💝 ଆଜିର ଅନୁଚିନ୍ତା💝

ଜୀବନ ହେଉଛି ଏକ କଠିନତମ ପରୀକ୍ଷା ଏହି ପରୀକ୍ଷାରେ ସେହିମାନେ ଫେଲ ହୋଇଯାଆନ୍ତି, ଯେଉଁମାନେ ଅନ୍ୟକୁ କପି କରିବାକୁ ଚେଷ୍ଟା କରନ୍ତି କାରଣ ସେମାନେ ଜାଣନ୍ତିନି ଯେ, ଏଠି ସମସ୍ତଙ୍କର ଅଲଗା ଅଲଗା ପ୍ରଶ୍ନପତ୍ର . ତେଣୁ ନିଜକୁ କେବେ ଅନ୍ୟ ସହ ତୁଳନା କରନି.. କାରଣ ଭଗବାନ ସମସ୍ତଙ୍କୁ ସମାନ କରିନାହାନ୍ତି, ତେଣୁ ନିଜ ହିସାବରେ ନିଜେ ରୁହ ll

ନିଜର ଭାବୁଥିବା ଅତି ପ୍ରିୟ ବସ୍ତୁ, ବ୍ୟକ୍ତି ଅଥବା ନିଜର ଶରୀର ମଧ୍ୟ ବାସ୍ତବରେ ନିଜର ନୁହେଁ, କେବଳ ଆମେ ଭଡାଟିଆ ପରି ତାହାକୁ ଉପଯୋଗ କରି ଏହି ଦୁନିଆରେ ଛାଡି ଚାଲିଯାଉ । ସେଥିପାଇଁ କାହା ଉପରେ ମୋହ ନ ରଖି କେବଳ ନିଜର ସୁକର୍ମ ଉପରେ ମୋହ ରଖିବା ଉଚିତ୍ ।।

ଶୀତ ସକାଳର କୁହୁଡି ବି ଆମକୁ ଏକ ଶିକ୍ଷା ଦିଏ ,ରାସ୍ତା ଯେତିକି ପର୍ଯ୍ୟନ୍ତ ଦେଖା ଯାଉଛି କିଛି ଚିନ୍ତାନକରି ସେତିକି ଯାଅ ସେଠି ପହଞ୍ଚିବା ପରେ ରାସ୍ତା ଆପେ ଆପେ ଦେଖାଯିବ ll
ଅନ୍ୟ ଉପରେ ନିର୍ଭର କରୁଥିବା ମଣିଷ ସର୍ବଦା ସୁଖରେ ରହିପାରେ ନାହିଁ ||

ଅଦ୍ଯ ତୁଳା ଦି୧୪ନ,ନବମୀ ଦ୨୨।୧୨ ଦିଘ ୨।୪୪,ଅଶ୍ଳେଷା ଦ ୧୯।୧୨ ଦିଘ ୧।୩୨ କର୍କଟ ଚନ୍ଦ୍ର ଦ୧୯।୧୨ ଦିଘ ୧।୩୨

ଭାରତୀୟ ସାଧାରଣ ସମୟ ଅନୁସାରେ (IST)
ତୁଳା ଦ୨/୧୯/୨୫ ଇଂଘ ୫/୫୦/୫୨ ଗତେ ଉଦୟ
ମେଷ ଦ୧/୫୨/୧୦ ଇଂଘ ୫/୧୦/୨୭ ଗତେ ଅସ୍ତ ।
🌺🌺🌺🌺🌺🌺🌺🌺🌺🌺
ଯୋଗିନୀ ପୂର୍ବେ । ଦିବା ଘ୨।୪୪ ଗତେ ଉତ୍ତରେ ।ଯାତ୍ରାଦି ଶୁଭ କର୍ମ ନାସ୍ତି । ଗତ ଦିବସ ନକ୍ଷତ୍ର ଓ ରାଶିମାନଙ୍କର ତାରାଚନ୍ଦ୍ର ଶୁଦ୍ଧି । ବୃଷ, ସିଂହ ଓ କନ୍ୟା ରାଶିମାନଙ୍କର ଘାତବାର । ଦିବା ଘ୧।୩୨ ଗତେ ପୂର୍ବାଫାଃ ଉତ୍ତରାଫାଃ ଚିତ୍ରା ବିଶାଖା ଜ୍ୟେଷ୍ଠା ପୂର୍ବାଷାଢ଼ା ଉତ୍ତରାଷାଢ଼ା ଧନିଷ୍ଠା ପୂର୍ବଭାଦ୍ର ରେବତୀ ଦ୍ଵିଜା କୃତ୍ତିକା ମୃଗଶିରା ପୁନର୍ବସୁ ଅଶ୍ଳେଷା ଏ ନକ୍ଷତ୍ର ମାନଙ୍କର ତାରାଶୁଦ୍ଧି ଓ ସିଂହ କନ୍ୟା ତୁଳା ବିଛା କୁମ୍ଭ ମୀନ ବୃଷ ମିଥୁନ ଏ ରାଶିମାନଙ୍କର ଚନ୍ଦ୍ରଶୁଦ୍ଧି ।କର୍କଟ ଓ ମକର ରାଶିମାନଙ୍କର ଘାତଚନ୍ଦ୍ର । ଦିବା ଘ୭।୧୭ ମଧ୍ୟେ ଘ୩।୪୪ ଗତେ ଘ୫।୧୦ ମଧ୍ୟେ କାଳବେଳା । ଘ୧୨।୫୨ ଗତେ ଘ୨।୧୮ ମଧ୍ୟେ ବାରବେଳା । ରାତ୍ରି ଘ୬।୪୪ ମଧ୍ୟେ ଘ୪।୧୭ ଗତେ ଘ୫।୫୧ ମଧ୍ୟେ କାଳରାତ୍ରି । ମୃତେ ପାଦ ଦୋଷ । ଫଳଂ କୃଷି ହାନି ଓ ଭୂମି ଦାନ । ପ୍ରଥମ ରଜୋଦର୍ଶନେ ସମ୍ବତ୍ସର ଦିବା ଘ୧।୩୨ ଗତେ ପାଞ୍ଚମାସ ଗଣ୍ଡଦୋଷ । ଫଳଂ ସ୍ତ୍ରୀ ବନ୍ଧ୍ୟା ଗୋକାଞ୍ଚନ ପ୍ରବାଳ ରକ୍ତ ବସ୍ତ୍ର ଦାନ । ନବମୀର ଏକୋଦ୍ଦିଷ୍ଟ ଓ ପାର୍ବଣ ଶ୍ରାଦ୍ଧ । ଅଲାବୁ (ଲାଉ) ଦିବା ଘ୨।୪୪ ଗତେ କଳମ୍ବୀ (କଳମ ଶାଗ) ଭକ୍ଷଣ ନିଷେଧ ।
🌺🌺🌺🌺🌺🌺🌺🌺🌺🌺
(ଅମୃତ)- ଦିବା ଘ୬।୩୯ ମଧ୍ୟେ ଘ୭।୨୭ ଗତେ ଘ୯।୪୯ ମଧ୍ୟେ ଘ୧୨।୧୩ ଗତେ ଘ ୩।୨୫ ମଧ୍ୟେ ଘ୪।୧୩ ଗତେ ଘ୫।୧୮ ମଧ୍ୟେ ରାତ୍ରି ଘ୧୨।୨୨ ଗତେ ଘ୧।୫୮ ମଧ୍ୟେ । (ମାହେନ୍ଦ୍ର) – ରାତ୍ରି ଘ ୧।୫୮ ଗତେ ଘ୨।୪୬ ମଧ୍ୟେ ।
,,,, ———-======———–==

🌹ମେଷ : ଆଜି ଆକସ୍ମିକ ଧନ ଲାଭ ଯୋଗ ରହିଛି।ସାହାଯ୍ୟ ପାଇଁ ଆପଣଙ୍କ ପରିବାର ଓ ସମ୍ପର୍କୀୟ ମାନେ ଉପସ୍ଥିତ ହେବା ଯୋଗୁଁ ଆନନ୍ଦିତ ହେବେ। ଆଜି ସେମାନେ ଆପଣଙ୍କ ଜୀବନରେ ମହତ୍ତ୍ୱପୂର୍ଣ୍ଣ ଭୁମିକା ନିର୍ବାହ କରିବେ ।

🌹ବୃଷ : ଆଜି ଆପଣଙ୍କର ସାହାସ ଏବଂ ସୌଭାଗ୍ୟ ଦୁଇଟି ଯାକ ମିଶିକରି ଆପଣଙ୍କୁ ସଫଳତା ଦେବେ । ଆଜି ଆତ୍ମନିର୍ଭରତା ଏବଂ ଆତ୍ମବିଶ୍ୱାସର ଦିନ ଅଛି ଯାହାକି ଆପଣଙ୍କ ନିଜର ନିର୍ଣ୍ଣୟ ଅନ୍ୟ ମାନଙ୍କର ନିର୍ଣ୍ଣୟ ଠାରୁ ଅଧିକ ଗୁରୁତ୍ତ୍ୱ ହେବ ।

🌹ମିଥୁନ: ଆଜି ଆପଣଙ୍କ ଆତ୍ମିୟମାନେ ଆପଣଙ୍କୁ ସାହାଯ୍ୟ କରିବେ । ସେମାନଙ୍କ ଛୋଟ ଛୋଟ ଚ଼େଷ୍ଟା ଆପଣଙ୍କ ମନକୁ ଛୁଇଁଯିବ । ସେମାନଙ୍କ ସାହାଯ୍ୟ ଏବଂ ଭଲ ପାଇବା ଯୋଗୁଁ ଆପଣ ସେମାନଙ୍କୁ କୃତଜ୍ଞତା ଜଣାଇବେ ।

🌹କର୍କଟ : ଆଜି ଆପଣ କୌଣସି ସମସ୍ୟାରେ ପଡିଛନ୍ତି ,ସେଥିପାଇଁ ଆପଣଙ୍କୁ ମିଳୁଥିବା ସାହାଯ୍ୟ ଆପଣଙ୍କୁ ସମସ୍ୟାରୁ ମୁକୁଳିବାର ବାଟ ସାହାଯ୍ୟ କରିବ । ଆପଣ ଏହାଦ୍ୱାରା ଜାଣି ଖୁସି ହେବେ ଯେ ଆପଣଙ୍କୁ ସାହାଯ୍ୟ କରିବା ପାଇଁ ଆପଣଙ୍କର ପୁତ୍ରମାନେ ଆଗେଇ ଆସିବେ ।

🌹ସିଂହ : ଆଜି ଧନଲାଭ ହେବା ସହ ଅପଣଙ୍କ ପ୍ରିୟଜନ ଆପଣଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିବେ ନିଜର ଚ଼େଷ୍ଟା ଏବଂ ସ୍ନେହ ବଳରେ ଆପଣଙ୍କ ଦିନକୁ ସେମାନେ ବହୁତ ସୁନ୍ଦର କରିଦେବେ । ଆପଣ ସେମାନଙ୍କ ସ୍ନେହ ପାଇଁ ବହୁତ ଖୁସି ହେବେ ଏବଂ ନିଜକୁ କୃତାର୍ଥ ମନେ କରିବେ ।

🌹କନ୍ୟା : ଆପଣ ଯେଉଁ ଲୋକଙ୍କ ସହିତ ଚ଼ାଲୁଛନ୍ତି ସେହି ଆପଣଙ୍କର କଳିକଜିଆ ଶେଷ କରି ପାରିବ । କୌଣସି ଘରୋଇ କଳିକଜିଆ ଯେଉଁଟା କି ଆପଣଙ୍କର ଅଶାନ୍ତିର କାରଣ ହୋଇଥିଲା, ସମସ୍ତଙ୍କର ଅଶାନ୍ତିର କାରଣ ହୋଇଥିଲା, ଏବେ ଶେଷ ହୋଇଯିବ ।

🌹ତୁଳା: ଆଜି ଆପଣଙ୍କ ମନ କରିବ ଯେ ,ଆପଣ ଆପଣଙ୍କ ସବୁ କାମ ଏକ ପାର୍ଶ୍ୱରେ ରଖି ନିଜ ପରିବାର ଓ ବନ୍ଧୁମାନଙ୍କ ସହ ଭଲ ସମୟ ବ୍ୟତିତ କରନ୍ତୁ । ନିଜ ପସନ୍ଦର ଖାଦ୍ୟ ଓ ପୁରାତନ ଘନିଷ୍ଠ ବନ୍ଧୁମାନଙ୍କ ସହ ମିଳାମିସା କରିବାର ସୁଯୋଗ ମିଳିବ।

🌹ବିଛା : ଆପଣ ଏ ପରିସ୍ଥିତିରେ ଅଛନ୍ତି ଯେ ଆପଣଙ୍କୁ ଅନେକ ଅଧିକାର ଓ କ୍ଷମତା ମିଳିବ । ଏଥିରେ ଆପଣଙ୍କୁ ବହୁତ ଆନନ୍ଦ ମିଳିବ କିନ୍ତୁ ଏହା ଧ୍ୟାନ ରଖିବା ଉଚ଼ିତ୍ ଯେ ଏହି ଅଧିକାର ସହିତ ଆପଣଙ୍କୁ ଅତିରିକ୍ତ ଦାୟୀତ୍ତ୍ୱ ମଧ୍ୟ ମିଳିବ ।

🌹ଧନୁ : ଆପଣ ଖୁସି ମନେଇବାପାଇଁ କିମ୍ବା ବ୍ୟବସାୟ ଦୃଷ୍ଟିରୁ ବାହାରକୁ ଯାତ୍ରା କରିପାରନ୍ତି । କିନ୍ତୁ କୌଣସି ପ୍ରକାର ଅସୁବିଧା ସୃଷ୍ଟିହେବାର ସଂକେତ ଅଛି । ଯୋଜନାରେ କିଛି ବିଘ୍ନ ଘଟିପାରେ ଏବଂ ଆପଣ ଯୋଜନାର ପରିବର୍ତ୍ତନ କରିପାରନ୍ତି ।

🌹ମକର : ଏହି ସମୟ ନିଜ ସାଙ୍ଗ ସାଙ୍ଗରେ କୌଣସି କଳି କଜିଆରେ ପଡ଼ନ୍ତୁ ନାହିଁ । ବୋଧ ହୁଏ ସମସ୍ତେ ଚ଼ିନ୍ତାର ସମ୍ମୁଖୀନ ହୋଇଛନ୍ତି, ଯାହାର କାରଣ ଚ଼ିନ୍ତାର ପରିବେଶ ସୃଷ୍ଟି ହୋଇଛି । ପ୍ରତିକ୍ଷେତ୍ରରେ ସତର୍କ ରହି କାର୍ଯକରିବା ବୁଦ୍ଧିମାନ ର କାର୍ଯହେବ।

🌹କୁମ୍ଭ : ଅନ୍ୟ ଲୋକ ଆପଣଙ୍କ ଦୟାକୁ ଭୂଲ ବାଟରେ ନେବା ପାଇଁ ଚ଼େଷ୍ଟା କରିବେ । ମନେରଖ ଜୀବନରେ ପ୍ରତ୍ୟେକ ଜିନିଷର ସନ୍ତୁଳିତ ହେବା ଆବଶ୍ୟକ ଅଟେ ଏଥିପାଇଁ ଆବଶ୍ୟକତା ଠାରୁ ଅଧିକ ଦୟା କରିବା ମଧ୍ୟ ଠିକ୍ ନୁହେଁ ।

🌹ମୀନ : ଆପଣଙ୍କର କୌଣସି ପ୍ରିୟଜନ ସହିତ ସମ୍ପର୍କ ଖରାପ ହୋଇଯାଇଛି । ଏହି ସମୟ ଆପଣ ନିଜ କ୍ରୋଧକୁ ଆୟତ୍ତରେ ରଖିବାର ସମୟ ଅଟେ । ଆପଣ ଏହି ସମୟରେ ପୁରୁଣା ମିଠାସ୍ମୃତିକୁ ମନେପକାଇ ପରଷ୍ପରକୁ ଗୁରୁତ୍ତ୍ୱ ଦେବା ଉଚ଼ିତ୍ ହେବ ।

କାହିଁକି ଖାଇବେ ଚଣା ଡାଲି ?
ଚଣା ଡାଲିରେ ଆପଣ ବିଭିନ୍ନ ପ୍ରକାରର ବ୍ୟଞ୍ଜନ ପ୍ରସ୍ତୁତ କରିଥା’ନ୍ତି। ଏଥିରେ ପ୍ରଚୁର ମାତ୍ରାରେ ପ୍ରୋଟିନ୍‌ ଓ ଫାଇବର୍‌ ରହିଛି। ଦୈନନ୍ଦିନ ରୁଟିନ୍‌ରେ ଚଣା ଡାଲିକୁ ସାମିଲ କଲେ ଅନେକ ଲାଭ ମିଳିଥାଏ। ଆସନ୍ତୁ ଜାଣିବା ସେଗୁଡ଼ିକ ବିଷୟରେ…..👇👇👇👇👇👇👇👇👇👇👇👇👇👇

୧. ଗୋଟିଏ କପ୍‌ ବା ୧୦୦ ଗ୍ରାମ୍‌ ସିଝା ଚଣା ଡାଲିରେ ୧୬୪ କିଲୋ କ୍ୟାଲୋରୀ ରହିଥାଏ। ଏହା ବ୍ୟତୀତ ଏଥିରେ ୯ ଗ୍ରାମ୍‌ ପ୍ରୋଟିନ୍‌, ୮ ଗ୍ରାମ୍‌ ଫାଇବର୍‌, ୨.୬ ଗ୍ରାମ୍‌ ଫ୍ୟାଟ୍‌ ଥାଏ। ତେଣୁ ଚଣା ଡାଲି ଖାଇଲେ ଶରୀରରେ କୋଲେଷ୍ଟ୍ରଲ୍‌ ବୃଦ୍ଧି ହୋଇ ନ ଥାଏ।

୨. ଚଣା ଡାଲିରେ ଥିବା ଆଇରନ୍‌, ଫସଫରସ୍‌, ଜିଙ୍କ୍‌, କପର୍‌, ମାଙ୍ଗାନିଜ୍‌, କୋଲାଇନ୍‌, ସେଲେନିୟମ୍‌, ଭିଟାମିନ୍‌ କେ, ମ୍ୟାଗ୍ନେସିୟମ୍‌ ତତ୍ତ୍ୱ ଶରୀରକୁ ପ୍ରଚୁର ମାତ୍ରାରେ ଭିଟାମିନ୍‌-ବି ୬ ପ୍ରଦାନ କରିଥାଏ।

୩. ଯଦି ଆପଣ ଓଜନ କମ୍‌ କରିବାକୁ ଚାହୁଁଛନ୍ତି, ତେବେ ପ୍ରତିଦିନ ଚଣା ଡାଲି ଖାଆନ୍ତୁ। ଏଥିରେ ଫାଇବର୍ ଥିବାରୁ ଭୋକ କମ୍‌ ଲାଗିଥାଏ।

୪. ଆହୁରି ମଧ୍ୟ ଫାଇବର୍‌ ଯୁକ୍ତ ଖାଦ୍ୟ ଖାଇଲେ ଡାଇବେଟିସ୍‌ର ଆଶଙ୍କା କମ୍‌ ରହିଥାଏ। ଚଣା ଡାଲିରେ ଥିବା ଆଣ୍ଟି-ଅକ୍ସିଡାଣ୍ଟ, ଶରୀରରେ ଇନ୍‌ସୁଲିନ୍‌ ଉତ୍ପାଦନର ଶକ୍ତି ବୃଦ୍ଧି କରିଥାଏ। ଏଥିପାଇଁ ଡାଇବେଟିସ୍‌ ରୋଗୀଙ୍କୁ ହାଇ-ଫାଇବର୍‌ ଯୁକ୍ତ ଖାଦ୍ୟ ଖାଇବା ପାଇଁ ପରାମର୍ଶ ଦିଆଯାଇଥାଏ।

୫. ଚଣା ଡାଲି ଖାଇଲେ ହାଡ଼ ଓ ଦାନ୍ତ ମଜବୁତ୍‌ ହୋଇଥାଏ। ଏଥିରେ କ୍ୟାଲସିୟମ୍‌, ମ୍ୟାଗ୍ନେସିୟମ୍‌ ଓ ଫସଫରସ୍‌ ପ୍ରଚୁର ମାତ୍ରାରେ ରହିଛି। କେବଳ ଏତିକି ନୁହେଁ, ଏଥିରେ ଥିବା ମାଇକ୍ରୋନ୍ୟୁଟ୍ରିଏଣ୍ଟସ୍‌ ହାଡ଼ ଓ ଦାନ୍ତକୁ ମଜବୁତ୍‌ ରଖିଥାଏ।

୬. ଚଣା ଡାଲିରେ ଭିଟାମିନ୍‌ ବି ୯ ବା ଫୋଲେଟ୍‌ ଅଧିକ ମାତ୍ରାରେ ରହିଛି। ଫୋଲେଟ୍‌ ମସ୍ତିଷ୍କର କୋଷ ଓ ତନ୍ତ୍ରିକାକୁ ସୁସ୍ଥ ରଖିବାରେ ସାହାଯ୍ୟ କରିଥାଏ। ତେଣୁ ଏହାକୁ ଖାଇଲେ ମୋବାବୋଲିଜିମ୍‌ ସୁସ୍ଥ ରହିଥାଏ।

୭. ଚଣା ଡାଲିରେ ଥିବା ଫାଇବର୍‌ ପେଟରୁ ସୁସ୍ଥ ରଖିଥାଏ, ତେଣୁ କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ।