ଭୁବନେଶ୍ୱର : ଆଜିଠାରୁ ଅନିର୍ଦ୍ଧିଷ୍ଟ କାଳ ପାଇଁ ରାଜଧାନୀରେ ଲାଗୁ ହେବ ନାଇଟ୍ କର୍ଫ୍ୟୁ । ସରକାରଙ୍କ କୋଭିଡ଼୍-୧୯ ନିୟନ୍ତ୍ରଣ ନିୟମକୁ ଭତ୍ତି କରି ଶନିବାରଠାରୁ ରାତ୍ରିକାଳୀନ ଜରୁରୀ ପରିସ୍ଥିତି ଜାରି ରହିବ । ପ୍ରତ୍ୟହ ରାତ୍ରି ୯ ଟାରୁ ସକାଳ ୫ଟା ପର୍ଯ୍ୟନ୍ତ ଏହା ବଳବତ୍ତର ରହିବ । ଅତ୍ୟାବଶ୍ୟକୀୟ ସେବା ପାଇଁ ପ୍ରଶାସନିକ, ମ୍ୟୁନିସିପାଲ୍, ପ୍ରଶାସନ, ଟେଲିଫୋନ୍, ପୁଲିସ୍, ସ୍ୱାସ୍ଥ୍ୟ, ଅଗ୍ନିଶମ, ବିଦ୍ୟୁତ୍,ଜଳଯୋଗାଣ,ପରିମଳ,ସ୍ୱିରେ
ତେଣୁ ଏହିସବୁ ନିୟବଣ କାର୍ଯ୍ୟକୁ ସୂଚାରୁରୂପେ କରିବା ପାଇଁ ବିଏମ୍ସି ପକ୍ଷରୁ ପଦକ୍ଷେପ ଜାରି ରହିବ । ନାଇଟ୍ କର୍ଫ୍ୟୁ ସମୟରେ ଅତ୍ୟାବଶ୍ୟକୀୟ ସେବା ପାଇଁ ଚଳାଚଳ କରୁଥିବା ଯାନ ଗୁଡ଼ିକୁ ନିଜର ଟିକଟ, କାଗଜପତ୍ର ଏବଂ ପ୍ରମାଣପତ୍ର ଦେଖାଇ ଯାଇପାରିବେ । ନିୟମ ଅନୁସାରେ ବିଭିନ୍ନ କାର୍ଯ୍ୟାଳୟ ଏବଂ ଅନୁଷ୍ଠାନର କର୍ମଚାରୀମାନେ କର୍ତୃପକ୍ଷ ଦେଇଥିବା ପରିଚୟ ପତ୍ର ଦେଖାଇ ଯାଇପାରିବେ ।
ଉଲ୍ଲଙ୍ଘନକାରୀଙ୍କ ବିରୁଦ୍ଧରେ ଆଇନ୍ ମୁତାବକ ପଦକ୍ଷେପ ନିଆଯିବ ବୋଲି ବିଏମ୍ସି ପକ୍ଷରୁ କୁହାଯାଇଅଛି । ଆଜିଠାରୁ ସଚେତନତା ନିମନ୍ତେ ସହରର ବିଭିନ୍ନ ସ୍ଥାନରେ ହୋର୍ଡ଼ିଂ ଲଗାଇବା କାର୍ଯ୍ୟ ସାଙ୍ଗକୁ ସମସ୍ତ ୱାର୍ଡ଼ ଅଫିସ୍ରେ କୋଭିଡ଼୍ ସଚେତନତା ବାର୍ତା ପ୍ରଦର୍ଶନ କରାଇବା ଆରମ୍ଭ ହୋଇଛି । ବିଏମ୍ ସି ପକ୍ଷରୁ ସଚେତନତା ବାର୍ତ୍ତା ଦେଉଥିବା ଗାଡ଼ି ଗୁଡ଼ିକୁ ସହରର ବିଭିନ୍ନ ସ୍ଥାନରେ ବୁଲାଇ ପ୍ରଚାର କରାଯାଉଛି ।
