ଭୁବନେଶ୍ୱରରୁ ଆଜି ୪୮ କରୋନା ଆକ୍ରାନ୍ତ ଚିହ୍ନଟ

ଭୁବନେଶ୍ୱର: ଆଜି ପୁଣି ରାଜଧାନୀ ଭୁବନେଶ୍ୱରରୁ ନୂଆ ୪୮ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ଲୋକାଲ କେସ ୩୭ଟି ରହିଥିବା ବେଳେ ୧୧ଟି କ୍ୱାରେଣ୍ଟାଇନ କେସ ରହିଛି । ସେହିପରି ଆଜି ରାଜଧାନୀରୁ ୬୪ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏହାକୁ ମିଶାଇ ବର୍ତ୍ତମାନ ରାଜଧାନୀରୁ ୨୯୩୫୮ ଜଣ ସୁସ୍ଥ ହୋଇଥିବା ବେଳେ ୧୯୮ ଜଣଙ୍କ ମୃତ୍ୟୁ ହୋଇଛି ଏବଂ ୬୫୦ଟି ଆକ୍ଟିଭ କେସ ଏବେ ବି ରହିଛି । ଏ ନେଇ ଆଜି ଭୁବନେଶ୍ୱର ମହାନଗର ନିଗମ ପକ୍ଷରୁ ଟୁଇଟ ଯୋଗେଁ ସୂଚନା ପ୍ରଦାନ କରାଯାଇଛି ।