କୋରାପୁଟ : ଜଳାପୁଟ ଅଂଚଳରୁ ଆନ୍ଧ୍ରପ୍ରଦେଶର ଗୁଣ୍ଟୁର ଅଞ୍ଚଳକୁ ଏକ ଅଭିନଵ ଉପାୟରେ ପଣସ ବୋଝେଇ ଟ୍ରକରେ ଗଞ୍ଜେଇ ଭର୍ତି କରି ଚରାଚାଲାଣ ବେଳେ ମାଛକୁଣ୍ଡ ପୋଲିସ ହାତରେ ଧରା ପଡିଛି ବିପୁଳ ପରିମାଣରେ ଗଞ୍ଜେଇ । କୋରାପୁଟ ଏସ୍ପି କୌଣସି ଏକ ସୂତ୍ରରୁ ଜଳାପୁଟ ଅଞ୍ଚଳ ଜବାଗଡ଼ ଠାରୁ ଗଞ୍ଜେଇ ଚାଲାଣ ହେଉଥିବା ନେଇ ଖବର ପାଇଥିଲେ । ଏସ୍ପିଙ୍କ ନିର୍ଦ୍ଦେଶ ଏବଂ ନନ୍ଦପୁର ଏସ୍ଡିପିଓଙ୍କ ନେତୃତ୍ୱରେ ମାଛକୁଣ୍ଡ, ଲମତାପୁଟ ଓ ଜଳାପୁଟ ପୁଲିସ ଏକ ୩ଜଣିଆ ଟିମ ଗଠନ କରି ଟିକାପୁଟ ଛକ ନିକଟରେ ଗାଡିଗୁଡିକୁ ଯାଞ୍ଚ କରିଥିଲେ । ଠିକ ସେହି ସମୟରେ ଜବାଗଡ଼ ଅଞ୍ଚଳରୁ ଗଞ୍ଜେଇ ବଝେଇ ଏକ ଦ୍ରୁତ ଗତିରେ ଆସୁଥିବା ନେଇ ପୁଲିସ ଟ୍ରକ କୁ ଅଟକାଇ ଥିଲେ ।
ପରେ ପୁଲିସ ଅଟକ ଗାଡିକୁ ଯାଞ୍ଚ କରିଥିଲେ ଏବଂ ପଣସ ବଝେଇ ଟ୍ରକରେ ବିପୁଳ ପରିମାଣରେ ଗଞ୍ଜେଇ ଚାଲାଣ ହେଉଥିବା ଜାଣିବାକୁ ପାଇଥିଲେ । ପରେ ପୁଲିସ ମାଛକୁଣ୍ଡ ଗଞ୍ଜେଇ ଚାଲାଣରେ ବ୍ୟଭହୃତ ହୋଇଥିବା ଟ୍ରକକୁ ଜବତ କରିବା ସହ ଆନ୍ଧ୍ରପ୍ରଦେଶ ଗୁଣ୍ଟୁର ଅଂଚଳର ୩ଜଣକୁ ପୁଲିସ ଗିରଫ କରିଥିଲେ । ଜବତ ଟ୍ରକରୁ ୧ ହଜାର ୮କେଜି ଗଞ୍ଜେଇ ମଧ୍ୟ ମାଛକୁଣ୍ଡ ପୁଲିସ ଜବତ କରିଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୧କୋଟି ଟଙ୍କା ହେବ ବୋଲି ନନ୍ଦପୁର ଏସ୍ଡିପିଓ ସଞ୍ଜୟ ମହାପାତ୍ର ପ୍ରକାଶ କରିଛନ୍ତି । ତା ସହ ଏହି ମାମଲାରେ ମାଛକୁଣ୍ଡ ପୁଲିସ ଆନ୍ଧ୍ରପ୍ରଦେଶର ଗୁଣ୍ଟୁର ଅଂଚଳର ଭି. ସତ୍ୟା, ଜି. ଶ୍ରୀଧର ଓ ଜି. ଶ୍ରୀମାନ ନାରାୟଣଙ୍କୁ ମଧ୍ୟ ପୁଲିସ ଗିରଫ କରିଛି । ତା ସହିତ ୪ଟି ମୋବାଇଲ ଓ ୩୫୦୦ ଟଙ୍କା ମଧ୍ୟ ପୁଲିସ ଜବତ କରିଛି ।
ଜବାଗଡ ଅଂଚଳରୁ ଏକ ଅଭିନୟ ଉପାୟରେ ପଣସ ବଝେଇ ଟ୍ରକରେ ଗଂଜେଇ ଭର୍ତି କରି ସଗର,ପାଡୁଆ ରାସ୍ତା ଦେଇ ଆନ୍ଧ୍ରପ୍ରଦେଶ ର ଗୁଣ୍ଟୁର ଅଞ୍ଚଳକୁ ଗଂଜେଇ ଚାଲାଣ ହେଉଥିବା ନେଇ ନନ୍ଦପୁର ଏସ୍ଡିପିଓ ପ୍ରକାଶ କରିଥିବା ବେଳେ ମାଛକୁଣ୍ଡ ପୁଲିସ ପାଇଁ ଏହା ଏକ ବଡ ସଫଳତା ଏବଂ ଚାଲେଞ୍ଜ ମଧ୍ୟ ବୋଲି ନନ୍ଦପୁର ଏସ୍ଡିପିଓ କହିଛନ୍ତି ।
