You are here
Home > କ୍ରାଇମ୍‍ > ଆଖି ବୁଜିବା ଆଗରୁ ଯୌତୁକ ନିର୍ଜାତନାର  ଯମାନବନ୍ଦୀ ରଖିଲେ ନବବଧୁ ଚନ୍ଦ୍ରକାନ୍ତି,ଜାଣନ୍ତୁ କେମିତି ମାରିଲେ ଶାଶୁଘର ଲୋକେ ?

ଆଖି ବୁଜିବା ଆଗରୁ ଯୌତୁକ ନିର୍ଜାତନାର  ଯମାନବନ୍ଦୀ ରଖିଲେ ନବବଧୁ ଚନ୍ଦ୍ରକାନ୍ତି,ଜାଣନ୍ତୁ କେମିତି ମାରିଲେ ଶାଶୁଘର ଲୋକେ ?

ଖୋର୍ଦ୍ଧା  : ଯୌତୁକ ଜୁଇରେ ପୁଣି ଜଣେ ବୋହୂ । କିରୋସିନ୍ ଢାଳି ବୋହୂକୁ ମାରିଦେଲେ ଶାଶୁ, ଶ୍ବଶୁର ଓ ସ୍ବାମୀ । ୩ଦିନ ଡାକ୍ତରଖାନାରେ ମୃତ୍ୟୁ ସହ ସଂଗ୍ରାମ କରିବା ପରେ ହାରିଗଲେ । ଆଜି ସବୁ ଦିନ ପାଇଁ ଆଖି ବୁଜିଦେଲେ ବୋହୂ ଚନ୍ଦ୍ରକାନ୍ତି ବାରିକ । ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଡିଙ୍ଗର ଗାଁରେ ବୋହୂ ଚନ୍ଦ୍ରକାନ୍ତିକୁ କିରୋସିନ୍ ଢାଳି ନିଆଁ ଲଗାଇ ଦେଇଛନ୍ତି ଶାଶୁଘର ଲୋକ । ୧୦ ବର୍ଷ ତଳେ ନୟାଗଡ ଜିଲ୍ଲା ଫତେପୁର ଥାନା ପାର୍ବତୀପୁର ଗାଁର ଚନ୍ଦ୍ରକାନ୍ତି ବେଗୁନିଆ ଥାନା ଡିଙ୍ଗର ଗାଁର ରବୀନ୍ଦ୍ର ବାରିକଙ୍କୁ ବୈଦିକ ରୀତିରେ ବାହା ହୋଇଥିଲେ । ତାଙ୍କର ଗୋଟିଏ ପୁଅ ଓ ଝିଅ ଅଛନ୍ତି । ତେବେ ଉଭୟ ସ୍ବାମୀ ସ୍ତ୍ରୀଙ୍କ ମଧ୍ୟରେ ସବୁବେଳେ କଳି ଝଗଡା ଲାଗି ରୁହେ । ତେବେ ୧୦ ତାରିଖ ରାତିରେ ସ୍ବାମୀ ଓ ଶାଶୁ ବୋହୂକୁ ଧରିଲେ ଆଉ ଶ୍ବଶୁର କିରୋସିନ୍ ଢାଳି ପୋଡିଦେଲେ ।ଆଖି ବୁଜିବା ଆଗରୁ  ଏମିତି ଜମାନ ବନ୍ଦୀ ରଖିଛନ୍ତି ଛନ୍ଦ୍ରକାନ୍ତି । ଗୁରୁତର ଅବସ୍ଥାରେ ଚନ୍ଦ୍ରକାନ୍ତିଙ୍କୁ ପରିବାରଲୋକ୍ ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ଚିକିତ୍ସାଧୀନ ଅବସ୍ଥାରେ ଆଜି ସେ ଆଖି ବୁଜିଛନ୍ତି । ଶାଶୁ ଘର ଲୋକଙ୍କ ବିରୋଧରେ ଚନ୍ଦ୍ରକାନ୍ତିଙ୍କ ପରିବାର ଲୋକେ ବେଗୁନିଆ ଥାନାରେ ଏତଲା ଦେଇଛନ୍ତି । ତେବେ ସ୍ବାମୀ, ଶାଶୁ ଓ ଶ୍ବଶୁର ଫେରାର ହୋଇଯାଇଛନ୍ତି । ପୋଲିସ ଘଟଣାର ତଦନ୍ତ କରୁଛି ।

ONA

Leave a Reply

Top