ନୂଆଦିଲ୍ଲୀ: ଯେତେବେଳେ ଆମେ ମହାମାରୀ କରୋନା ଭାଇରସ ଠାରୁ ଟିକିଏ ଆଶ୍ୱସ୍ତି ଲାଭ କରିବାକୁ ଯାଉଛୁ, ସେହି ସମୟରେ ବାର୍ଡ ଫ୍ଲୁ ଚିନ୍ତାର କାରଣ ପାଲଟିଛି । ଯାହାକୁ ଆମେ ଆଭିଅନ ଫ୍ଲୁ ମଧ୍ୟ କହୁଛୁ । ଏବେ ଭାରତର ବିଭିନ୍ନ ରାଜ୍ୟରେ ପୁନର୍ବାର ବାର୍ଡ ଫ୍ଲୁ ଦେଖା ଦେଇଛି । ଫଳରେ କର୍ତ୍ତୃପକ୍ଷ ବତକ, କୁକୁଡା ଏବଂ ଅନ୍ୟ ଡୋମେଷ୍ଟିକ ପକ୍ଷୀଙ୍କୁ ବଦ୍ଧ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ଏହିପରି ଭାବରେ ପକ୍ଷୀଙ୍କ ମୃତ୍ୟୁ ସଂଖ୍ୟା ସାରା ଦେଶରେ ଭୟ ସଂଚାର କରିଛି । ଯେତେବେଳେ ସରକାର ଏହି ସଂକ୍ରମଣ ରୋକିବାକୁ ପଦକ୍ଷେପ ନେଉଛନ୍ତି, ସେହି ସମୟରେ ଆପଣ ମଧ୍ୟ କିଛି ଗୁରୁତ୍ୱପୂର୍ଣ୍ଣ ପଦକ୍ଷେପ ନେବା ଉଚିତ୍ ।
ଅଧା ସିଝା ଅଣ୍ଡା, ଅଧା ସିଝା ଚିକେନ, ପକ୍ଷୀଙ୍କ ସହିତ ସିଧାସଳଖ ସଂସ୍ପର୍ଶରେ ଆସିବା, ର ମିଟ୍ କୁ ଖୋଲାରେ ରଖିବା ଓ ଏହା ସହ ସିଧା ସଂସ୍ପର୍ଶରେ ଆସିବାକୁ ଏଡାଇବା ଉଚିତ । ଏହାଛଡା ମରି ଯାଇଥିବା ପକ୍ଷୀଙ୍କୁ ଖାଲି ହାତରେ ଛୁଇଁବା ଠାରୁ ବି ଦୂରେଇ ରୁହନ୍ତୁ । ଛୁଇଁବା ମାତ୍ରେ ଆପଣ ହାତକୁ ତତକ୍ଷଣାତ ସଫା କରନ୍ତୁ । ଏହାଛଡା ପରିଷ୍କାର, ପରିଚ୍ଛନ୍ନତା ଉପରେ ଧ୍ୟାନ ଦିଅନ୍ତୁ । ବେଶି ସୁରକ୍ଷା ପାଇଁ ମାସ୍କ ଓ ଗ୍ଲୋଭସ ବ୍ୟବହାର କରନ୍ତୁ, ଯେତେବେଳେ ଆପଣ ର ଚିକେନ ଓ ଏ ସମ୍ବନ୍ଧିତ ପ୍ରଡକ୍ଟ ବ୍ୟବହାର କରୁଛନ୍ତି । ଭଲ ଭାବରେ ସିଝିଥିବା ମାସଂ କୁ ସର୍ବଦା ଖାଆନ୍ତୁ ।
ବାର୍ଡ ଫ୍ଲୁ ହେବାର ଲକ୍ଷଣ କଣ
କଫ, ଜ୍ୱର, ଗଳାରେ ଘା ହେବା, ମାସଂପେଶୀ ଯନ୍ତ୍ରଣା ହେବା, ମୁଣ୍ଡ ବିନ୍ଧିବା, ନିଶ୍ୱାସ ନେବାରେ ବାଧା ହେବା ହେଉଛି ଏହାର ଲକ୍ଷଣ । ଲୋକମାନଙ୍କର ମଧ୍ୟ ଅନେକ ସମୟରେ ବାନ୍ତି ଓ ଡାଇରିଆ ହେବା ଲକ୍ଷଣ ସାମ୍ନାକୁ ଆସିଛି । ଏହାଛଡା କେତେକାଂଶରେ ଆଖି ସଂକ୍ରମିତ ହେବା ମାମଲା ବି ରହିଛି । ଏଚ୫ଏନ୧ ଯୋଗୁଁ ବାର୍ଡ ଫ୍ଲୁ ହୋଇଥାଏ ଏବଂ ଏହା ହେଉଛି ଇନଫ୍ଲୁଏଞ୍ଜା ଭାଇରସ । ଯେତେବେଳେ ଏହା ମନୁଷ୍ୟକୁ ସଂକ୍ରମିତ କରେ, ସେତେବେଳେ ଏହା ତାକୁ ମୃତ୍ୟୁମୁଖକୁ ମଧ୍ୟ ନେଇଯାଏ । ଯେତେବେଳେ ଜଣେ ବ୍ୟକ୍ତି ପକ୍ଷୀଙ୍କର ଅତି ନିକଟତର ହୁଏ ଓ ଦୁର୍ବଳ ପକ୍ଷୀଙ୍କ ସଂସ୍ପର୍ଶରେ ଆସେ, ସେତେବେଳେ ସେ ବାର୍ଡ ଫ୍ଲୁରେ ଆକ୍ରାନ୍ତ ହୁଏ ।