ନୂଆଦିଲ୍ଲୀ : ଦୁନିଆରେ ବିଭିନ୍ନ ପ୍ରକାରର ଫଳ ଅଛି। ଅନେକ ରୋଗର ମୁକାବିଲା ଏବଂ ଶରୀରକୁ ସୁସ୍ଥ ରଖିବାରେ ଫଳଗୁଡିକ ସାହାଯ୍ୟ କରିଥାଏ। କିନ୍ତୁ ଏପରି ଏକ ଫଳ ଅଛି, ଯାହାର ଫାଇଦା ବିଷୟରେ ହୁଏତ ଆପଣ ଜାଣିନଥିବେ। କିନ୍ତୁ ଏହି ଫଳ ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ଏହି ଫଳ ଖାଇବା ଦ୍ୱାରା ଅନେକ ପ୍ରକାରର ଗମ୍ଭୀର ରୋଗକୁ ମୁକ୍ତି ମିଳିଥାଏ। ଏହାକୁ ସ୍ନେକ୍ ଫ୍ରୁଟ୍ ବା ସାଲାକ୍ ଫ୍ରୁଟ୍ କୁହାଯାଏ।
ଏହି ଫଳ ବିଶେଷତଃ ଇଣ୍ଡୋନେସିଆର ଦ୍ୱୀପ ବାଲି, ଲମ୍ବୋକ୍ ଏବଂ ତିମୋରରେ ଚାଷ କରାଯାଏ, କିନ୍ତୁ ଆପଣ ଏହାକୁ ଯେକୌଣସି ବଜାରରେ ପାଇପାରିବେ। ଏହି ଫଳର ଆକୃତି ଲିଚି ପରି, ଯାହା ଭିତରେ ଏକ ବଡ ମଞ୍ଜି ଅଛି। ଏହି ଫଳର ଉପର ଅଂଶ ସାପର ଚର୍ମ ପରି ଦେଖାଯାଏ। ଫଳର ଚୋପାକୁ ହଟାଇବା ପରେ ଏହାର ଧଳା ଅଂଶ ଅତ୍ୟନ୍ତ ମିଠା।
ସ୍ନେକ୍ ଫ୍ରୁଟ୍ ଖାଇବାର ଫାଇଦା :
୧. ସ୍ନେକ୍ ଫ୍ରୁଟ୍ ଶରୀରର ଷ୍ଟାମିନା ବୃଦ୍ଧି କରିବାରେ ସାହାଯ୍ୟ କରିଥାଏ।
୨. ଏଥିରେ କାର୍ବୋହାଇଡ୍ରେଟ୍, ଭିଟାମିନ୍ ଏବଂ ଅନେକ ପ୍ରକାରର ମିନେରାଲ୍ସ ମିଳିଥାଏ, ଯାହା ଆମ ଶରୀରରେ ଜଳର ଅଭାବ ହେବାକୁ ଦେଇନଥାଏ।
୩. ଫଳରେ ଥିବା ଆଣ୍ଟିଅକ୍ସିଡାଣ୍ଟ ତତ୍ତ୍ୱ, ଫାଇବର ଏବଂ ଫସଫରସ୍ ବଢୁଥିବା ରକ୍ତ ଶର୍କରାକୁ ନିୟନ୍ତ୍ରଣ କରିଥାଏ।
୪. ଗର୍ଭବତୀ ମହିଳାମାନଙ୍କ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ।
୫. ଏହା ଶିଶୁ ଏବଂ ବୃଦ୍ଧମାନଙ୍କ ପାଇଁ ଲାଭଦାୟକ ହୋଇଥାଏ, କାରଣ ଏହା ସ୍ମୃତିଶକ୍ତିକୁ ମଜବୁତ କରିଥାଏ। ୬. ଏହାକୁ ଖାଇବା ଦ୍ୱାରା ଓଜନ ବଢିବା ସମସ୍ୟାରୁ ମୁକ୍ତି ମିଳିବା ସହିତ ହଜମ ପ୍ରକ୍ରିୟାକୁ ମଧ୍ୟ ସୁସ୍ଥ ରହିଥାଏ।
୭. ଦୃଅଟି ଶକ୍ତି ମଧ୍ୟ ବଢିଥାଏ।
