ମୟୂରଭଞ୍ଜ: ଆଜି ହେଉଛି ଭାରତ ବନ୍ଦ । ଏହି ବନ୍ଦ ଡାକରା ଦେଇଛି ବହୁଜନ କ୍ରାନ୍ତି ମୋର୍ଚ୍ଚା । ତେବେ ସାରା ଭାରତରେ ଏହି ବନ୍ଦକୁ ବହୁଜନ କ୍ରାନ୍ତି ମୋର୍ଚ୍ଚା ପାଳନ କରୁଥିବା ବେଳେ, ମୟୂରଭଞ୍ଜ ଜିଲ୍ଲା ବାରିପଦାରେ ମଧ୍ୟ ଏହି ବନ୍ଦ ପାଳନ ହେଉଥିବା ଦେଖିବାକୁ ମିଳିଛି । ତେବେ କେନ୍ଦ୍ର ସରକାରଙ୍କ ଦ୍ଵାରା ପାରିତ CAA, NRC, ଓ NRP ଆଇନକୁ ଆଖି ଆଗରେ ରଖି ଏହାର ପ୍ରତିବାଦରେ ୫ଦଫା ଦାବିକୁ ନେଇ ଏହି ବନ୍ଦ ପାଳନ କରିଛି ବହୁଜନ କ୍ରାନ୍ତି ମୋର୍ଚ୍ଚା ମୟୁରଭଞ୍ଜ ଶାଖା । ଏହି ବନ୍ଦର ପ୍ରଭାବ ସକାଳ ୬ଘଟିକାରୁ ଦିନ ୧୧ଘଟିକା ପଯ୍ୟନ୍ତ ଜରିରହିଥିବାର ଦେଖିବାକୁ ମିଳିଛି । ଆସନ୍ତା କା
ଲି ସରସ୍ୱତୀ ପୂଜାକୁ ଆଖିଆଗରେ ରଖି ଆନ୍ଦୋଳନର ୫ଘଣ୍ଟା ପରେ ସମସ୍ତ ଆନ୍ଦୋଳନକାରୀଙ୍କୁ ଗିରଫ କରିଛି ପୋଲିସ । ତେବେ ଆନ୍ଦୋଳନକାରୀଙ୍କ ଗିରଫଦାରୀ ପରେ ଅବସ୍ଥାରେ ସ୍ୱାଭାବିକତା ଆସିବା ସହିତ ବାରିପଦା ସହରର ଦୋକାନ ବଜାର, ରାସ୍ତା ଖୋଲିବାର ଦେଖିବାକୁ ମିଳିଛି । ଅନ୍ୟପଟରେ ଦାବି ପୂରଣ ନ ହେବା ପଯ୍ୟନ୍ତ ଏ ଆନ୍ଦୋଳନ ଜାରି ରହିବ ବୋଲି କହିଛନ୍ତି ବହୁଜନ କ୍ରାନ୍ତି ମୋର୍ଚ୍ଚା ର କର୍ମକର୍ତା ।
https://onakhabar.com/2020/01/29/bharat-mukti-morcha-declared-that-bharat-band/