କୋଲକାତା : ପଶ୍ଚିମବଙ୍ଗର ଉତ୍ତର ଦିନାଜପୁର ଜିଲ୍ଲାର କଲିୟାଗଞ୍ଜରେ ଦୁଷ୍କର୍ମ ପରେ ଜଣେ ନାବାଳିକାକୁ ହତ୍ୟା କରାଯାଇଛି । ଏହାପରେ ଲୋଗାମ୍ବାର ସ୍ଥାନୀୟ ପ୍ରଶାସନ ପ୍ରତି ଲୋକଙ୍କର ଅସନ୍ତୋଷ ପ୍ରକାଶ ପାଇଛି । ସେମାନେ ଧାରଣା ଦେବା ଆରମ୍ଭ କରିଦେଇଥିଲେ । ଏହି ବିକ୍ଷୋଭ ପ୍ରଦର୍ଶନ ବେଳେ ପୋଲିସ ଏଭଳି କିଛି କରିଥିଲା, ଯାହାକୁ ନେଇ ବିଜେପି ନେତା ଅମିତ ମାଲବୀୟ ଟ୍ୱିଟ୍ କରି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି । ସେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ଛାତ୍ରୀଙ୍କ ପ୍ରତି ହୋଇଥିବା ଅପରାଧକୁ ନେଇ ବିରୋଧ କରୁଥିବା ପ୍ରଦର୍ଶନକାରୀଙ୍କ ଉପରେ ପୋଲିସ ଲାଠିଚାର୍ଜ କରୁଛି । କିନ୍ତୁ ଛାତ୍ରୀଙ୍କ ମୃତଦେହକୁ ରାସ୍ତାରେ ଘୋସାରି ଘୋସାରି ନେଇଯାଉଥିବାର ଦେଖିବାକୁ ମିଳିଥିଲା । ଏହି ଭିଡିଓକୁ ଟ୍ୱିଟ୍ କରି ଅମିତ ମାଲବୀୟ କହିଛନ୍ତି, ଏହି ଭିଡିଓ ପଶ୍ଚିମବଙ୍ଗ ପୋଲିସ ସମ୍ବେଦନହୀନତାକୁ ଦର୍ଶାଉଛି । ଉତ୍ତର ଦିନାଜପୁରର କାଲିୟାଗଞ୍ଜରେ ରାଜବଂଶୀ ସମୁଦାୟର ଏକ ନାବାଳିକଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଛି । ଏହାପରେ ରାସ୍ତା ଉପରେ ପୀଡିତାଙ୍କ ମୃତଦେହକୁ ପୋଲିସ ଘୋସାରି ଘୋସାରି ନେଉଛି । ସେ କହିଛନ୍ତି ଏଭଳି ତରବର କରି ସେମାନେ ନିଜର ଅପରାଧ ଉପରେ ପରଦା ପକାଇବାକୁ ଚାହୁଁଛନ୍ତି ।
In this video, the body West Bengal Police is insensitively dragging is that of a minor rape and murder victim from the Rajbongshi community in Uttar Dinajpur’s Kaliaganj. Such haste is often seen when the purpose is to eliminate or dilute evidence and cover up the crime… pic.twitter.com/zgz2Rxlik1
— Amit Malviya (@amitmalviya) April 22, 2023
ଏହି ଘଟଣାକୁ ନେଇ ସ୍ଥାନୀୟ ପ୍ରଶାସନ କହିଛି, କିଶୋରୀ ଜଣକ ଗୁରୁବାର ସନ୍ଧ୍ୟାରୁ ନିଖୋଜ ଥିଲେ । ପରେ ସ୍ଥାନୀୟ ଲୋକ ତାଙ୍କ ମୃତଦେହ ଏକ ନାଳରେ ଭାସୁଥିବାର ଦେଖିବାକୁ ପାଇଥିଲେ । ଝିଅଟି ଗୁରୁବାର ସନ୍ଧ୍ୟାରେ ଟ୍ୟୁସନ୍ ପଢିବାକୁ ନିଜ ଘରୁ ବାହାରିଥିଲେ । ତାଙ୍କ ପରିବାର ସଦସ୍ୟ ଓ ସ୍ଥାନୀୟ ଲୋକ ରାତିସାରା ଖୁବ୍ ଖୋଜାଖୋଜି ପରେ ତାଙ୍କ ପତ୍ତା ପାଇନଥିଲେ । ଅପରାଧୀଙ୍କ ତୁରନ୍ତ ଗିରଫ ଦାବି କରି ସ୍ଥାନୀୟ ଲୋକ ରାସ୍ତା ଉପରେ ଶବ ରଖି ବିରୋଧ ପ୍ରଦର୍ଶନ ଆରମ୍ଭ କରିଛନ୍ତି । ସ୍ଥାନୀୟ ଲୋକଙ୍କ ପୋଲିସ ସହିତ ବିବାଦ ସେତେବେଳେ ଆରମ୍ଭ ହୋଇଥିଲା ଯେତେବେଳେ ନାବାଳିକାଙ୍କ ମୃତଦେହକୁ ନିଜ କବଜାରେ ନେବାକୁ ପହଞ୍ଚିଥିଲେ । ଏହାକୁ ନେଇ ସ୍ଥାନୀୟ ଲୋକେ ରାସ୍ତା ଉପରେ ଯାତାୟତ ପ୍ରଭାବିତ କରିଥିଲେ । ଟାୟାର ଜାଳି ପୋଲିସ ଉପରକୁ ଟେକା ପଥର ମାଡ କରିଥିଲେ । ସ୍ଥିତି ମୁକାବିଲା କରିବାକୁ ଯାଇ ପୋଲିସ ଲାଠିଚାର୍ଜ କରିବା ସହିତ ଲୁହବୁହା ଗ୍ୟାସ ପ୍ରୟୋଗ କରିଥିଲା । ଏହି ମାମଲାର ତଦନ୍ତ ପୋଲିସ ଜାରି ରଖିଥିବା ବେଳେ ୨ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି ।
