ସିନ୍ସିନାଟି : ଆମେରିକା ଓହିଓ ରାଜ୍ୟର ସିନ୍ସିନାଟି ସହରରେ ଗୁରୁବାର ରାତିରେ ଫେଡେରାଲ୍ ବ୍ୟୁରୋ ଅଫ୍ ଇନ୍ଭେଷ୍ଟିଗେସନ୍ (ଏଫ୍ବିଆଇ) ଅଫିସ୍ରେ ପଶିବାକୁ ଉଦ୍ୟମ କରୁଥିବା ଜଣେ ସଶସ୍ତ୍ର ଆକ୍ରମଣକାରୀ ପୁଲିସ ଗୁଳିରେ ନିହତ ହୋଇଛି । ତେବେ ସୁରକ୍ଷା ଦୃଷ୍ଟିରୁ ଏଫ୍ବିଆଇ ସମ୍ପୃକ୍ତ ଆକ୍ରମଣକାରୀର ପରିଚୟ ଦେବାକୁ ମନା କରିଦେଇଛି ।
ଆକ୍ରମଣକାରୀ ବୁଲେଟ୍ପ୍ରୁଫ୍ ଜ୍ୟାକେଟ୍ ପିନ୍ଧିଥିବାରୁ ଏଜେନ୍ସି ଏହାକୁ ଗମ୍ଭୀରତାର ସହିତ ନେଇଛି ବୋଲି ଏକ ପ୍ରେସ୍ କନ୍ଫରେନ୍ସରେ କହିଛି । ନ୍ୟୁୟର୍କ ଟାଇମ୍ସ ରିପୋର୍ଟ ଅନୁସାରେ କିଛିଦିନ ପୂର୍ବେ ଏହି ଆକ୍ରମଣକାରୀ ସୋସିଆଲ୍ ମିଡିଆ ପୋଷ୍ଟ୍ ମାଧ୍ୟମରେ ଏଫ୍ବିଆଇକୁ ଟାର୍ଗେଟ୍ କରିବାକୁ ଧମକ ଦେଇଥିଲା । ଏହାପରେ ତା’ ଉପରେ ନଜର ରଖାଯାଇଥିଲା ।
