ଭାରତରେ ଥିବା ଏମିତି ଏକ ରେଳ ଷ୍ଟେସନ, ଭୂତ ଭୟରେ ଅନେକ ବର୍ଷ ଯାଏ ଥିଲା ବନ୍ଦ

ନୂଆଦିଲ୍ଲୀ: ବେଗୁନକୋଡର ରେଲୱେ ଷ୍ଟେସନ ୧୯୬୦ ରେ ଖୋଲିଥିଲା । ଏହା ଖୋଲିବାରେ ସଂଥାଲ ରାଣୀ ଶ୍ରୀମତି ଲାଚନ କୁମାରୀଙ୍କ ମହତ୍ୱପୂର୍ଣ୍ଣ ଯୋଗଦାନ ରହିଥିଲା । ଏହା ଆରମ୍ଭ ହେବାର କିଛି ବର୍ଷ  ପର୍ଯ୍ୟନ୍ତ ସବୁକିଛି ଠିକ ଚାଲିଥିଲା । ହେଲେ ପରେ ସେଠାରେ ଚକିତକର ଘଟମାମାନ ଘଟିବାକୁ ଲାଗିଲା । ୧୯୬୭ରେ ବେଗୁନକୋଡୋରର ଜଣେ ରେଳ କର୍ମଚାରୀ  ଷ୍ଟେସନ ଉପରେ ଜଣେ ମହିଳାଙ୍କ ଭୂତ ଦେଖିଥିବା ଦାବି କରିଥିଲେ । ଏହାସହିତ ପ୍ରଚାର ହେବାକୁ ଲାଗିଲା ଯେ, ସେହି ମହିଳାଙ୍କ ମୃତ୍ୟୁ ସେହି ଷ୍ଟେସନରେ ଟ୍ରେନ ଦୁର୍ଘଟଣା ପାଇଁ ହୋଇଥିଲା । ପରଦିନ ରେଳ କର୍ମଚାରୀ ଜଣଙ୍କ ଏ ବିଷୟରେ କହିଥିଲେ । ମାତ୍ର ଏହି କଥାକୁ ଅଣଦେଖା କରାଯାଇଥିଲା । ପ୍ରକୃତ ଚିନ୍ତା ସେତେବେଳେ ଆସିଲା , ଯେଉଁ ସମୟରେ ବେଗୁନକୋଡୋର  ଷ୍ଟେସନ ମାଷ୍ଟର ଓ ତାଙ୍କ ପରିବାର ରେଲୱେ କ୍ୱାର୍ଟରରେ ମୃତ ଅବସ୍ଥାରେ ମିଳିଥିଲେ । ସେଠାରେ ରହୁଥିବା ଲୋକେ କହିଥିଲେ ଯେ, ଏହି ମୃତ୍ୟୁ ପଛରେ ସେହି ଭୂତର ହାତ ହିଁ ଅଛି । ତାଙ୍କ କହିବା କଥା ହେଲା, ଯେତେବେଳେ ସୂର୍ଯ୍ୟ ଅସ୍ତ ହୁଏ, ତା ପରେ ଯଦି କୌଣସି ଟ୍ରେନ ସେପଟେ ଯାଏ, ତେବେ ସେହି ଭୂତ  ଟ୍ରେନ ସହ ଦୌଡିବାକୁ ଲାଗେ । ଆଉ କେବେ କେବେ ଦୌଡି ଟ୍ରେନ ଆଗକୁ ବି ପଳାଏ । ଏହାବ୍ୟତୀତ ଅନେକ ଥର ଟ୍ରେନ ଆଗରେ ନାଚୁଥିବା ବି ଦାବି କରାଯାଇଛି । ଏହାପରେ ସେହି ଷ୍ଟେସନକୁ ଭୂତ ଷ୍ଟେସନ ସମସ୍ତେ କହିବାକୁ ଲାଗିଲେ । ରେଲୱେ ରେକର୍ଡରେ ବି ଏହା ରହିଲା । ଲୋକଙ୍କ ମଧ୍ୟରେ ଏହି ଭୂତ ଭୟ ଏତେ ମାତ୍ରାରେ ରହିଲା ଯେ, କେହି ସେଠାକୁ ଯିବାକୁ ଚାହିଁଲେନି । ଧିରେ ଧିରେ ଲୋକଙ୍କ ଯିବା ଆସିବା ବନ୍ଦ ହୋଇଗଲା । ଯଦି ସେହି ଷ୍ଟେସନରେ କୌଣସି କର୍ମଚାରୀଙ୍କ ପୋଷ୍ଟିଂ ହୁଏ, ସେମାନେ ତୁରନ୍ତ ମନା ହିଁ କରିଦିଅନ୍ତି । ବେଗୁନକୋଡର  ଷ୍ଟେସନରେ ଟ୍ରେନ ରହିବା ବି ବନ୍ଦ ହୋଇଗଲା । କାରଣ ଭୟରେ ଯାତ୍ରୀମାନେ ନା ସେଠାରେ ଓହ୍ଲାଇବାକୁ ଚାହିଁଲେ ନା କେହି ସେହି  ଷ୍ଟେସନରୁ ଚଢିବାକୁ ଚାହିଁଲେ ।   ପରେ ତାହା ସଂପୂର୍ଣ୍ଣ ଭାବରେ ଶୂନଶାନ ହୋଇଗଲା । ୨୦୦୯ ମସିହାରେ ଗାଁ ଲୋକେ କହିବା ପରେ ତତ୍କାଳୀନ ରେଳ ମନ୍ତ୍ରୀ ମମତା ବାନାର୍ଜୀ ପୁଣି ଥରେ ଏହି ଷ୍ଟେସନ ଖୋଲିଥିଲେ । ସେବେଠୁ ଆରମ୍ଭ କରି ଏ ଯାଏଁ ଆଉ କେଉଁ ଭୂତ ଦେକାଯିବା ଖବର ଆସିନାହିଁ । ହେଲେ ଏବେ ବି ସୂର୍ଯ୍ୟାସ୍ତ ପରେ ଲୋକେ ସେଠାରେ ରୁହନ୍ତି ନାହିଁ । ବର୍ତମାନ ସେଠାରେ ୧୦ଟି ଟ୍ରେନ ରହୁଛି ।