ଗିରଫ ଉପରେ ଲାଗିଲା ରୋକ୍‌

ନୂଆଦିଲ୍ଲୀ: ଦିଲ୍ଲୀରେ ୨୬ ଜାନୁଆରୀରେ ଟ୍ରାକ୍ଟର ରାଲି ସମୟରେ ଜଣେ ଆନ୍ଦୋଳନକାରୀଙ୍କ ମୃତ୍ୟୁ ଖବର ନେଇ ମିଥ୍ୟା ତଥ୍ୟ ପ୍ରକାଶ କରିବା ଉପରେ ରୁଜୁ ହୋଇଥିବା ମାମଲା ବିରୋଧରେ କଂଗ୍ରେସ ନେତା ଓ ସାସଂଦ ଡାକ୍ତର ଶଶି ଥରୂର, ସାମ୍ବାଦିକ ରାଜଦୀପ ସରଦେଶାଇ ଓ ଅନ୍ୟ ଆବେଦନ ଉପରେ ସୁପ୍ରିମକୋର୍ଟ ଆଜି ଶୁଣାଣି କରିଛନ୍ତି । ସମସ୍ତଙ୍କୁ ଆଶ୍ୱସ୍ତି ସ୍ୱରୂପ ସେମାନଙ୍କ ଗିରଫ ଉପରେ କୋର୍ଟ ରୋକ୍ ଲଗାଇଛନ୍ତି । ଅଦାଲତ ଏଥିନେଇ ନୋଟିସ ଜାରି କରିଛନ୍ତି । ଦୁଇ ସପ୍ତାହ ପରେ ଏହି ମାମଲାରେ କୋର୍ଟ ଶୁଣାଣି କରିବେ । ତେବେ ତୁଷାର ମେହେତା ଏହାର ବିରଧ କରିଥିଲେ ଏବଂ କହିଥିଲେ ଯେ ସେହି ଟ୍ୱିଟ ର ଗଭୀର ପ୍ରଭାବ ପଡିଛି ।