ଭୁବନେଶ୍ୱର: ତେଲ ବଢିବାରୁ ପୁଣି ବଢିଛି ବସ୍ ଭଡା । ବର୍ଦ୍ଧିତ ଦର ଅନୁଯାୟୀ , ଅର୍ଡିନାରୀ ବସ୍ ଭଡା ୭୨ରୁ ବଢି ୭୩ ପଇସା ହୋଇଥିବା ବେଳେ ଏକ୍ସପ୍ରେସ ଭଡା କିମି ୭୫ ପଇସାରୁ ବଢି ୭୬ ପଇସା ହୋଇଛି । ସେହିଭଳି ଡିଲକ୍ସ ବସ ଭଡା ୧ ଟଙ୍କା ୦୫ରୁ ବଢି ୧ ଟଙ୍କା ୦୭ ହୋଇଛି । ଏସି ଡିଲ୍କସ କିମି ପିଛା ୧ ଟଙ୍କା ୨୭ରୁ ବଢି ୧ ଟଙ୍କା ୨୯ ହୋଇଛି । ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇବାରୁ ରାଜ୍ୟରେ ପୁଣି ଥରେ ବସ ଭଡା ବୃଦ୍ଧି ପାଇଛି । ଗତ କିଛି ଦିନ ଧରି ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଥିବାରୁ ସରକାର ବସ ଭଡା ବଢ଼ାଇଛନ୍ତି । ବସ ଭଡା ବୃଦ୍ଧି ପାଇବା ପରେ ସାଧାରଣରେ ଅସନ୍ତୋଷ ଦେଖାଦେଇଛି ।