ସାବଧାନ! ହାତରେ ହ୍ୟାଣ୍ଡ ସାନିଟାଇଜର ଲଗାଇବା ପରେ ଏହି କାମ କରିବା ମନା

corona sanitizer

ଭୁବନେଶ୍ୱର : କରୋନା ଭୂତାଣୁ ସମଗ୍ର ବିଶ୍ୱକୁ ପ୍ରଭାବିତ କରିସାରିଲେଣି | ସଂକ୍ରମଣକୁ ଏଡ଼ାଇବା ପାଇଁ ସରକାର ସମସ୍ତଙ୍କୁ ସେମାନଙ୍କର ପ୍ରତିରକ୍ଷା ପ୍ରଣାଳୀକୁ ମଜବୁତ କରିବାକୁ ଏବଂ ସାମାଜିକ ଦୂରତା ଗ୍ରହଣ କରିବାକୁ ଉତ୍ସାହିତ କରୁଛନ୍ତି | ଏହା ସହିତ ବ୍ୟକ୍ତିଗତ ସ୍ୱଚ୍ଛତାର ଯତ୍ନ ନେବା ପାଇଁ ବାରମ୍ବାର ସାବୁନ ଏବଂ ସାନିଟାଇଜର ସହିତ ହାତ ଧୋଇବାକୁ ମଧ୍ୟ କୁହାଯାଉଛି | ହ୍ୟାଣ୍ଡ ସାନିଟାଇଜରର ବ୍ୟବହାର ଚର୍ମରେ ଥିବା ଭୂତାଣୁକୁ ଦୂର କରିଥାଏ | କିନ୍ତୁ ଅନେକ ସ୍ଥାନ କିମ୍ବା ପରିସ୍ଥିତିରେ, ଆପଣ ହ୍ୟାଣ୍ଡ ସାନିଟାଇଜର ବ୍ୟବହାର କରିବା ଠାରୁ ଦୂରେଇ ରହିବା ଉଚିତ୍ | ଅନ୍ୟଥା, ସ୍ୱାସ୍ଥ୍ୟ ଉପରେ ଏହା ଖରାପ ପ୍ରଭାବ ପଡ଼ିବାର ଆଶଙ୍କା ବଢିଥାଏ | ତେବେ ହ୍ୟାଣ୍ଡ ସାନିଟାଇଜର ବ୍ୟବହାର କରିବା ପରେ କେଉଁ କାମ କରିବା ଉଚିତ ନୁହେଁ, ତାହା ଆମେ ଆଜି ଆପଣାକୁ ଜଣାଇବୁ |

୧. ଅନେକ ଲୋକ ଖାଦ୍ୟ ଖାଇବା ପୂର୍ବରୁ ସାନିଟାଇଜର ବ୍ୟବହାର କରନ୍ତି | ଏଥିରେ ଆଲକହଲର ମାତ୍ର ଅତ୍ୟଧିକ ପରିମାଣର ଥିବାରୁ ଏହା ଭୂତାଣୁକୁ ମାରିଥାଏ ସତ, କିନ୍ତୁ ହାତ ସାନିଟାଇଜ କରି ଖାଦ୍ୟ ଖାଇବା ଦ୍ୱାରା ଏଥିରେ ଥିବା ଆଲକହଲ ଏବଂ ରାସାୟନିକ ପଦାର୍ଥ ହାତରୁ ପେଟକୁ ଚାଲିଯାଏ, ଯାହା ପେଟରେ ସମସ୍ୟା ସୃଷ୍ଟି କରିପାରେ |

୨.ଆମେ ଦିନସାରା ଅନେକ ଜିନିଷ ସ୍ପର୍ଶ କରୁ | ଏପରି ପରିସ୍ଥିତିରେ, ସେହି ହାତକୁ ମୁହଁରେ ବା ଶରୀରର ଅନ୍ୟ ଅଙ୍ଗକୁ ସ୍ପର୍ଶ କରିବା ବିପଦରୁ କମ୍ ନୁହେଁ | ବିଶେଷଜ୍ଞଙ୍କ ମତରେ ଭୂତାଣୁଠାରୁ ଦୁରେଇ ରହିବା ପାଇଁ ଆମକୁ ହ୍ୟାଣ୍ଡ ସାନିଟାଇଜର ବ୍ୟବହାର କରିବାକୁ କୁହାଯାଉଥିଲେ ମଧ୍ୟ ସାନିଟାଇଜର ଲଗାଇବା ପରେ ମୁହଁ ବା ଶରୀରର ଅନ୍ୟ କୌଣସି ସ୍ଥାନକୁ ସ୍ପର୍ଶ କରିବା ଉଚିତ ନୁହେଁ | ସାନିଟାଇଜର ଆମକୁ ଭାଇରସରୁ ରକ୍ଷା କରୁଥିଲେ ମଧ୍ୟ ଏଥିରେ ଥିବା ରାସାୟନିକ ପଦାର୍ଥ ଚର୍ମ ସଂସ୍ପର୍ଶରେ ଆସି ଚର୍ମକୁ କ୍ଷତି ପହଞ୍ଚାଇପାରେ, ଯାହାଦ୍ୱାରା ଆପଣଙ୍କ ଶରୀରରେ ଚର୍ମ ଆଲର୍ଜି, ଲାଲ ଦାଗ ଏବଂ ଚର୍ମ କୁଣ୍ଡାଇ ହେବ ଭଳି ସମସ୍ୟା ଦେଖାଦେଇପାରେ |

୩. ଯଦି ଆପଣଙ୍କର ମଧ୍ୟ ମାସ୍କ ସାନିଟାଇଜ୍ କରିବାର ଅଭ୍ୟାସ ଅଛି, ଶୀଘ୍ର ଏହାକୁ ପରିବର୍ତ୍ତନ କରନ୍ତୁ | ବାସ୍ତବରେ ଏହାର ଶକ୍ତିଶାଳୀ ଗନ୍ଧ ମୁଣ୍ଡବିନ୍ଧା, ବାନ୍ତି ଇତ୍ୟାଦି ସମସ୍ୟା ସୃଷ୍ଟି କରିପାରେ | ଏହା ବ୍ୟତୀତ ରାସାୟନିକ ପଦାର୍ଥ ଏବଂ ଆଲକହଲ ଭିତ୍ତିକ ସାନିଟାଇଜର ବ୍ୟବହାର ଦ୍ୱାରା ଏହା ପାଟି ଭିତରକୁ ଯିବାର ସମ୍ଭାବନା ରହିଥାଏ, ଯାହା ଶରୀରକୁ କ୍ଷତି ପହଞ୍ଚାଇଥାଏ |

୪. ଯେଉଁଠାରେ ହାତ ଧୋଇବାର ସୁବିଧା ନାହିଁ ସେଠାରେ ଲୋକଙ୍କୁ ସାନିଟାଇଜର ବ୍ୟବହାର କରିବା ପାଇଁ କୁହାଯାଇଛି | କିନ୍ତୁ ଯେତେ ସମ୍ଭବ ସାନିଟାଇଜର ବଦଳରେ ଅଧିକରୁ ଅଧିକ ପାଣି ଏବଂ ସାବୁନ ବ୍ୟବହାର କରିବାର ଅଭ୍ୟାସ କରନ୍ତୁ | ଏହା କୋମଳତା ସହିତ ହାତ ସଫା କରି ଚର୍ମରେ ଥିବା ଭୂତାଣୁକୁ ମରିଥାଏ | ଅନେକ ଲୋକ ବିଶେଷ ଭାବରେ ନିଜ ଦୋକାନ କିମ୍ବା ଅଫିସରେ ସାବୁନ ସହିତ ହାତ ଧୋଇବା ପରିବର୍ତ୍ତେ ସାନିଟାଇଜର ବ୍ୟବହାର କରୁଛନ୍ତି | କିନ୍ତୁ ଏହା ଚର୍ମ ସମ୍ବନ୍ଧୀୟ ସମସ୍ୟା ସୃଷ୍ଟି କରିପାରେ | ଏହା ସ୍ୱାସ୍ଥ୍ୟ ଉପରେ କ୍ଷତି ପହଞ୍ଚାଇବା ପାଇଁ ମଧ୍ୟ କାମ କରିଥାଏ | ଏପରି ପରିସ୍ଥିତିରେ, ଯଦି ଆପଣଙ୍କର ପ୍ରତ୍ୟେକ ଥର ସାନିଟାଇଜର ବ୍ୟବହାର କରିବାର ଅଭ୍ୟାସ ଅଛି, ତେବେ ତୁରନ୍ତ ଏହାକୁ ବନ୍ଦ କରନ୍ତୁ | ଏହା ବଦଳରେ ପାଣି ଏବଂ ସାବୁନ ବ୍ୟବହାର କରନ୍ତୁ |

LEAVE A REPLY

Please enter your comment!
Please enter your name here