୯ ଦିନର ସଂଘର୍ଷ: କଲମ୍ବୋରୁ ଓଡ଼ିଶା ଫେରିଲା ଓଡ଼ିଆ ଶ୍ରମିକ କମଳାକାନ୍ତଙ୍କର ମର ଶରୀର…

ଭୁବନେଶ୍ୱର: ଧନ ତୁ ଆସି ଗଲୁ ଆଜି । କେତେ ଡେରି କରିଲୁ । ଧନରେ ତୁ ଉଠୁ । ମୋ ସହ ପଖାଳ ଗଣ୍ଡାଏ ଖାଇବୁ । ଚାରି ବର୍ଷ ହେଲାଣି ଯାଇଛୁ ଯେ ଯାଇଛୁ, ଆଜି ଫେରୁଛୁ ଘରକୁ । କହିଲୁ ଦେଖି ତୋ ମାଆ କଥା କଣ ମନେ ପଡିଲାନି । ଆଉ ଆଜି ଆସିଲୁ ତ, ପୁଣି ଡାକିଲେ ଉଠୁନୁ କାହିଁକି ଧନ । ଥରେ ହେଲେ ଉଠି ଯା ଧନ । ତୁ ଫୋନରେ କହିଥିଲୁ ବୋଉ ମୁଁ ୨୫ ତାରିଖ ଦିନ ଫେରିବି ବୋଲି ଘରକୁ । ତୋ ବାପା ଭାଇ ଭଉଣୀ ଆଉ ମୁଁ କେତେ ସବୁ ଅପେକ୍ଷା କରିଥିଲୁ କହିଲୁ । ମୋ ଧୈଯ୍ୟ ରହୁନି ଉଠି ଯା’ ଧନ । କିଛି ଏଭଳି କହି କାନ୍ଦି କାନ୍ଦି ଲୋଟିପଡ଼ୁଛି ମା’ । କାନ୍ଦିବନି ବା କେମିତି ନିଜ ରୋଜଗାରିଆ ପୁଅକୁ ହରାଇଛି ପରା ।