ଭୁବନେଶ୍ୱର: ପାରଳାଖେମୁଣ୍ଡି ଏସିଏଫ ସୌମ୍ୟରଂଜନ ମହାପାତ୍ର ମୃତ୍ୟୁ ମାମଲାକୁ ଆଜି ୧୨ ଦିନ ବିତିଗଲାଣି । ଡିଏଫଓଙ୍କୁ କ୍ଲିନ ଚିଟ୍ ନେଇ ବର୍ଷିଛନ୍ତି ସୌମ୍ୟଙ୍କ ପରିବାରର ଓକିଲ ପାର୍ଥସାରଥୀ ନାୟକ । ସୌମ୍ୟଙ୍କ ପରିବାରର ଓକିଲ ପାର୍ଥସାରଥୀ ନାୟକ ପ୍ରତିକ୍ରିୟା ଦେଇ କହିଛନ୍ତି, କର୍ମଚାରୀଙ୍କୁ ପଚାରି, କଲ୍ ଯାଂଚ କରି ଡିଏଫଓଙ୍କୁ କ୍ଲିନଚିଟ୍ ଦେଇଦେଲେ । ଡିଏଫଓ ସେଠି ଥିବା ଯାଏ କୌଣସି କର୍ମଚାରୀ ତାଙ୍କ ବିଷୟରେ କହିବେନି । ଡିଏଫଓ ବିଦ୍ୟାଭାରତୀ ଗୁପ୍ତ ନମ୍ବରରେ କଥା ହେଉଥିବେ, ଯାଂଚ ହୋଇଛି କି ବୋଲି ପ୍ରଶ୍ନ କରିଛନ୍ତି । ବଡ ଅଧିକାରୀଙ୍କୁ ରକ୍ଷା ପାଇଁ ଯେତେ ସବୁ ପ୍ରମାଣ ଅଛି, ପୋଲିସ ନଷ୍ଟ କରୁଛି । ବାଡ କ୍ଷେତ ଖାଇଲେ ରାଜ୍ୟରୁ ସବୁ ଆଇନକାନୁନ ଶେଷ ହୋଇଯିବ ବୋଲି ସେ କହିଛନ୍ତି ।