କଟକ : କଟକ ଜିଲ୍ଲା ମାହାଙ୍ଗା ଥାନା ହଂସଦିଆ ଗ୍ରାମର ଶ୍ୟାସୁନ୍ଦର ବାରିକଙ୍କ ସାନ ଝିଅ ସରୋଜିନୀ ବାରିକଙ୍କୁ ତାର ଶାଶୂଘର ଲୋକେ ହତ୍ୟା କରି ଥିବା ନେଇ ମାହାଙ୍ଗା ଥାନାରେ ଅଭିଯୋଗ ହୋଇଛି । ଗତ ୮ମାସ ତଳେ ଯାଜପୁର ସବୁଅ ଗ୍ରାମର ଗତିକୃଷ୍ଣ ବାରିକ ପ୍ରେମ ବିବାହ କରିଥିଲେ । ବିବାହ ପରେ ବାପଘରୁ ଯୌତୁକ ଆଣିବା ପାଇଁ ନିର୍ଯ୍ୟାତନା ଦେଇଥିଲେ । ସ୍ୱାମୀ ତାକୁ ହତ୍ୟା କରି ମାହାଙ୍ଗା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଆତ୍ମହତ୍ୟା ରୂପ ଦେଉଥିବା ନେଇ ଅଭିଯୋଗ ହୋଇଛି । ସରୋଜିନୀ ପାରିବାରିକ କଲହ ହେତୁ ବେକରେ ରଶି ଲାଗାଇ ଆତ୍ମହତ୍ୟା କରିଥିବା ନେଇ ଶାଶୂଘର ଲୋକ କହିଛନ୍ତି । ଶାଶୂ ଘର ଲୋକେ ସରୋଜିନୀକୁ ଉଦ୍ଧାର କରି ମାହାଙ୍ଗା ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ । ସେପଟେ ଶାଶୂ ଘର ଲୋକେ ସରୋଜିନୀ ଆତ୍ମହତ୍ୟା କରିଛି ବୋଲି କହୁଥିବା ବେଳେ ମୃତ ସରୋଜିନୀର ବାପା ବରି ଥାନାରେ ଏତଲା ଦେଇଛନ୍ତି । ଏତଲା ଲେଖିଛନ୍ତି ଯେ, ଝିଅ ବିବାହ ପରେ ତାର ଶାଶୁ ଘର ଲୋକେ ଯୌତୁକ ପାଇଁ ଏକ ଲକ୍ଷ ଟଙ୍କା ମାଗୁଥିଲେ । ମୁଁ ଦେଇ ନପାରିବାରୁ ସେମାନେ ମୋ ଝିଅକୁ ହତ୍ୟା କରିଛନ୍ତି । ମାହାଙ୍ଗା ପୋଲିସ ଶବ ଜବତ କରି ବରି ଥାନାକୁ ଜଣାଇଛି ।