ରାୟପୁର: ନ୍ୟୁଜିଲାଣ୍ଡର ଛୋଟ ଟାର୍ଗେଟକୁ ଖୁବ ସହଜରେ ହାସଲ କରି ନେଇଛି ଟିମ ଇଣ୍ଡିଆ । ଅଧିନାୟକ ରୋହିତ ଶର୍ମାଙ୍କ ଅର୍ଦ୍ଧଶତକୀୟ ପାଳି ବଳରେ ଭାରତ ଏହି ମ୍ୟାଚ ସହ ସିରିଜ ଉପରେ ମଧ୍ୟ କବଜା କରିଛି । ଇନିଂସର ୨୧ତମ ଓଭରରେ ଭାରତ ଏହି ଲକ୍ଷ୍ୟ ହାସଲ କରିଛି । ଦ୍ୱିତୀୟ ଦିନିକିଆ ମ୍ୟାଚରେ ୮ ୱିକେଟରେ ବିଜୟୀ ହୋଇଛି ରୋହିତ ସେନା ।
ପ୍ରଥମେ ବ୍ୟାଟିଂ କରି ଭାରତକୁ ୧୦୯ ରନର ବିଜୟ ଲକ୍ଷ୍ୟ ଦେଇଥିଲା କିୱି ଦଳ । ଏହି ଲକ୍ଷ୍ୟକୁ ମାତ୍ର ୨୦ ଓଭରରେ ଭାରତ ହାସଲ କରି ନେଇଛି । ଅଧିନାୟକ ରୋହିତ ଶର୍ମାଙ୍କ ଅର୍ଦ୍ଧଶତକ ସହିତ ଶୁଭମନ ଗିଲଙ୍କ ୪୦ ରନର ପାଳି ଭାରତକୁ ଏହି ବିଜୟ ଭେଟି ଦେଇଛି । ତେବେ ଏହି ମ୍ୟାଚରେ ବିଜୟ ସହ ଭାରତ ଦିନିକିଆ ସିରିଜ ଉପରେ ମଧ୍ୟ କବଜା କରିଛି । ୨ ୱିକେଟ ବିନିମୟରେ ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ମ୍ୟାଚ ଅକ୍ତିଆର କରିଛି ମେନ ଇନ ବ୍ଲୁ ।
.@ShubmanGill finishes things off in style! #TeamIndia complete a comprehensive 8️⃣-wicket victory in Raipur and clinch the #INDvNZ ODI series 2️⃣-0️⃣ with more game to go 🙌🏻
Scorecard ▶️ https://t.co/tdhWDoSwrZ @mastercardindia pic.twitter.com/QXY20LWlyw
— BCCI (@BCCI) January 21, 2023
ତେବେ ଭାରତ ପକ୍ଷରୁ ପାଳି ଆରମ୍ଭ କରିବାକୁ ମଇଦାନକୁ ଆସିଥିଲେ ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା ଏବଂ ଯୁବ ଓପନର ଶୁଭମନ ଗିଲ । ୭୨ ରନର ଏକ ପାର୍ଟନରସିପ ପରେ ସିପଲେଙ୍କ ବଲରେ ଲେଗ ବିଫୋର ହୋଇ ପାଭିଲିୟନ ଫେରିଥିଲେ ରୋହିତ । ୫୦ ବଲରୁ ୭ଟି ଚୌକା ଏବଂ ୨ଟି ଛକା ସହ ୫୧ ରନ ସଂଗ୍ରହ କରିଛନ୍ତି ହିଟମ୍ୟାନ । ପରେ ବିରାଟ ଏବଂ ଶୁଭମନ ଏହି ପାଳିକୁ ଆଗକୁ ବଢାଇଥିଲେ । କିନ୍ତୁ ମାତ୍ର ୧୧ ରନ କରି କୋହଲି ସାଣ୍ଟନରଙ୍କ ଶିକାର ପାଲଟି ଯାଇଥିଲେ । ତେବେ ଶେଷ ପର୍ଯ୍ୟନ୍ତ ରହି ୫୩ ବଲରୁ ୬ଟି ଚୌକା ସହ ୪୦ ରନ କରିଛନ୍ତି ଶୁଭମନ ଗିଲ । ନ୍ୟୁଜିଲାଣ୍ଡ ପକ୍ଷରୁ ସିପଲେ ଏବଂ ମିଚେଲ ସାଣ୍ଟନର ଗୋଟିଏ ଲେଖାଏଁ ୱିକେଟ ହାସଲ କରିଛନ୍ତି ।
