ।
ତେବେ ଦଳର ପ୍ରଭାରୀ ଡାକ୍ତର ଅଜୟ କୁମାର କହିଥିଲେ ଯେ ପାର୍ଟି ଫଣ୍ଡିଂ କରିଥା’ନ୍ତା । ଫଣ୍ଡିଂର କୌଣସି ସମସ୍ୟା ନଥିଲା । ମୁଖ୍ୟ କଥା ହେଲା ପୁରୀରେ ଆମେ ପ୍ରାର୍ଥୀ ବଦଳେଇଥା’ନ୍ତୁ । ସୁଚରିତା ଏହି କଥା ଜାଣି ସାରିଥିଲେ । ସେଥିପାଇଁ ସେ ଟିକେଟ ଫେରାଇ ଦେଇ ନିଜେ ନିଜର ଚିଠିକୁ ଭାଇରାଲ କରିଛନ୍ତି ।
