ନୂଆଦିଲ୍ଲୀ : ଫିଲ୍ମ ‘ପୁଷ୍ପା’ରେ ରଶ୍ମିକା ମନ୍ଦନାଙ୍କ ଅଭିନୟ ଦର୍ଶକ ଓ ସମୀକ୍ଷକ ମହଲରେ ଖୁବ୍ ପ୍ରଶଂସିତ ହୋଇଥିଲା । ଶ୍ରୀବଲ୍ଲୀ ଚରିତ୍ର ଜରିଆରେ ରାତାରାତି ସେ ପାଲଟିଗଲେ ସେନ୍ସେସନ୍ । ତା’ପରେ ରଶ୍ମିକାଙ୍କ ନିକଟକୁ ନୂଆ ପ୍ରୋଜେକ୍ଟର ସୁଅ ଛୁଟିଲା । ସେ ମଧ୍ୟ ଏକାଧିକ ଦମ୍ଦାର ପ୍ରୋଜେକ୍ଟ ସାଇନ୍ କଲେ । ଆପଣ ହୁଏତ ଜାଣିନଥିବେ, ‘ପୁଷ୍ପା’ରେ ଦମ୍ଦାର ପ୍ରଦର୍ଶନ ଲାଗି ସନ୍ଦୀପ ରେଡ୍ଡୀ ଭାଙ୍ଗାଙ୍କ ‘ଆନିମଲ୍’ରେ ରଶ୍ମିକା କାମ କରିବାର ସୁଯୋଗ ପାଇଛନ୍ତି ।
ଏ ବିଷୟରେ ରଶ୍ମିକା କହନ୍ତି ‘ଫିଲ୍ମ ‘ପୁଷ୍ପା’ରେ ମୋ ପ୍ରଦର୍ଶନ ଦେଖିବା ପରେ ‘ଆନିମଲ୍’ର ନିର୍ମାତା ମୋତେ ଫିଲ୍ମ ଅଫର୍ ଦେଲେ । ଦ୍ୱିତୀୟ ଥର ଚିନ୍ତା ନ କରି ମୁଁ ହଁ ଭରିଲି । ମୋର ପୂର୍ଣ୍ଣ ବିଶ୍ୱାସ, ଏହି ଫିଲ୍ମରେ ଦର୍ଶକ ମୋର ଏକ ନୂଆ ଦିଗ ଉପଭୋଗ କରିବେ । ‘ପୁଷ୍ପା’ର ସଫଳତା ପରେ ରଶ୍ମିକାଙ୍କ ହାତରେ ପ୍ରାୟ ସବୁ ଇଣ୍ଡଷ୍ଟ୍ରିର ବିଗ୍ ବଜେଟ୍ ଫିଲ୍ମ ରହିଛି । ‘ଗୁଡ୍ବାଏ’ ସହିତ ସେ ‘ପୁଷ୍ପା-୨’ରେ ନଜର ଆସିବେ । ସିଦ୍ଧାର୍ଥ ମଲହୋତ୍ରାଙ୍କ ଅପୋଜିଟ୍ରେ ‘ମିଶନ୍ ମଞ୍ଜୁ’ରେ ମଧ୍ୟ ସେ ସ୍କ୍ରିନ୍ ଶେୟାର କରିବେ ।
On the auspicious occasion of Ugadi & Gudi Padwa, we welcome @iamRashmika to the team of #Animal!
Shooting begins this summer.@AnilKapoor #RanbirKapoor @thedeol @imvangasandeep #BhushanKumar @VangaPranay @MuradKhetani #KrishanKumar @anilandbhanu pic.twitter.com/BeNEQj6nyL— T-Series (@TSeries) April 2, 2022