କେନ୍ଦ୍ରାପଡା : ଭିତରକନିକା ଜାତୀୟ ଉଦ୍ୟାନ ଅନ୍ତର୍ଗତ ବିଭିନ୍ନ ନଦୀ ମୁହାଣ ଓ ଲୁଣାପାଣି ଅଂଚଳରେ ବନ ବିଭାଗ ପକ୍ଷରୁ ଆସନ୍ତା ଜାନୁୟାରୀ ୧୭ରେ ଡଲଫିନ ଗଣନା ଆରମ୍ଭ କରାଯିବ ବୋଲି ରାଜନଗର ବନବିଭାଗ ପକ୍ଷରୁ ସୂଚନା ମିଳିଛି । ଧାମରାଠାରୁ ଦେବୀନଦୀ ମୁହାଣ ଯାଏ ସମୁଦ୍ରମଧ୍ୟରେ ତଥା ଭିତରକନିକାରେ ଥିିବା କ୍ରିକ୍ ଓ ନଦୀରେ ଏହି ଗଣନା କରାଯିବ । ସାମୁଦ୍ରିକ ସ୍ତନ୍ୟପାୟୀ ଜୀବ ଡଲଫିନର ଗଣନା କାର୍ଯ୍ୟରେ ୯ଟି ଟିମ୍ ଭାଗ ନେବେ ବୋଲି ଜଣାପଡିଛି । ବରୁଣେଇ ମୁହାଣ , ଜଟାଧରୀ ମୁହାଣ , ଦେବୀନଦୀ ମୁହାଣ, ଧାମରା, କଜଳପାଟିଆ, ନଳିତା ପାଟିଆ, ଖଳା, କାଳିଭଞ୍ଜଡିହା, ଜମ୍ବୁ , ଖରିନାସୀ ଓ ହୁକିଟୋଲା ନିକଟ ନଦୀ ମୁହାଣ ଓ ଲୁଣିପାଣି ଅଞ୍ଚଳରେ ଏହି ଗଣନ କାର୍ଯ୍ୟ କରାଯିବ ବୋଲି ସୂଚନା ମିଳିଛି । ପୂର୍ବରୁ କେବଳ ଚିଲିକାରେ ଡଲଫିନ ଗଣନା କାରଯାଉଥିଲା । ରାଜ୍ୟସରକାରଙ୍କ ଜଙ୍ଗଲ ଓ ପରିବେଶ ବିଭାଗର ନିଷ୍ଫତି କ୍ରମେ ଗତ ୫ବଷ ର୍ହେଲା ଭିତରକନିକା ଅଂଚଳରେ ମଧ୍ୟ ଏହି ଗଣନା କାରଯାଉଥିବା ଜଣାପଡିଛିିି । ଏହି ଗଣନା ଦ୍ୱାରା ବିଦେଶାଗତ ଇରୱାଡି ଡଲଫିନର ପ୍ରଜାତି ସହ ଅନ୍ୟାନ୍ୟ ପ୍ରଜାତୀର ସଂଖ୍ୟା ସଂପର୍କରେ ତଥ୍ୟ ମିଳିପାରିବ ବୋଲି ଆଶା କରାଯାଉଛି ।
୨୦୧୫ରେ ଡଲଫିନ ପରିସଂଖ୍ୟାନରୁ ଭିତରକନିକାରେ ସନ୍ତୋଷଜନକ ସ୍ଥିତିରେ ଡଲଫିନ୍ ରହିଥିବା ଜଣା ପଡିଥିଲା । ଏହି ସମୟରେ ମୋଟ ୨୭୦ ଡଲଫିନ ଥିବା ସମୟରେ , ୫୮ଟି ଇରୱାଡ ପ୍ରଜାତୀର ଡଲଫିନ ରହିଥିବା ସଂପର୍କରେ ପ୍ରକାଶିତ ତଥ୍ୟରୁ ସୂଚନା ମିଳିଥିଲା । ସେହିପରି ଅନ୍ୟ ପ୍ରଜାତୀ ମଧ୍ୟରେ ମୈାସା ଚିନେନ୍ସିସ ଡଲଫିିନ ୧୨୩ଟି , ମୈାସା ପ୍ଲମ୍ବେରିଆ ଡଲଫିନ ୫୦ଟି , ବଟଲ ନୋଜ ଡଲଫିନ ୨୩ଟି , ପ୍ଲାନ୍ ଟୋପିକାଲ ପ୍ପଟେଡ୍ ଡଲଫିନନ ୧୫ଟି ଓ ଫିନଲେସ ପ୍ରଜୋନ ୧ଟି ଡଲଫିନ ରହିଥବା ଜଣାପଡିଥିଲା । ଅନ୍ୟପକ୍ଷରେ ୨୦୧୬ରେ ପାଗ ଖରାପକୁ ନେଇ ସାମୁଦ୍ରିକ ଜୀବ ଡଲଫିନ ଗଣନାକୁ ଜଙ୍ଗଲ ବିଭାଗ ପକ୍ଷରୁ ଶେଷରେ ବାତିଲ କରାଯାଇଥିିଲା । କାରଣ ପାଗ ଖରାପକୁ ନେଇ ଡଲଫିନର ଦେଖାମିଳିନଥିଲା । ତେବେ ୨୦୧୭ ଡଲଫିନ ଗଣନାରୁ ମୋଟ ୮୨ଟି ଡଲଫିନ ଥିବା ବେଳେ ସେଥିରୁ ଇରୱାଡି ପ୍ରଜାତୀର ୫୫ଟି ଥିବା ଜଣାପଡିଥିଲା । ୨୦୧୮ରେ ୩୦୭, ୨୦୧୯ ରେ ୧୨୬ ଏବଂ ୨୦୨୦ରେ ୬୨ ଟି ଡଲଫିନ ଥିବା ଜଣାପଡିଛି ।
ତେବେ ଚଳିବର୍ଷ ଡଲଫିନ ଗଣନା କାର୍ଯ୍ୟ ଜାନୁୟାରୀ ୧୭ରେ ଆଉଟର ହୁଇଲରରୁ ଚିଂଚିରି ମାଉଥ, ବରୁଣେଇରୁ ପାରାଦୀପ, ହଂସିଣା ବ୍ରିଜରୁ ମାଇପୁରା ମାଉଥ, ରାଜନଗର ହଂସୁଆନଦୀରୁ ଖୋଳା, , ଖୋଳାରୁ ଧମରା ମାଉଥ, ଭାୟା ନଳିତାପାଟିଆ, କାଳିଭଂଜଡିଆ , ଜମ୍ବୁ ଖରିନାସୀରୁ ହୁଡିଟୋଲା. ପାରାଦୀପରୁ ଜଟାଧରୀ ମୁହାଣ, ଓ ଦେବୀ ମୁହାଣରୁ ଜଟାଧରୀ ମୁହାଣ ଯାଏ ଏହି ିଗଣନା କାର୍ଯ୍ୟ ହେବ । ଏହି ଡଲଫିିନ ଗଣନା କାର୍ଯ୍ୟରେ ସମୁଦାୟ ୯ଟି ଦଳ ନିୟୋଜିତ ହେବେ ବୋଲି ବନ ବିଭାଗ ସୂଚନାରୁ ଜଣାପଡିଛି ।
