ଭୁବନେଶ୍ୱର, : ଯଶ୍ୱସୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଜୀ ଓଡିଶାର ଅସ୍ମିତା ଏବଂ ରାଜ୍ୟର ଗୈାରବକୁ ସର୍ବଦା ଆଗକୁ ନେଇଛନ୍ତି । ଓଡିଶାର ବିକାଶ ବିଜେପିର ପ୍ରାଥମିକତା । ଓଡିଶାରେ ପଦ୍ମ ଫୁଟିବ ଓ ପ୍ରଧାନମନ୍ତ୍ରୀ ମୋଦିଜୀଙ୍କ ନେତୃତ୍ୱର ଡବଲ ଇଞ୍ଜିନ ସରକାର ଗଠନ ହେବ ବୋଲି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଜେ.ପି. ନଡ୍ଡା କହିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଆଗାମୀ ୨୫ବର୍ଷରେ ଭାରତବର୍ଷକୁ ଏକ ବିକଶିତ ଦେଶ ଗଢ଼ି ତୋଳିବାର ଆବଶ୍ୟକତା ରହିଛି । ଦାସତ୍ୱର ମାନସିକତାରୁ ମୁକ୍ତି ପାଇବାକୁ ହେବ; ଆମର ଐତିହ୍ୟ ଉପରେ ଗର୍ବ କରି ଆଗକୁ ବଢ଼ିବାକୁ ହେବ; ଏକତା ସହ ମିଳିମିଶି “ନୂତନ ଭାରତ” ଗଠନ କରିବାକୁ ହେବ ଏବଂ ଦେଶପ୍ରତି ନିଜର କର୍ତବ୍ୟ ସଠିକ ରୂପେ ପାଳନ କରିବାକୁ ପଡିବ ।
ବିଜେପିର ପ୍ରତ୍ୟେକ କର୍ମୀ ରାଷ୍ଟ୍ରହିତରେ ପ୍ରଧାନମନ୍ତ୍ରୀଙ୍କ ୫ଟି ସଂକଳ୍ପକୁ ପୂରଣ କରିବା ପାଇଁ ପ୍ରତିଶ୍ରୁତିବଦ୍ଧ । ଯଦି ରାଜପଥକୁ କର୍ତବ୍ୟପଥରେ ବଦଳାଇ ଦିଆଯାଇପାରେ, ରେସକୋର୍ସର ନାମ ବଦଳାଇ ଲୋକକଲ୍ୟାଣ ମାର୍ଗ କରାଯାଇପାରେ, ତାହାଲେ ଓଡିଶାରେ ମଧ୍ୟ ଜଣେ ସାଧାରଣ କାର୍ଯ୍ୟକର୍ତାଟିଏ ସ୍ୱୟଂ ସମର୍ପିତ ମନୋଭାବ ନେଇ ରାଜ୍ୟର ବିକାଶ ପାଇଁ କାର୍ଯ୍ୟ କରିପାରେ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜୀଙ୍କ ମାର୍ଗଦର୍ଶନରେ ପ୍ରଥମ ଥର ପାଇଁ ଓଡ଼ିଶାର ଝିଅ ଏବଂ ଆଦିବାସୀ ମହିଳା ସମ୍ମାନନୀୟା ଶ୍ରୀମତୀ ଦୌପଦୀ ମୁର୍ମୁ ଦେଶର ସର୍ବୋଚ୍ଚ ସାମ୍ବିଧାନିକ ପଦବୀରେ ଅଳଂକୃତ ହୋଇଛନ୍ତି । ଏହା ନିଶ୍ଚିତ ଭାବେ ଭାରତବର୍ଷ ପାଇଁ ଏକ ଐତିସହାସିକ ମୁହୂର୍ତ ଏବଂ ଦେଶର ପ୍ରାୟ ୮କୋଟି ଆଦିବାସୀ ଭାଇ-ଭଉଣୀଙ୍କ ପାଇଁ ସମ୍ମାନ ଅଟେ ।
ଗତ ୪୦ବର୍ଷ ଧରି ରାଜନୀତିରେ କାର୍ଯ୍ୟ କରୁଛି ଓ ଆଜି ମୁଁ ଗର୍ବିତ ଅନୁଭବ କରୁଛି ଯେ, ବିଶ୍ୱର ସବୁଠାରୁ ଲୋକପ୍ରିୟ ଜନନେତା ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଆମ ଦଳର ସଦସ୍ୟ ଅଟନ୍ତି । ଆଜି ଶ୍ରୀ ମୋଦିଜୀଙ୍କ ନେତୃତ୍ୱରେ ଦେଶ ପ୍ରତ୍ୟେକ କ୍ଷେତ୍ରରେ ଅଗ୍ରଗତି କରୁଛି ।
ପ୍ରତ୍ୟେକ ଗ୍ରାମ, ଗରିବ, କୃଷକ, ଦଳିତ, ଆଦିବାସୀ, ପଛୁଆ, ମହିଳା ଏବଂ ଯୁବକଙ୍କୁ ସଶକ୍ତ କରିବାକୁ ଭାରତୀୟ ଜନତା ପାର୍ଟୀ ଆସିଛି । ଅଳ୍ପ ସଂଖ୍ୟକ ଭାଇ ଓ ଭଉଣୀଙ୍କୁ ‘ସବକା ସାଥ, ସବକା ବିକାଶ, ସବକା ବିଶ୍ୱାସ, ସବକା ପ୍ରୟାସ’ର ଧାରାରେ ଯୋଡିବାକୁ ଆସିଛୁ ।
ଓଡ଼ିଶାରେ ୪୩ଲକ୍ଷ ଘରେ ନଳ ଯୋଗେ ଜଳ ପଂହଚିଛି । ସ୍ୱଚ୍ଛ ଭାରତ ଯୋଜନାରେ ୭୨ଲକ୍ଷ ପାଇଖାନା ନିର୍ମାଣ କରାଯାଇଛି । ଉଜ୍ୱଳା ଯୋଜନାରେ ୫୧ଲକ୍ଷ ମହିଳାଙ୍କୁ ଗ୍ୟାସ ଦିଆଯାଇଛି । କିସାନ ସମ୍ମାନ ନିଧି ଯୋଜନାରେ ରାଜ୍ୟର ପ୍ରାୟ ୪୦.୮୦ଲକ୍ଷ ଚାଷୀଙ୍କୁ ଆର୍ôଥକ ସହାୟତା ଦିଆଯାଉଛି ।
ବିଜେପି ଦେଶର ଏକମାତ୍ର ଦଳ ଯିଏ ବିଚାରଧାରା ଏବଂ କାର୍ଯ୍ୟକର୍ତାଙ୍କ ଅକ୍ଳାନ୍ତ ପରିଶ୍ରମର ବଳରେ ପରିଚାଳିତ ହୋଇଥାଏ । ବିଜେପି କେବେହେଲେ ବିଚାରଧାରା ସହିତ ବୁଝାମଣା କରିନାହିଁ ।
ଭାରତ ମାତାର ସୁପୁତ୍ର ଡ.ଶ୍ୟାମାପ୍ରସାଦ ମୁଖାର୍ଜୀ ୧୯୯୩ ମସିହାରେ ଜମ୍ମୁ-କାଶ୍ମୀରରୁ ଧାରା ୩୭୦ ଉଠାଇବା ପାଇଁ ନିଜର ସର୍ବୋଚ୍ଚ ବଳିଦାନ ଦେଇଥିଲେ । ଏହି ବଳିଦାନକୁ ଅଗଷ୍ଟ ୫, ୨୦୧୯ମସିହାରେ ଯଶ୍ୱସୀ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ୩୭୦ଧାରାକୁ ଧରାଶାୟୀ କରାଯାଇଛି ।
ପ୍ରକୃତ ପକ୍ଷେ ଆଜି ବିଜେପି ସମଗ୍ର ଦେଶରେ ଏକମାତ୍ର ଜାତୀୟ ଦଳ ହୋଇ ରହିଛିି । ଏବେ କଂଗ୍ରେସ ଦଳ ‘ଭାଇ-ଭଉଣୀ’ ପାର୍ଟିରେ ପରିଣତ ହୋଇଛି । କଂଗ୍ରେସ ଆଉ ଜାତୀୟ କି ଭାରତୀୟ ରାଜନୈତିକ ଦଳ ହୋଇ ରହି ନାହିଁ ।
ଦେଶ ବିଭାଜନକାରୀ ଓ ଆତଙ୍କବାଦୀକୁ ସମର୍ଥନ କରୁଥିବା ଟୁକୁଡେ ଟୁକୁଡେ ଗ୍ୟାଙ୍ଗର ସଦସ୍ୟଙ୍କୁ ରାହୁଲ ଗାନ୍ଧୀ ସମର୍ଥନ କରୁଛନ୍ତି ଏବଂ ଯାହା ଦେଶ ପାଇଁ ଅତ୍ୟନ୍ତ ଦୁର୍ଭାଗ୍ୟଜନକ । କଂଗ୍ରେସ ଦଳର କୈାଣସି ବିଚାରଧାରା ନାହିଁ ।
ପରିବାରବାଦୀ ପାର୍ଟୀ ସହିତ ବିଜେପି ଆଜି ମୁକାବିଲା କରୁଛି । ଉତରରୁ ଦକ୍ଷିଣ ଓ ପୂର୍ବରୁ ପଶ୍ଚିମ ପର୍ଯ୍ୟନ୍ତ ଆଜି ବିଭିନ୍ନ ରାଜ୍ୟରେ ପରିବାଦବାଦ ପାର୍ଟିମାନେ ଦେଶର ବିକାଶରେ ବାଧକ ସାଜିଛନ୍ତିି । ଆମକୁ ଏଭଳି ପରିବାରବାଦ ପାର୍ଟିଗୁଡିକୁ ପରାସ୍ତ କରିବାକୁ ପଡିବ ।
ବିଜେପି ସରକାର ଏସ୍ସି, ଏସ୍ଟି ଓ ଓବିସି ଛାତ୍ରଛାତ୍ରୀମାନଙ୍କୁ ବହୁ ସଂଖ୍ୟାରେ ଛାତ୍ରବୃତି ପ୍ରଦାନ କରିଛି । ମୋଦି ସରକାର ଓବିସି କମିଶନଙ୍କୁ ସାମ୍ବିଧାନିକ ସ୍ୱୀକୃତି ଦେଇଛନ୍ତି । ପ୍ରଧାନମନ୍ତ୍ରୀ ମୋଦିଜୀଙ୍କ ନୀତି ସ୍ପଷ୍ଟ କାରଣରୁ ଏସ୍ସି, ଏସ୍ଟି ଓ ଓବିସିଙ୍କ ବର୍ଗର କଲ୍ୟାଣକାରୀ କାର୍ଯ୍ୟ ସମ୍ଭବ ହେଉଛି ।
ଅତୀତରେ ଅଳ୍ପସଂଖ୍ୟକ ଆୟୋଗ ତିନ ତଲାକ ପ୍ରଥାକୁ ଉଚ୍ଚେଦ କରିବା ପାଇଁ ସୁପାରିଶ କରିଥିଲେ । ତିନି ତଲାକକୁ ରଦ୍ଦ କରିବାର ସାହାସ କାହାର ନଥିଲା କିନ୍ତୁ ମୋଦିଜୀ ଏହାକୁ ଉଚ୍ଛେଦ କରିଛନ୍ତି । ମୋଦିଜୀ ମୁସଲିମ୍ ମହିଳାଙ୍କୁ ସମ୍ମାନର ସହ ବଂଚିବାର ଅଧିକାର ପ୍ରଦାନ କରିଛନ୍ତି ।
୧୯୭୭ମସିହା ଦେଶରେ ଯେତେବେଳେ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଥିଲା ଏବଂ ଲକ୍ଷେରୁ ଅଧିକ ଲୋକଙ୍କୁ ବିନା କାରଣରେ ଜେଲ ଦଣ୍ଡ ଭୋଗିବାକୁ ପଡିଥିଲା । ଏଥି ମଧ୍ୟରୁ ପ୍ରାୟ ୭୦,୦୦୦ ଲୋକ ବିଜେପିର ବିଚାରଧାରା ଓ ଆଦର୍ଶର ଥିଲେ । ବର୍ଷ ବର୍ଷ ଧରି ବିଜେପିର କାର୍ଯ୍ୟକର୍ତା ଜେଲରେ ରହି ଗଣତନ୍ତ୍ରର ସୁରକ୍ଷା ପାଇଁ ସଂର୍ଘଷ କରିଥିଲେ ।
ଏବେ ଦେଶରେ ପରିବର୍ତନ ଆସିଛି । ଏବେ ଭାରତର କୌଣସି ନାଗରିକ ବିଶ୍ୱର ଯେ କୌଣସି ସ୍ଥାନରେ ଯଦି କିଛି ଅସୁବିଧାର ସମ୍ମୁଖୀନ ହୁଅନ୍ତି, ତାହାଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେବଳ ଚିନ୍ତା ନୁହେଁ ବରଂ ସୁରକ୍ଷାରେ ଘରକୁ ଫେରାଇ ଆଣିବାର ସମସ୍ତ ବନ୍ଦୋବସ୍ତ କରୁଛନ୍ତି ।
‘ସଂଯୁକ୍ତ ମୋର୍ଚ୍ଚା ସମ୍ମିଳନୀ’ରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଜଗତ ପ୍ରକାଶ ନଡ୍ଡାଙ୍କ ଅଭିଭାଷଣର ମୁଖ୍ୟ ବିଷୟ
