ବିଜେପିର ୭ମ ଲୋକସଭା ପ୍ରାର୍ଥୀ ତାଲିକା ଘୋଷିତ

ନୂଆଦିଲ୍ଲୀ :  ଭାରତୀୟ ଜନତା ପାର୍ଟି (ବିଜେପି) ବୁଧବାର ଲୋକସଭା ନିର୍ବାଚନ ୨୦୨୪ ପାଇଁ ନିଜର ସପ୍ତମ ପ୍ରାର୍ଥୀ ତାଲିକା ଜାରି କରିଛି । ସପ୍ତମ ତାଲିକାରେ ବିଜେପି ମହାରାଷ୍ଟ୍ରର ଅମରାବତୀରୁ ନବନୀତ ରାଣାଙ୍କୁ ଟିକେଟ ଦେଇଥିବା ବେଳେ ଗୋବିନ୍ଦ କରଜୋଲଙ୍କୁ ଦକ୍ଷିଣ ରାଜ୍ୟ କର୍ଣ୍ଣାଟକର ଚିତ୍ରଦୁର୍ଗା ଆସନରୁ ପ୍ରାର୍ଥୀ କରାଯାଇଛି । ନବନୀତ କୌର ରାଣା ୧୯୮୬ ମସିହା ଜାନୁଆରୀ ୩ ତାରିଖରେ ମୁମ୍ବାଇରେ ଜନ୍ମଗ୍ରହଣ କରିଥିଲେ । ସେ ଅନେକ ତେଲୁଗୁ ଚଳଚ୍ଚିତ୍ରରେ କାମ କରିଛନ୍ତି, ଯାହା ପରେ ସେ ୨୦୧୯ ରେ ଅମରାବତୀରୁ ସାଂସଦ ନିର୍ବାଚିତ ହୋଇଥିଲେ । ୧୯୫୧ ମସିହା ଜାନୁଆରୀ ୨୫ ତାରିଖରେ କର୍ଣ୍ଣାଟକର ବିଜାପୁର ତାଲୁକରେ ଜନ୍ମଗ୍ରହଣ କରିଥିବା କରଜୋଲ ଦକ୍ଷିଣ ଭାରତର ଏକ ରାଜ୍ୟର ଡେପୁଟି ସିଏମ ଏବଂ କ୍ୟାବିନେଟ ମନ୍ତ୍ରୀ ଥିଲେ । ଏହାବ୍ୟତୀତ ସେ ମୁଧୋଲ ଆସନରୁ ମଧ୍ୟ ବିଧାୟକ ହୋଇଛନ୍ତି । ଏହା ପୂର୍ବରୁ ମାର୍ଚ୍ଚ ୨୬ରେ ବିଜେପି ଷଷ୍ଠ ତାଲିକା ପ୍ରକାଶ କରିଥିଲା, ଯେଉଁଥିରେ ୩ ଜଣଙ୍କୁ ଟିକେଟ୍ ଦିଆଯାଇଥିଲା । ଏହି ତାଲିକାରେ ରାଜସ୍ଥାନରୁ ୨ ଜଣ ଏବଂ ମଣିପୁରର ଜଣେ ଲୋକସଭା ପ୍ରାର୍ଥୀଙ୍କ ନାମ ରହିଛି ।