ନୂଆଦିଲ୍ଲୀ : ଜାପାନ ପ୍ରଧାନମନ୍ତ୍ରୀ ୟୋସିହିଡେ ସୁଗା ଶୁକ୍ରବାର ଏକ ଗୁରୁତ୍ୱପୂର୍ଣ ଘୋଷଣା କରିଛନ୍ତି । ସେ ଜାପାନର ଶାସକ ଦଳ ଲିବରାଲ୍ ଡେମୋକ୍ରାଟିକ୍ ପାର୍ଟିର ନେତୃତ୍ୱ ପାଇଁ ନିର୍ବାଚନ ଲଢିବେ ନାହିଁ । କରୋନା ମହାମାରୀକୁ ନିୟନ୍ତ୍ରଣ କରୁଥିବା ସମାଲୋଚନା ମଧ୍ୟରେ ଏହି ଘୋଷଣା କରାଯାଇଛି। ସେପ୍ଟେମ୍ବର ୨୯ ରେ ଧାର୍ଯ୍ୟ ହୋଇଥିବା ଦଳର ନେତୃତ୍ୱ ପ୍ରତିଯୋଗିତାରେ ସେ ନିର୍ବାଚନ ଲଢିବେ ନାହିଁ ବୋଲି କରିଛନ୍ତି। ଦଳ ନିର୍ବାଚନରେ ତାଙ୍କ ଉତ୍ତରାଧିକାରୀ ଚୟନ ନହେବା ପର୍ଯ୍ୟନ୍ତ ସୁଗା ରହିବେ ବୋଲି ଆଶା କରାଯାଉଛି।
ରିପୋର୍ଟ ଅନୁଯାୟୀ, ଚଳିତ ବର୍ଷ ସାଧାରଣ ନିର୍ବାଚନ ପୂର୍ବରୁ ଦେଶରେ କରୋନା ସଂକ୍ରମଣ ସବୁଠାରୁ ଭୟଙ୍କର ଲହରୀ ସହିତ ସଂଘର୍ଷ କରୁଥିବା ବେଳେ ପ୍ରଧାନମନ୍ତ୍ରୀଙ୍କ ସମର୍ଥନ ମୂଲ୍ୟାୟନ ୩୦ ପ୍ରତିଶତରୁ କମ୍ ହୋଇଯାଇଛି। ସେପ୍ଟେମ୍ବରରେ ସୁଗା ଲିବରାଲ୍ ଡେମୋକ୍ରାଟିକ୍ ପାର୍ଟି (ଏଲଡିପି) ନିର୍ବାଚନ ନଲଢିବାକୁ ନିଷ୍ପତି ନେଇଥିବା ବେଳେ ଦଳକୁ ଏକ ନୂଆ ନେତା ଚୟନ କରିବାକୁ ପଡ଼ିବ, ଯିଏ ପ୍ରଧାନମନ୍ତ୍ରୀ ପଦରେ ଅବସ୍ଥାପିତ ହେବେ।