କେରଳରେ ପ୍ରବଳ ବର୍ଷା ନେଇ ୩ ଜିଲ୍ଲାକୁ ରେଡ୍ ଆଲର୍ଟ ଜାରି

କେରଳ : ଆଗାମୀ ଦିନରେ କେରଳରେ ପ୍ରବଳ ବର୍ଷା ହେବାର ପୂର୍ବାନୁମାନ କରି ଭାରତ ପାଣିପାଗ ବିଭାଗ (ଆଇଏମଡି) ଶନିବାର ଏବଂ ମେ ୧୯ ଓ ୨୦ ପାଇଁ ରାଜ୍ୟର କେତେକ ଜିଲ୍ଲାକୁ ରେଡ୍ ଆଲର୍ଟ ଜାରି କରିଛି। ଆଇଏମଡି ମେ ୧୯ ଓ ୨୦ ପାଇଁ ରାଜ୍ୟର ପଠାନମଥିଟା, କୋଟାୟାମ ଏବଂ ଇଡୁକି ଜିଲ୍ଲାରେ ରେଡ ଆଲର୍ଟ ଜାରି କରିଛି। ଏଥିସହ, ତିରୁବନନ୍ତପୁରମ୍, କୋଲାମ, ଆଲାପୁଜା, ଏବଂ ଏର୍ନାକୁଲମ୍ ପାଇଁ ଏକ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଥିଲା । ପାଣିପାଗ ବିଭାଗ ଆହୁରି ମଧ୍ୟ ମେ ୨୧ ତାରିଖ ପାଇଁ ୯ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରି କହିଛି ଯେ ସେହି ଜିଲ୍ଲା ମଧ୍ୟରୁ କିଛି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହା ମଧ୍ୟ ପୂର୍ବାନୁମାନ କରିଛି ଯେ ମେ ୧୯ ରୁ ୨୨ ମଧ୍ୟରେ କେରଳର ଗୋଟିଏ କିମ୍ବା ଦୁଇଟି ସ୍ଥାନରେ ବିଜୁଳି, ଘଡଘଡି ସହିତ ବଜ୍ରପାତ ହେବାର ସମ୍ଭାବନା ରହିଛି। ଏକ ରେଡ ଆଲର୍ଟ ୨୪ ଘଣ୍ଟା ମଧ୍ୟରେ ୨୦ ସେମିରୁ ପ୍ରବଳରୁ ଅତି ପ୍ରବଳ ବର୍ଷାକୁ ସୂଚାଇଥାଏ, ଯେତେବେଳେ କି ଅରେଞ୍ଜ ଆଲର୍ଟର ଅର୍ଥ ହେଉଛି ଅତ୍ୟଧିକ ପ୍ରବଳ ବର୍ଷା (୬ ସେମିରୁ ୨୦ ସେମି) । ଓ ୟୋଲୋ ଆଲର୍ଟ ଅର୍ଥ ୬ ରୁ ୧୧ ସେମି ମଧ୍ୟରେ ପ୍ରବଳ ବର୍ଷା । ତେବେ ଏହି ଅଞ୍ଚଳରେ ପଶ୍ଚିମ ଏବଂ ଦକ୍ଷିଣ ପଶ୍ଚିମ ପବନର ପ୍ରବଳ ମାତ୍ରା ହେତୁ ମେ ୧୮ ରୁ ୨୦ ମଧ୍ୟରେ ରାଜ୍ୟରେ ପ୍ରବଳ ବର୍ଷା ହେବାର ପୂର୍ବାନୁମାନ କରିଛି ଆଇଏମଡି।