ଭୁବନେଶ୍ୱର: ଆମ ରାଜ୍ୟ ଓଡ଼ିଶାରେ ୨୦୧୦ ମସିହାରୁ ଶିକ୍ଷା ଅଧିକାର ଅଧିନିୟମ (ଆରଟିଇ) କାର୍ଯ୍ୟକାରୀ ହେଉଛି । ଶିକ୍ଷା ଅଧିକାର ୨୦୦୯ ଧାରା ୧୨.୧.ସି ଆଇନ ଅନୁସାରେ ପ୍ରତ୍ୟେକ ଓଡ଼ିଆ/ଇଂରାଜୀ ମାଧ୍ୟମ ବେସରକାରୀ ବିଦ୍ୟାଳୟଗୁଡ଼ିକରେ ସାମାଜିକ ଓ ଆର୍ôଥକ ଅନଗ୍ରସର ଶ୍ରେଣୀର ପିଲାମାନଙ୍କ ପାଇଁ ପ୍ରବେଶ ସ୍ତରରେ ୨୫% ସ୍ଥାନ ସଂରକ୍ଷିତ ରହିଛି ଓ ସେମାନଙ୍କୁ ନିଃଶୁଷ୍ଠ ଶିକ୍ଷାଦାନ ଦିଆଯାଉଛି । ଉକ୍ତ ବେସରକାରୀ ବିଦ୍ୟାଳୟମାନଙ୍କୁ ଏଥି ନିମନ୍ତେ ସରକାରଙ୍କ ତରଫରୁ ପ୍ରତିପୂରଣ ଖର୍ଚ୍ଚ ଯୋଗାଇ ଦିଆଯାଉଛି । ବିଗତ ବର୍ଷ ସୁଦ୍ଧା ପ୍ରାୟତଃ ୪୩ ହଜାର ପିଲା ନିଃଶୁଷ୍ଠ ପାଠ ପଢ଼ିବାର ସୁଯୋଗ ପାଇଛନ୍ତି ।
୨୦୨୨-୨୩ରେ ପ୍ରତ୍ୟେକ ପିଲାଙ୍କ ପାଇଁ ବାର୍ଷିକ ହାରରେ ସର୍ବାଧିକ ୨୨,୨୩୯ ଟଙ୍କା (ୟୁନିଫର୍ମ, ମଧ୍ୟାହ୍ନ ଭୋଜନ ଓ ପାଠ୍ୟପୁସ୍ତକ ବିନା) ଦିଆଯାଉଛି, ଯାହାକି ଭାରତର ସର୍ବାଧିକ ପଇସା ପଇଠ କରୁଥିବା ରାଜ୍ୟ ମଧ୍ୟରୁ ଅନ୍ୟତମ । ଅଦ୍ୟାବଧି (୨୦୧୪-୧୫ଠାରୁ ୨୦୨୨-୨୩ ପର୍ଯ୍ୟନ୍ତ) ଆରଟିଇ ୧୨.୧.ସିରେ ପ୍ରାୟତଃ ୨୪,୨୯,୪୫,୨୦୪ ଟଙ୍କା ବେସରକାରୀ ବିଦ୍ୟାଳୟମାନଙ୍କୁ ପ୍ରଦାନ କରାଯାଇଛି । ଚଳିତ ବର୍ଷ ଆରଟିଇ ପାରଦର୍ଶୀ ପୋର୍ଟାଲ ମାଧ୍ୟମରେ ଏ ଯାବତ୍ ୩୪ ହଜାର ୪୪୬ଟି ସଂରକ୍ଷିତ ସ୍ଥାନ ପାଇଁ ୨୮୦୫ ବେସରକାରୀ ବିଦ୍ୟାଳୟ ପଞ୍ଜିକରଣ କରିଛନ୍ତି । ବର୍ତ୍ତମାନ ସୁଦ୍ଧା ୭୨୫୨ ପିଲା ଉକ୍ତ ପୋର୍ଟାଲ ମାଧ୍ୟମରେ ଆବେଦନ କରିଛନ୍ତି । ବ୍ଲକ୍ ଶିକ୍ଷା ଅଧିକାରୀ, ଜିଲ୍ଲା ଶିକ୍ଷା ଅଧିକାରୀମାନଙ୍କ ଦ୍ୱାରା ସ୍କୁଲ ଭେରିଫିକେସନ୍ ଓ ଛାତ୍ର ଆବେଦନ ପ୍ରକ୍ରିୟା ଜାରି ରହିଛି ।
